ਜੂਲੀ ਸਟਫਟ ਨੇ ਕਿਹਾ ਕਿ ਉਹ ਭਾਰਤ ਨੂੰ ਪਹਿਲ ਦੇਣ ਲਈ ਵਚਨਬੱਧ ਹਨ
ਵਾਸ਼ਿੰਗਟਨ: ਅਮਰੀਕੀ ਵੀਜ਼ਾ ਪ੍ਰਸ਼ਾਸਨ ਨੇ ਸਪੱਸ਼ਟ ਕੀਤਾ ਹੈ ਕਿ ਕੋਵਿਡ-19 ਮਹਾਮਾਰੀ ਤੋਂ ਬਾਅਦ ਦੇਸ਼ ਭਰ 'ਚ ਵੀਜ਼ਾ ਮਨਜ਼ੂਰੀਆਂ 'ਚ ਲਗਭਗ 36 ਫੀਸਦੀ ਦਾ ਵਾਧਾ ਹੋਇਆ ਹੈ। ਇਸ ਤੋਂ ਇਲਾਵਾ ਵੀਜ਼ਿਆਂ ਲਈ ਉਡੀਕ ਸਮਾਂ ਘਟਾਉਣ ਨੂੰ ਪਹਿਲ ਦਿੱਤੀ ਜਾ ਰਹੀ ਹੈ। ਕੌਂਸਲਰ ਮਾਮਲਿਆਂ ਦੇ ਬਿਊਰੋ ਵਿਚ ਵੀਜ਼ਾ ਸੇਵਾਵਾਂ ਲਈ ਉਪ ਸਹਾਇਕ ਸਕੱਤਰ ਜੂਲੀ ਸਟਫਟ ਨੇ ਓਵਰਸੀਜ਼ ਰਿਸਰਚ ਇੰਸਟੀਚਿਊਟ ਦੇ ਇਕ ਮੀਡੀਆ ਸਮਾਗਮ ਨੂੰ ਦੱਸਿਆ ਕਿ ਭਾਰਤ ਨੰਬਰ 1 ਤਰਜੀਹ ਹੈ।
ਇਹ ਵੀ ਪੜ੍ਹੋ : ਇਨਸਾਨੀਅਤ ਸ਼ਰਮਸਾਰ: 9ਵੀਂ ਜਮਾਤ ਦੀ ਵਿਦਿਆਰਥਣ ਨਾਲ ਗੈਂਗਰੇਪ ਕਰਨ ਤੋਂ ਬਾਅਦ ਕੀਤਾ ਕਤਲ
ਜੂਲੀ ਸਟਫਟ ਨੇ ਕਿਹਾ ਕਿ ਉਹ ਭਾਰਤ ਨੂੰ ਪਹਿਲ ਦੇਣ ਲਈ ਵਚਨਬੱਧ ਹਨ। ਅਸੀਂ ਅਜਿਹੀ ਸਥਿਤੀ ਤੋਂ ਆਪਣੇ ਆਪ ਨੂੰ ਕੱਢਣ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਾਂ ਜਿੱਥੇ ਲੋਕਾਂ (ਭਾਰਤ ਵਿਚ ਕਿਸੇ ਵੀ ਵਿਅਕਤੀ) ਨੂੰ ਵੀਜ਼ਾ ਨਿਯੁਕਤੀ ਜਾਂ ਵੀਜ਼ਾ ਮੰਗਣ ਲਈ ਲੰਬਾ ਇੰਤਜ਼ਾਰ ਨਹੀਂ ਕਰਨਾ ਪਵੇਗਾ।
ਇਹ ਵੀ ਪੜ੍ਹੋ : ਸ੍ਰੀ ਗੁਰੂ ਗੋਬਿੰਦ ਸਿੰਘ ਕਾਲਜ ਵਲੋਂ ਯੋਗਾ ਸੈਸ਼ਨ ਦਾ ਆਯੋਜਨ
ਇਸ ਸਮੇਂ ਭਾਰਤ ਵਿਚ ਕਾਫੀ ਇੰਤਜ਼ਾਰ ਕਰਨਾ ਪੈਂਦਾ ਹੋ, ਜੋ ਕਿ ਸਾਡਾ ਆਦਰਸ਼ ਨਹੀਂ ਹੈ। ਇਸੇ ਲਈ ਉਡੀਕ ਸਮੇਂ ਵਿਚ ਕਟੌਤੀ ਨੂੰ ਪਹਿਲ ਦਿੱਤੀ ਜਾ ਰਹੀ ਹੈ। ਉਹਨਾਂ ਕਿਹਾ ਕਿ ਪਹਿਲੀ ਵਾਰ ਆਉਣ ਵਾਲੇ ਯਾਤਰੀਆਂ ਦੀ ਮਿਆਦ 1,000 ਦਿਨਾਂ ਤੋਂ ਘਟ ਕੇ ਲਗਭਗ 580 ਰਹਿ ਗਈ ਹੈ। ਇਹਨਾਂ ਵਿਚ ਅਕਸਰ ਆਉਣ ਵਾਲੇ ਸੈਲਾਨੀਆਂ ਲਈ ਇੰਟਰਵਿਊ ਛੋਟ, ਭਾਰਤੀ ਮਿਸ਼ਨਾਂ ਵਿਚ ਕੌਂਸਲਰ ਕਾਰਜਾਂ ਵਿਚ ਵਾਧੂ ਸਟਾਫ ਅਤੇ ਛੁੱਟੀਆਂ ਵਿਚ ਕੰਮ ਸ਼ਾਮਲ ਹਨ। ਮਿਸ਼ਨ ਸਟਾਫ ਵੀਜ਼ਾ ਦੀ ਪ੍ਰੋਸੈਸਿੰਗ ਵਿਚ ਦਿਨ ਭਰ ਲੱਗਿਆ ਰਹਿੰਦਾ ਹੈ। ਸਟਫਟ ਨੇ ਕਿਹਾ ਕਿ ਮਹਾਂਮਾਰੀ ਤੋਂ ਪਹਿਲਾਂ ਦੇ ਮੁਕਾਬਲੇ ਹੁਣ 36% ਜ਼ਿਆਦਾ ਵੀਜ਼ੇ ਮਨਜ਼ੂਰ ਕੀਤੇ ਗਏ ਹਨ। ਉਹਨਾਂ ਕਿਹਾ, "ਮੈਨੂੰ ਲਗਦਾ ਹੈ ਕਿ ਇਹ ਸਾਲ ਦੇ ਨਾਲ ਅਸਲ ਵਿਚ ਵਧੇਗਾ, ਕਿਉਂਕਿ ਅਜੇ ਸਿਰਫ ਫਰਵਰੀ ਹੈ”।
ਇਹ ਵੀ ਪੜ੍ਹੋ : ਪੰਜਾਬ ਹਰਿਆਣਾ ਹਾਈ ਕੋਰਟ ਦੀ ਟਿੱਪਣੀ : ਆਪਣੀ ਮਰਜ਼ੀ ਨਾਲ ਵਿਆਹ ਕਰਵਾਉਣਾ ਕੋਈ ਨਵੀਂ ਗੱਲ ਨਹੀਂ
ਇਸ ਤੋਂ ਪਹਿਲਾਂ ਅਮਰੀਕੀ ਦੂਤਾਵਾਸ ਨੇ ਇਸ ਸਾਲ ਭਾਰਤੀਆਂ ਲਈ ਰਿਕਾਰਡ ਵੀਜ਼ਾ ਪ੍ਰੋਸੈਸਿੰਗ ਦਾ ਐਲਾਨ ਕੀਤਾ ਸੀ। ਦੂਤਾਵਾਸ ਪਹਿਲੀ ਵਾਰ ਦੇ B1 ਅਤੇ B2 ਟੂਰਿਸਟ ਅਤੇ ਬਿਜ਼ਨਸ ਟਰੈਵਲ ਵੀਜ਼ਿਆਂ ਵਿਚ ਬੈਕਲਾਗ ਨੂੰ ਘਟਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਤਹਿਤ ਪੂਰੇ ਭਾਰਤ ਵਿਚ 2.5 ਲੱਖ B1/B2 ਵੀਜ਼ਾ ਅਪਾਇੰਟਮੈਂਟਾਂ ਬੁੱਕ ਕੀਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਦੁਨੀਆ ਭਰ ਦੇ ਦੂਤਾਵਾਸਾਂ ਅਤੇ ਖਾਸ ਤੌਰ 'ਤੇ ਵਾਸ਼ਿੰਗਟਨ ਡੀਸੀ ਤੋਂ ਅਧਿਕਾਰੀਆਂ ਨੂੰ ਪਹਿਲੀ ਵਾਰ B1/B2 ਵੀਜ਼ਾ ਲਈ ਇੰਟਰਵਿਊ ਲਈ ਬੁਲਾਇਆ ਗਿਆ ਹੈ।
