ਹੁਣ ਤਕ ਕੋਈ ਵੀ ਮਨੁੱਖ ਦੁਆਰਾ ਬਣਾਈ ਗਈ ਵਸਤੂ ਸੂਰਜ ਦੇ ਇੰਨੇ ਨੇੜੇ ਨਹੀਂ ਪਹੁੰਚੀ

NASA's amazing achievement in the field of science, Parker Solar Probe will reach the closest Sun News in Punjabi : ਨਾਸਾ ਦਾ ਪਾਰਕਰ ਸੋਲਰ ਪ੍ਰੋਬ ਹੁਣ ਤਕ ਕਿਸੇ ਵੀ ਮਨੁੱਖ ਦੁਆਰਾ ਬਣਾਏ ਪੁਲਾੜ ਯਾਨ ਨਾਲੋਂ ਸੂਰਜ ਦੇ ਨੇੜੇ ਪਹੁੰਚਣ ਵਾਲਾ ਹੈ। ਇਹ ਇਕ ਅਦਭੁਤ ਵਿਗਿਆਨਕ ਪ੍ਰਾਪਤੀ ਹੋਵੇਗੀ। ਹੁਣ ਤਕ ਕੋਈ ਵੀ ਮਨੁੱਖ ਦੁਆਰਾ ਬਣਾਈ ਗਈ ਵਸਤੂ ਸੂਰਜ ਦੇ ਇੰਨੇ ਨੇੜੇ ਨਹੀਂ ਪਹੁੰਚੀ ਹੈ।

ਨਾਸਾ ਦਾ ਪਾਰਕਰ ਸੋਲਰ ਪ੍ਰੋਬ 24 ਦਸੰਬਰ ਨੂੰ ਸੂਰਜ ਦੇ ਬਹੁਤ ਨੇੜੇ ਤੋਂ ਲੰਘੇਗਾ। ਇਹ ਹੁਣ ਤਕ ਦੀ ਸੂਰਜ ਦੇ ਨੇੜੇ ਦੀ ਸੱਭ ਤੋਂ ਨਜ਼ਦੀਕੀ ਉਡਾਣ ਹੋਵੇਗੀ, ਜਦੋਂ ਇਹ ਪੁਲਾੜ ਯਾਨ ਸੂਰਜ ਦੀ ਸਤ੍ਹਾ ਤੋਂ ਸਿਰਫ਼ 62 ਲੱਖ ਕਿਲੋਮੀਟਰ ਦੀ ਦੂਰੀ 'ਤੇ ਹੋਵੇਗਾ। ਪਾਰਕਰ ਸੋਲਰ ਪ੍ਰੋਬ ਮਿਸ਼ਨ ਸੂਰਜ ਦੇ ਰਹੱਸਾਂ ਨੂੰ ਸੁਲਝਾਉਣ ਅਤੇ ਪੁਲਾੜ ਵਿਚ ਮੌਸਮ ਦੀਆਂ ਘਟਨਾਵਾਂ ਨੂੰ ਸਮਝਣ ਲਈ ਲਾਂਚ ਕੀਤਾ ਗਿਆ ਸੀ। ਇਸ ਨੂੰ ਅਗਸਤ 2018 ਵਿਚ ਲਾਂਚ ਕੀਤਾ ਗਿਆ ਸੀ ਅਤੇ ਇਹ ਸੱਤ ਸਾਲਾਂ ਦਾ ਮਿਸ਼ਨ ਹੈ ।

ਮੈਰੀਲੈਂਡ ਵਿਚ ਜੌਨਸ ਹੌਪਕਿੰਸ ‘ਅਪਲਾਈਡ ਫ਼ਿਜ਼ਿਕਸ ਲੈਬੋਰੇਟਰੀ’ (ਏਪੀਐਲ) ਦੇ ਪਾਰਕਰ ਸੋਲਰ ਪ੍ਰੋਬ ਮਿਸ਼ਨ ਦੇ ਸੰਚਾਲਨ ਮੈਨੇਜਰ, ਨਿਕ ਪਿੰਕਿਨ ਨੇ ਕਿਹਾ, "ਕਿਸੇ ਵੀ ਮਨੁੱਖ ਦੁਆਰਾ ਬਣਾਇਆ ਗਿਆ ਪੁਲਾੜ ਯਾਨ ਕਦੇ ਵੀ ਕਿਸੇ ਵੀ ਤਾਰੇ ਦੇ ਨੇੜੇ ਨਹੀਂ ਪਹੁੰਚਿਆ ਹੈ।" ਇਸ ਲਈ, ਹੁਣ ਪਾਰਕਰ ਸੋਲਰ ਪ੍ਰੋਬ ਅਣਜਾਣ ਖੇਤਰ ਤੋਂ ਡੇਟਾ ਭੇਜੇਗਾ ।" ਅਸੀਂ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਾਂ ਕਿ ਇਹ ਪੁਲਾੜ ਯਾਨ ਸੂਰਜ ਦੇ ਚੱਕਰ ਲਗਾਉਣ ਤੋਂ ਬਾਅਦ ਕਦੋਂ ਵਾਪਸ ਆਵੇ ਅਤੇ ਸਾਨੂੰ ਨਵੀਂ ਜਾਣਕਾਰੀ ਦੇਵੇ। "

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

ਵਿਲੱਖਣ ਹੈ ਪਾਰਕਰ ਸੋਲਰ ਪ੍ਰੋਬ :

ਪਾਰਕਰ ਸੋਲਰ ਪ੍ਰੋਬ ਅਪਣੀ ਗਤੀ ਅਤੇ ਸਹਿਣਸ਼ਕਤੀ ਦੋਵਾਂ ਪੱਖੋਂ ਇਕ ਵਿਲੱਖਣ ਮਿਸ਼ਨ ਹੈ। ਇਹ ਪੁਲਾੜ ਯਾਨ 6,90,000 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲ ਰਿਹਾ ਹੈ। ਇੰਨੀ ਤੇਜ਼ ਰਫ਼ਤਾਰ ਨਾਲ ਇਹ ਇਕ ਮਿੰਟ ਤੋਂ ਵੀ ਘੱਟ ਸਮੇਂ ਵਿਚ ਵਾਸ਼ਿੰਗਟਨ ਤੋਂ ਟੋਕੀਓ ਪਹੁੰਚ ਸਕਦਾ ਹੈ।

ਇਸ ਤੋਂ ਇਲਾਵਾ, ਵਾਹਨ ਦੀ ਹੀਟ ਸ਼ੀਲਡ ਲਗਭਗ 870-930 ਡਿਗਰੀ ਸੈਲਸੀਅਸ ਤਕ ਗਰਮੀ ਨੂੰ ਸਹਿ ਸਕਦੀ ਹੈ। ਪਰ ਅੰਦਰਲੇ ਵਿਗਿਆਨਕ ਯੰਤਰਾਂ ਨੂੰ ਸੁਰੱਖਿਅਤ ਰਖਣ ਦੀ ਤਕਨੀਕ ਇੰਨੀ ਉੱਨਤ ਹੈ ਕਿ ਉਹ ਲਗਭਗ 29 ਡਿਗਰੀ ਸੈਲਸੀਅਸ ਦੇ ਤਾਪਮਾਨ 'ਤੇ ਹੀ ਕੰਮ ਕਰਦੇ ਰਹਿਣਗੇ। ਜੇ ਧਰਤੀ ਅਤੇ ਸੂਰਜ ਦੀ ਦੂਰੀ ਨੂੰ ਇਕ ਅਮਰੀਕੀ ਫ਼ੁਟਬਾਲ ਮੈਦਾਨ ਦੇ ਬਰਾਬਰ ਮੰਨਿਆ ਜਾਵੇ ਤਾਂ ਇਹ ਪੁਲਾੜ ਯਾਨ ਸਿਰਫ਼ 4 ਗਜ਼ ਦੂਰੀ ’ਤੇ ਹੋਵੇਗਾ। ਪਾਰਕਰ 24 ਦਸੰਬਰ ਨੂੰ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 5.23 ਵਜੇ ਸੂਰਜ ਦੇ ਸੱਭ ਤੋਂ ਨੇੜੇ ਪਹੁੰਚ ਜਾਵੇਗਾ।

ਇਸ ਮਿਸ਼ਨ ਨੂੰ ਕਈ ਵਿਲੱਖਣ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਨਾਸਾ ਦੀ ਟੀਮ ਦਾ ਪੁਲਾੜ ਯਾਨ ਨਾਲ ਉਦੋਂ ਸਿੱਧਾ ਸੰਪਰਕ ਟੁੱਟ ਜਾਵੇਗਾ ਜਦੋਂ ਇਹ ਸੂਰਜ ਦੇ ਸੱਭ ਤੋਂ ਨੇੜੇ ਹੋਵੇਗਾ, ਜਿਸ ਨੂੰ "ਪੈਰੀਹੇਲੀਅਨ" ਕਿਹਾ ਜਾਂਦਾ ਹੈ। ਇਸ ਦੇ ਬਾਵਜੂਦ, ਵਿਗਿਆਨੀ "ਬੀਕਨ ਟੋਨ" ਨਾਮਕ ਤਕਨੀਕ ਦੀ ਵਰਤੋਂ ਕਰ ਕੇ ਪੁਲਾੜ ਯਾਨ ਦੀ ਸਥਿਤੀ ਨੂੰ ਟਰੈਕ ਕਰਨਗੇ। ਨਾਸਾ ਦੀ ਟੀਮ ਪੁਲਾੜ ਯਾਨ ਦੇ ਡੇਟਾ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੀ ਹੈ, ਜੋ ਅਗਲੇ ਕੁਝ ਹਫ਼ਤਿਆਂ ਵਿਚ ਮਿਲਣਾ ਸ਼ੁਰੂ ਹੋ ਜਾਵੇਗਾ।

ਮਹੱਤਵਪੂਰਨ ਜਾਣਕਾਰੀ ਦੀ ਉਡੀਕ:

ਪਾਰਕਰ ਸੋਲਰ ਪ੍ਰੋਬ ਸੂਰਜ ਦੇ ਬਾਹਰੀ ਵਾਯੂਮੰਡਲ ਜਿਸ ਨੂੰ ਕੋਰੋਨਾ ਕਿਹਾ ਜਾਂਦਾ ਹੈ, ਦੀ ਡੂੰਘਾਈ ਨਾਲ ਜਾਂਚ ਕਰ ਰਿਹਾ ਹੈ, ਇਸ ਮਿਸ਼ਨ ਦਾ ਮਕਸਦ ਸੂਰਜ ਤੋਂ ਨਿਕਲਣ ਵਾਲੀ ਊਰਜਾ ਦੀ ਧਾਰਾ ਦੇ ਰਹੱਸ ਨੂੰ ਸੁਲਝਾਉਣਾ ਹੈ, ਜਿਸ ਨੂੰ ਸੂਰਜੀ ਹਵਾ ਕਿਹਾ ਜਾਂਦਾ ਹੈ। ਨਾਲ ਹੀ ਇਹ ਵੀ ਪਤਾ ਲਗਾਉਣਾ ਹੋਵੇਗਾ ਕਿ ਕੋਰੋਨਾ ਦਾ ਤਾਪਮਾਨ ਸੂਰਜ ਦੀ ਸਤ੍ਹਾ ਤੋਂ ਜ਼ਿਆਦਾ ਕਿਉਂ ਹੈ। ਇਹ ਵਾਹਨ ਕੋਰੋਨਲ ਮਾਸ ਇਜੈਕਸ਼ਨ (ਸੂਰਜ ਤੋਂ ਬਾਹਰ ਆਉਣ ਵਾਲੇ ਵਿਸ਼ਾਲ ਪਲਾਜ਼ਮਾ ਬੱਦਲ) ਦੇ ਗਠਨ ਦੀ ਪ੍ਰਕਿਰਿਆ ਨੂੰ ਸਮਝਣ ਵਿਚ ਵੀ ਮਦਦ ਕਰੇਗਾ।

ਇਸ ਮਿਸ਼ਨ ਰਾਹੀਂ ਸੂਰਜ ਬਾਰੇ ਅਜਿਹੀ ਜਾਣਕਾਰੀ ਹਾਸਲ ਕੀਤੀ ਜਾ ਰਹੀ ਹੈ, ਜੋ ਪਹਿਲਾਂ ਕਦੇ ਨਹੀਂ ਮਿਲੀ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਬ੍ਰਹਿਮੰਡ ਬਾਰੇ ਸਾਡੀ ਸਮਝ ਨੂੰ ਡੂੰਘਾਈ ਦੇਵੇਗਾ। ਨਾਸਾ ਦਾ ਇਹ ਪੁਲਾੜ ਯਾਨ ਨਾ ਸਿਰਫ਼ ਵਿਗਿਆਨ ਲਈ ਨਹੀਂ ਸਗੋਂ ਪੁਲਾੜ ਮਿਸ਼ਨਾਂ ਲਈ ਵੀ ਵੱਡੀ ਪ੍ਰਾਪਤੀ ਹੈ। ਇਸ ਮਿਸ਼ਨ ਦੇ ਤਹਿਤ, 22 ਮਾਰਚ 2025 ਅਤੇ 19 ਜੂਨ 2025 ਨੂੰ ਦੋ ਹੋਰ ਰਿਕਾਰਡ ਤੋੜ ਫਲਾਈਬਾਈਜ਼ ਹੋਣਗੇ, ਜਦੋਂ ਪੁਲਾੜ ਯਾਨ ਦੁਬਾਰਾ ਉਸੇ ਦੂਰੀ 'ਤੇ ਪਹੁੰਚੇਗਾ।

ਇਸ ਤੋਂ ਪਹਿਲਾਂ 2011 ਵਿਚ, ਵਿਗਿਆਨੀਆਂ ਨੇ ਧਰਤੀ ਤੋਂ ਭੇਜੇ ਗਏ ਪੁਲਾੜ ਯਾਨ ਨੂੰ ਸੂਰਜ ਦੇ ਸੱਭ ਤੋਂ ਨਜ਼ਦੀਕੀ ਗ੍ਰਹਿ ਮਰਕਰੀ ਦੇ ਆਰਬਿਟ ਵਿਚ ਰਖਣ ਦੀ ਸਫ਼ਲਤਾ ਹਾਸਲ ਕੀਤੀ ਸੀ।

(For more Punjabi news apart from NASA's amazing achievement in the field of science, Parker Solar Probe will reach the closest Sun News in Punjabi stay tuned to Rozana Spokesman)