ਇਸ ਪਹਿਲ ਦਾ ਉਦੇਸ਼ ਭਾਰਤੀ ਮੂਲ ਅਤੇ ਏਸ਼ੀਆਈ ਆਬਾਦੀ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨਾ ਹੈ। 

Amul Fresh Milk: ਨਵੀਂ ਦਿੱਲੀ - ਅਮੂਲ ਦੁੱਧ ਪਹਿਲੀ ਵਾਰ ਭਾਰਤ ਤੋਂ ਬਾਹਰ ਉਪਲੱਬਧ ਹੋਵੇਗਾ। ਗੁਜਰਾਤ ਸਹਿਕਾਰੀ ਦੁੱਧ ਮਾਰਕੀਟਿੰਗ ਫੈਡਰੇਸ਼ਨ (ਜੀਸੀਐਮਐਮਐਫ) ਇੱਕ ਹਫ਼ਤੇ ਦੇ ਅੰਦਰ ਅਮਰੀਕੀ ਬਾਜ਼ਾਰ ਵਿਚ ਦੁੱਧ ਦੀਆਂ ਚਾਰ ਕਿਸਮਾਂ ਲਾਂਚ ਕਰੇਗੀ। ਇਸ ਪਹਿਲ ਦਾ ਉਦੇਸ਼ ਭਾਰਤੀ ਮੂਲ ਅਤੇ ਏਸ਼ੀਆਈ ਆਬਾਦੀ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨਾ ਹੈ। 

ਜੀਸੀਐਮਐਮਐਫ ਦੇ ਪ੍ਰਬੰਧ ਨਿਰਦੇਸ਼ਕ ਜ਼ੈਨ ਮਹਿਤਾ ਨੇ ਕਿਹਾ ਕਿ ਅਸੀਂ ਕਈ ਦਹਾਕਿਆਂ ਤੋਂ ਡੇਅਰੀ ਉਤਪਾਦਾਂ ਦਾ ਨਿਰਯਾਤ ਕਰ ਰਹੇ ਹਾਂ। ਇਹ ਪਹਿਲੀ ਵਾਰ ਹੈ ਕਿ ਜਦੋਂ ਅਸੀਂ ਭਾਰਤ ਤੋਂ ਬਾਹਰ ਤਾਜ਼ਾ ਦੁੱਧ ਦੀ ਪੇਸ਼ਕਸ਼ ਕਰ ਰਹੇ ਹਾਂ। '' ਉਨ੍ਹਾਂ ਕਿਹਾ ਕਿ ਜੀਸੀਐਮਐਮਐਫ ਨੇ ਮਿਸ਼ੀਗਨ ਮਿਲਕ ਪ੍ਰੋਡਿਊਸਰਜ਼ ਐਸੋਸੀਏਸ਼ਨ (ਐਮਐਮਪੀਏ) ਨਾਲ 108 ਸਾਲ ਪੁਰਾਣੀ ਸਹਿਕਾਰੀ ਸੰਸਥਾ ਮਿਸ਼ੀਗਨ ਮਿਲਕ ਪ੍ਰੋਡਿਊਸਰਜ਼ ਐਸੋਸੀਏਸ਼ਨ (ਐਮਐਮਪੀਏ) ਨਾਲ ਅਮਰੀਕੀ ਬਾਜ਼ਾਰ ਵਿਚ ਤਾਜ਼ਾ ਦੁੱਧ ਲਿਆਉਣ ਲਈ ਸਮਝੌਤਾ ਕੀਤਾ ਹੈ। '' 

ਉਨ੍ਹਾਂ ਕਿਹਾ ਕਿ ਦੁੱਧ ਇਕੱਤਰ ਕਰਨ ਅਤੇ ਪ੍ਰੋਸੈਸਿੰਗ ਐਮਐਮਪੀਏ ਦੁਆਰਾ ਕੀਤੀ ਜਾਵੇਗੀ, ਜਦੋਂ ਕਿ ਜੀਸੀਐਮਐਮਐਫ ਮਾਰਕੀਟਿੰਗ ਅਤੇ ਬ੍ਰਾਂਡਿੰਗ ਕਰੇਗੀ।
 "ਉਤਪਾਦ ਸਾਡਾ ਹੋਵੇਗਾ। ਇਕ ਹਫਤੇ ਦੇ ਅੰਦਰ ਅਮੂਲ ਤਾਜ਼ਾ, ਅਮੂਲ ਗੋਲਡ, ਅਮੂਲ ਸ਼ਕਤੀ ਅਤੇ ਅਮੂਲ ਸਲਿਮ ਐਨ ਟ੍ਰਿਮ ਅਮਰੀਕੀ ਬਾਜ਼ਾਰ 'ਚ ਉਪਲੱਬਧ ਹੋਣਗੇ। ''

ਉਨ੍ਹਾਂ ਕਿਹਾ ਕਿ ਤਾਜ਼ਾ ਦੁੱਧ ਨਿਊਯਾਰਕ, ਨਿਊਜਰਸੀ, ਸ਼ਿਕਾਗੋ, ਵਾਸ਼ਿੰਗਟਨ, ਡੱਲਾਸ ਅਤੇ ਟੈਕਸਾਸ ਸਮੇਤ ਹੋਰ ਸ਼ਹਿਰਾਂ ਵਿਚ ਉਪਲਬਧ ਹੋਵੇਗਾ।ਜੀਸੀਐਮਐਮਐਫ ਇਸ ਪਹਿਲ ਕਦਮੀ ਰਾਹੀਂ ਐਨ.ਆਰ.ਆਈਜ਼ ਅਤੇ ਏਸ਼ੀਆਈ ਆਬਾਦੀ ਨੂੰ ਨਿਸ਼ਾਨਾ ਬਣਾਏਗਾ। ਵਿਕਰੀ ਦੇ ਟੀਚੇ ਬਾਰੇ ਪੁੱਛੇ ਜਾਣ 'ਤੇ ਉਨ੍ਹਾਂ ਕਿਹਾ ਕਿ ਜੀਸੀਐਮਐਮਐਫ ਅਗਲੇ 3-4 ਮਹੀਨਿਆਂ ਲਈ ਬ੍ਰਾਂਡਿੰਗ ਅਤੇ ਮਾਰਕੀਟਿੰਗ 'ਤੇ ਧਿਆਨ ਕੇਂਦਰਿਤ ਕਰੇਗੀ। ਅਸੀਂ ਗਾਹਕਾਂ ਤੋਂ ਚੰਗੇ ਹੁੰਗਾਰੇ ਦੀ ਉਮੀਦ ਕਰ ਰਹੇ ਹਾਂ। '' ਮਹਿਤਾ ਨੇ ਕਿਹਾ ਕਿ ਜੀਸੀਐਮਐਮਐਫ ਨੇੜਲੇ ਭਵਿੱਖ ਵਿੱਚ ਪਨੀਰ, ਦਹੀਂ ਅਤੇ ਛਾਛ ਵਰਗੇ ਤਾਜ਼ੇ ਦੁੱਧ ਉਤਪਾਦ ਵੀ ਲਾਂਚ ਕਰੇਗੀ।