4 Including Attacker Dead In Russia Kindergarten Shooting
ਰੂਸ ਦੇ ਮੱਧ ਉਲਿਆਨੋਵਸਕ ਖੇਤਰ ਵਿਚ ਕਿੰਡਰਗਾਰਡਨ ’ਚ ਇਕ ਹਥਿਆਰਬੰਦ ਵਿਅਕਤੀ ਨੇ ਗੋਲੀਬਾਰੀ ਕੀਤੀ, ਜਿਸ ਵਿਚ ਘੱਟੋ-ਘੱਟ ਚਾਰ ਲੋਕਾਂ ਦੀ ਮੌਤ ਹੋ ਗਈ।
ਮਾਸਕੋ: ਰੂਸ ਦੇ ਮੱਧ ਉਲਿਆਨੋਵਸਕ ਖੇਤਰ ਵਿਚ ਕਿੰਡਰਗਾਰਡਨ ’ਚ ਇਕ ਹਥਿਆਰਬੰਦ ਵਿਅਕਤੀ ਨੇ ਗੋਲੀਬਾਰੀ ਕੀਤੀ, ਜਿਸ ਵਿਚ ਘੱਟੋ-ਘੱਟ ਚਾਰ ਲੋਕਾਂ ਦੀ ਮੌਤ ਹੋ ਗਈ। ਸਥਾਨਕ ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ਹੈ। ਉਲਿਆਨੋਵਸਕ ਖੇਤਰ ਦੇ ਸੂਚਨਾ ਵਿਭਾਗ ਦੇ ਮੁਖੀ ਦਮਿਤਰੀ ਕਮਲ ਨੇ ਏਐਫਪੀ ਨਿਊਜ਼ ਏਜੰਸੀ ਨੂੰ ਦੱਸਿਆ, "ਮੁਢਲੀ ਜਾਣਕਾਰੀ ਅਨੁਸਾਰ ਇਕ ਕਿੰਡਰਗਾਰਡਨ ਵਿਚ ਗੋਲੀਬਾਰੀ ਹੋਈ। ਨਤੀਜੇ ਵਜੋਂ ਦੋ ਬੱਚਿਆਂ, ਇਕ ਅਧਿਆਪਕ ਅਤੇ ਹਮਲਾਵਰ ਦੀ ਮੌਤ ਹੋ ਗਈ।"
crime
ਕਮਲ ਨੇ ਦੱਸਿਆ ਕਿ ਮ੍ਰਿਤਕ ਬੱਚਿਆਂ ਦੀ ਉਮਰ ਤਿੰਨ ਤੋਂ ਛੇ ਸਾਲ ਦੇ ਵਿਚਕਾਰ ਹੋਵੇਗੀ। ਖੇਤਰ ਦੇ ਸਾਬਕਾ ਗਵਰਨਰ, ਸੰਸਦ ਮੈਂਬਰ ਸਰਗੇਈ ਮੋਰੋਜ਼ੋਵ ਨੇ ਕਿਹਾ ਕਿ ਹਮਲੇ ਵਿਚ ਇਕ ਨੌਜਵਾਨ ਅਧਿਆਪਕ ਦੀ ਮੌਤ ਹੋ ਗਈ ਅਤੇ ਇਕ ਹੋਰ ਜ਼ਖਮੀ ਹੋ ਗਿਆ ਹੈ।
