ਪਾਕਿਸਤਾਨ ਦੀ ਤਾਕਤਵਰ ਫ਼ੌਜ ਨੇ ਖ਼ੁਫ਼ੀਆ ਏਜੰਸੀ ਆਈਐਸਆਈ ਦੇ ਸਾਬਕਾ ਚੀਫ਼ ਤੋਂ ਜਵਾਬ ਤਲਬ ਕੀਤਾ ਹੈ। ਭਾਰਤ ਦੇ ਸਾਬਕਾ ਰਾਅ ...
ਇਸਲਾਮਾਬਾਦ : ਪਾਕਿਸਤਾਨ ਦੀ ਤਾਕਤਵਰ ਫ਼ੌਜ ਨੇ ਖ਼ੁਫ਼ੀਆ ਏਜੰਸੀ ਆਈਐਸਆਈ ਦੇ ਸਾਬਕਾ ਚੀਫ਼ ਤੋਂ ਜਵਾਬ ਤਲਬ ਕੀਤਾ ਹੈ। ਭਾਰਤ ਦੇ ਸਾਬਕਾ ਰਾਅ ਚੀਫ਼ ਏਐਸ ਦੌਲਤ ਦੇ ਨਾਲ ਕਿਤਾਬ ਲਿਖਣ ਨੂੰ ਲੈ ਕੇ ਉਨ੍ਹਾਂ ਉਪਰ ਮਿਲਟਰੀ ਕੋਡ ਆਫ਼ ਕੰਡਕਟ ਦੇ ਉਲੰਘਣ ਦਾ ਦੋਸ਼ ਲਗਾਇਆ ਗਿਆ ਹੈ। ਅਗੱਸਤ 1990 ਤੋਂ ਲੈ ਕੇ ਮਾਰਚ 1992 ਤਕ ਆਈਐਸਆਈ ਦੇ ਚੀਫ਼ ਰਹੇ ਸੇਵਾਮੁਕਤ ਲੈਫਟੀਨੈਂਟ ਜਨਰਲ ਦੁਰਾਨੀ ਅਤੇ ਦੌਲਤ ਨੇ ਮਿਲ ਕੇ 'ਦਿ ਸਪਾਈ ਕ੍ਰੋਨਿਕਲਸ : ਰਾਅ, ਆਈਐਸਆਈ ਐਂਡ ਦਿ ਇਲਯੂਜਨ ਆਫ਼ ਪੀਸ'' ਸਿਰਲੇਖ ਨਾਲ ਇਕ ਕਿਤਾਬ ਲਿਖੀ ਹੈ।
isi pakistan
ਇਹ ਕਿਤਾਬ ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਹੈ। ਇਸ ਵਿਚ ਕਸ਼ਮੀਰ ਸਮੱਸਿਆ, ਕਾਰਗਿਲ ਯੁੱਧ, ਓਸਾਮਾ ਬਿਨ ਲਾਦੇਨ ਦਾ ਮਰਿਆ ਜਾਣਾ, ਕੁਲਭੂਸ਼ਣ ਜਾਧਵ ਦੀ ਗ੍ਰਿਫ਼ਤਾਰੀ, ਹਾਫਿਜ਼ ਸਈਦ, ਬੁਰਹਾਨ ਵਾਨੀ ਸਮੇਤ ਕਈ ਮੁੱਦਿਆਂ 'ਤੇ ਗੱਲ ਹੈ। ਪਾਕਿਸਤਾਨ ਫ਼ੌਜ ਨੇ ਇਕ ਬਿਆਨ ਵਿਚ ਕਿਹਾ ਕਿ ਦੁਰਾਨੀ ਨੂੰ 28 ਮਈ ਨੂੰ ਫ਼ੌਜ ਮੁੱਖ ਦਫ਼ਤਰ ਬੁਲਾਇਆ ਗਿਆ ਅਤੇ ਉਨ੍ਹਾਂ ਤੋਂ ਸਪਾਈ ਕ੍ਰੋਨਿਕਲਸ ਵਿਚ ਦਿਤੇ ਗਏ ਉਨ੍ਹਾਂ ਦੇ ਵਿਚਾਰਾਂ ਸਬੰਧੀ ਪੁਛਿਆ ਗਿਆ। ਪਿਛਲੀ ਰਾਤ ਜਾਰੀ ਬਿਆਨ ਵਿਚ ਕਿਹਾ ਗਿਆ ਕਿ ਕਿਸੇ ਵੀ ਤਰ੍ਹਾਂ ਦਾ ਦੋਸ਼ ਉਹ ਚਾਹੇ ਮੌਜੂਦਾ ਰੱਖਿਆ ਕਰਮਚਾਰੀ ਹੋਵੇ ਜਾਂ ਸੇਵਾਮੁਕਤ ਉਨ੍ਹਾਂ ਸਾਰਿਆਂ ਦੇ ਉਪਰ ਫ਼ੌਜ ਦੇ ਜ਼ਾਬਤੇ ਦੇ ਉਲੰਘਣ ਦਾ ਨਿਯਮ ਲਾਗੂ ਹੋਵੇਗਾ।
former isi head
ਪ੍ਰਧਾਨ ਮੰਤਰੀ ਦੀ ਕੁਰਸੀ ਤੋਂ ਬੇਦਖ਼ਲ ਬਾਹਰ ਹੋਏ ਨਵਾਜ਼ ਸ਼ਰੀਫ਼ ਵਲੋਂ ਕਿਤਾਬ ਵਿਚ ਛਪੀਆਂ ਗੱਲਾਂ ਨੂੰ ਲੈ ਕੇ ਸ਼ੁਕਰਵਾਰ ਨੂੰ ਤੁਰੰਤ ਉਚ ਪੱਧਰੀ ਰਾਸ਼ਟਰੀ ਸੁਰੱਖਿਆ ਕਮੇਟੀ ਦੀ ਮੀਟਿੰਗ ਬੁਲਾਉਣ ਦੀ ਮੰਗ ਤੋਂ ਬਾਅਦ ਦੁਰਾਨੀ ਨੂੰ ਸੰਮਨ ਭੇਜਿਆ ਗਿਆ ਸੀ। ਪਾਕਿਸਤਾਨ ਸੀਨੇਟ ਦੇ ਸਾਬਕਾ ਚੇਅਰਮੈਨ ਰਜ਼ਾ ਰੱਬਾਨੀ ਨੇ ਇਸ ਕਿਤਾਬ 'ਤੇ ਸਵਾਲ ਉਠਉਂਦੇ ਹੋਏ ਵਿਰੋਧੀ ਸਾਬਕਾ ਖ਼ੁਫ਼ੀਆ ਮੁਖੀ ਦੀ ਕਿਤਾਬ ਦੀ ਸਖ਼ਤ ਆਲੋਚਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਜੇਕਰ ਇਹੀ ਚੀਜ਼ ਰਾਜਨੇਤਾ ਵਲੋਂ ਕੀਤੀ ਜਾਂਦੀ ਤਾਂ ਉਨ੍ਹਾਂ ਨੂੰ ਗੱਦਾਰ ਕਿਹਾ ਜਾਂਦਾ।ਏਜੰਸੀ
