ਔਰਤ ਨੇ ਅਜਿਹਾ ਹੱਲ ਕੱਢਿਆ ਹੈ ਕਿ ਉਹ ਬਿਨਾਂ ਡਿਗਰੀ ਤੋਂ ਵੀ ਲੱਖਾਂ ਰੁਪਏ ਕਮਾ ਰਹੀ ਹੈ।
Woman earn 50-lakh per year without degree punjabi news: ਦੁਨੀਆ ਵਿਚ ਹਰ ਕੋਈ ਅਜਿਹੀ ਨੌਕਰੀ ਕਰਨਾ ਚਾਹੁੰਦਾ ਹੈ ਜਿਸ ਵਿਚ ਘੱਟੋ ਘੱਟ ਕੰਮ ਅਤੇ ਵੱਧ ਤੋਂ ਵੱਧ ਤਨਖਾਹ ਹੋਵੇ। ਲੋਕ ਚੰਗੀ ਨੌਕਰੀ ਹਾਸਲ ਕਰਨ ਲਈ ਲੱਖਾਂ ਰੁਪਏ ਖਰਚ ਕੇ ਡਿਗਰੀ ਕੋਰਸ ਕਰਦੇ ਹਨ। ਉਸ ਤੋਂ ਬਾਅਦ ਵੀ ਉਨ੍ਹਾਂ ਨੂੰ ਇੰਟਰਨਸ਼ਿਪ ਕਰਨੀ ਪੈਂਦੀ ਹੈ ਅਤੇ ਫਿਰ ਕਿਤੇ ਜਾ ਕੇ ਇਕ ਆਮ ਨੌਕਰੀ ਮਿਲਦੀ ਹੈ। ਨੌਕਰੀ ਕਰ ਕੇ ਪੈਸਾ ਕਮਾਉਣ ਲਈ ਬਹੁਤ ਸਾਰਾ ਸਮਾਂ ਅਤੇ ਸਮਰਪਣ ਜ਼ਰੂਰੀ ਹੁੰਦਾ ਹੈ, ਖਾਸ ਕਰਕੇ ਔਰਤਾਂ ਲਈ ਇਹ ਹੋਰ ਵੀ ਮੁਸ਼ਕਲ ਹੋ ਜਾਂਦਾ ਹੈ। ਪਰ ਇਕ ਔਰਤ ਨੇ ਅਜਿਹਾ ਹੱਲ ਕੱਢਿਆ ਹੈ ਕਿ ਉਹ ਬਿਨਾਂ ਡਿਗਰੀ ਤੋਂ ਵੀ ਲੱਖਾਂ ਰੁਪਏ ਕਮਾ ਰਹੀ ਹੈ।
ਬ੍ਰਿਟੇਨ ਦੀ 40 ਸਾਲਾ ਇਕ ਮਾਂ ਰੋਮਾ ਨੌਰਿਸ ਨੇ ਪੈਸੇ ਕਮਾਉਣ ਦਾ ਅਨੋਖਾ ਤਰੀਕਾ ਲੱਭਿਆ ਹੈ। ਉਹ ਨਾ ਤਾਂ ਅਪਣੀ ਕੋਈ ਫੋਟੋ ਵੇਚਦੀ ਹੈ, ਨਾ ਹੀ ਉਹ ਸੋਸ਼ਲ ਮੀਡੀਆ ਇਨਫਲੂਐਂਸਰ ਹੈ, ਨਾ ਹੀ ਕੋਈ ਹੋਰ ਕੰਮ ਕਰਦੀ ਹੈ। ਇਸ ਦੇ ਬਾਵਜੂਦ ਉਹ ਹਫ਼ਤੇ ਵਿਚ ਸਿਰਫ਼ 6 ਘੰਟੇ ਕੰਮ ਕਰਕੇ ਇਕ ਸਾਲ ਵਿਚ ਆਸਾਨੀ ਨਾਲ 50 ਲੱਖ ਰੁਪਏ ਕਮਾ ਲੈਂਦੀ ਹੈ। ਅਜਿਹੇ 'ਚ ਉਹ ਆਰਾਮ ਨਾਲ ਅਪਣੇ ਪ੍ਰਵਾਰ ਨੂੰ ਵੀ ਪੂਰਾ ਸਮਾਂ ਦੇਣ ਦੇ ਸਮਰੱਥ ਹੈ।
ਦਰਅਸਲ, ਰੋਮਾ 17 ਸਾਲਾਂ ਤੋਂ ਪਾਲਣ-ਪੋਸ਼ਣ ਸਲਾਹਕਾਰ (Parenting Consultant) ਹੈ। ਉਹ ਨਵੇਂ ਬਣੇ ਮਾਪਿਆਂ ਨੂੰ ਅਜਿਹੀ ਕੋਚਿੰਗ ਦਿੰਦੀ ਹੈ ਕਿ ਉਹ ਇਕ ਘੰਟੇ ਵਿਚ £290 (29000 ਰੁਪਏ) ਤਕ ਕਮਾ ਲੈਂਦੀ ਹੈ। ਇਕ ਪਾਲਣ-ਪੋਸ਼ਣ ਸਲਾਹਕਾਰ ਵਜੋਂ ਉਹ ਨਵੇਂ ਮਾਪਿਆਂ ਨੂੰ ਅਪਣੇ ਬੱਚੇ ਨੂੰ ਸੁਵਾਉਣ, ਖਵਾਉਣ, ਉਨ੍ਹਾਂ ਨਾਲ ਚੰਗੀ ਤਰ੍ਹਾਂ ਗੱਲਬਾਤ ਕਰਨ ਤੋਂ ਲੈ ਕੇ ਸਭ ਕੁੱਝ ਸਿਖਾਉਂਦੀ ਹੈ। ਇਸ ਤੋਂ ਇਲਾਵਾ ਉਹ ਮਾਂ ਨੂੰ ਦੁੱਧ ਚੁੰਘਾਉਣ ਦੀ ਸਿਖਲਾਈ ਵੀ ਦਿੰਦੀ ਹੈ। ਨਵੇਂ ਮਾਪੇ ਅਕਸਰ ਉਨ੍ਹਾਂ ਕੋਲ ਬਹੁਤ ਸਾਰੀਆਂ ਸਮੱਸਿਆਵਾਂ ਲੈ ਕੇ ਆਉਂਦੇ ਹਨ। ਲੋਕ ਉਸ ਤੋਂ ਆਨਲਾਈਨ ਸਲਾਹ ਵੀ ਲੈਂਦੇ ਹਨ।
ਰੋਮਾ ਨੇ ਦੋ ਵਾਰ ਅਪਣੀ ਯੂਨੀਵਰਸਿਟੀ ਦੀ ਪੜ੍ਹਾਈ ਵਿਚਾਲੇ ਛੱਡ ਦਿਤੀ। ਉਹ ਅਪਣੀ ਜ਼ਿੰਦਗੀ ਵਿਚ ਦੋ ਡਿਗਰੀਆਂ ਕਰਨਾ ਚਾਹੁੰਦੀ ਸੀ ਪਰ ਕਿਸੇ ਕਾਰਨ ਉਹ ਪੜ੍ਹਾਈ ਪੂਰੀ ਨਹੀਂ ਕਰ ਸਕੀ। ਹੁਣ ਉਸ ਕੋਲ ਪੈਸੇ ਕਮਾਉਣ ਲਈ ਕੋਈ ਡਿਗਰੀ ਨਹੀਂ ਸੀ, ਫਿਰ ਵੀ ਰੋਮਾ ਨੇ ਜੋ ਹੱਲ ਲੱਭਿਆ ਉਸ ਤੋਂ ਲੋਕ ਹੈਰਾਨ ਹਨ।
(For more news apart from Woman earn 50-lakh per year without degree punjabi news, stay tuned to Rozana Spokesman)
