Baltimore bridge collapse: ਅਧਿਕਾਰੀ ਨੇ ਕਿਹਾ-ਜਹਾਜ਼ ਦਾ ਅਮਲਾ ਜਾਂਚ ’ਚ ਮਦਦ ਕਰ ਰਿਹਾ, ਤਲਾਸ਼ੀ ਮੁਹਿੰਮ ਜਾਰੀ
Baltimore bridge collapse: ਅਮਰੀਕਾ ਦੇ ਬਾਲਟੀਮੋਰ ਸ਼ਹਿਰ ਵਿੱਚ ਇੱਕ ਪੁਲ ਦੇ ਡਿੱਗਣ ਤੋਂ ਬਾਅਦ ਪੈਟਾਪਸਕੋ ਨਦੀ ਵਿੱਚ ਤਲਾਸ਼ੀ ਮੁਹਿੰਮ ਜਾਰੀ ਹੈ। ਇਸ ਦੌਰਾਨ ਪਾਣੀ ਵਿੱਚ ਡੁੱਬੇ ਇੱਕ ਟਰੱਕ ਵਿੱਚੋਂ ਦੋ ਵਿਅਕਤੀਆਂ ਦੀਆਂ ਲਾਸ਼ਾਂ ਮਿਲੀਆਂ। ਮੈਰੀਲੈਂਡ ਸਟੇਟ ਪੁਲਿਸ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਇਹ ਵੀ ਪੜੋ:Canada News : ਕੈਨੇਡਾ ਦੇ ਐਡਮਿੰਟਨ ’ਚ ਨਸ਼ਾ ਤਸਕਰੀ ਦੇ ਨੈੱਟਵਰਕ ਦਾ ਪਰਦਾਫਾਸ਼, 3 ਪੰਜਾਬੀ ਨੌਜਵਾਨ ਗ੍ਰਿਫ਼ਤਾਰ
ਅਮਰੀਕਾ ਦੇ ਮੈਰੀਲੈਂਡ ਸੂਬੇ ਦੇ ਬਾਲਟੀਮੋਰ ਸ਼ਹਿਰ ’ਚ ਮੰਗਲਵਾਰ ਸਵੇਰੇ ਇਕ ਵੱਡਾ ਹਾਦਸਾ ਵਾਪਰ ਗਿਆ। ਸਿੰਗਾਪੁਰ ਦੇ ਝੰਡੇ ਵਾਲਾ ਕਾਰਗੋ ਜਹਾਜ਼ ਡਾਲੀ ਸ਼੍ਰੀਲੰਕਾ ਦੀ ਰਾਜਧਾਨੀ ਕੋਲੰਬੋ ਜਾ ਰਿਹਾ ਸੀ। ਫਿਰ ਇਹ ਬਾਲਟੀਮੋਰ ਨੇੜੇ ਤਿੰਨ ਕਿਲੋਮੀਟਰ ਲੰਬੇ ‘ਫਰਾਂਸਿਸ ਸਕਾਟ ਕੀ ਬ੍ਰਿਜ’ ਨਾਲ ਟਕਰਾ ਗਿਆ ਅਤੇ ਕੁਝ ਹੀ ਸਕਿੰਟਾਂ ’ਚ ਲਗਭਗ ਪੂਰਾ ਪੁਲ ਢਹਿ ਗਿਆ ਅਤੇ ਲਗਭਗ 50 ਫੁੱਟ (15 ਮੀਟਰ) ਹੇਠਾਂ ਪਾਣੀ ’ਚ ਡੁੱਬ ਗਿਆ। ਇਹ ਹਾਦਸਾ ਮੰਗਲਵਾਰ ਸਵੇਰੇ ਵਾਪਰਿਆ। ਅਧਿਕਾਰੀਆਂ ਨੇ ਕਿਹਾ ਸੀ ਕਿ ਜਹਾਜ਼ ਨੂੰ ਬਿਜਲੀ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਸੀ। ਉਸੇ ਸਮੇਂ, ਚਾਲਕ ਦਲ ਨੇ ਸਰਗਰਮ ਹੋ ਕੇ ਅਲਰਟ ਕਾਲ ਦਿੱਤੀ, ਜਿਸ ਕਾਰਨ ਪੁਲ ਵੱਲ ਜਾਣ ਵਾਲੇ ਲੋਕਾਂ ਨੂੰ ਰੋਕ ਲਿਆ ਗਿਆ।
ਇਹ ਵੀ ਪੜੋ:Punjab News : ਪਾਕਿਸਤਾਨ ਤੋਂ ਗਲਤੀ ਨਾਲ ਸਰਹੱਦ ਪਾਰ ਕਰ ਆਏ ਭਾਰਤ ਦੋ ਨਾਬਾਲਿਗ ਬੱਚੇ ਬਾਘਾ ਸਰਹੱਦ ਤੋਂ ਕੀਤੇ ਰਵਾਨਾ
ਹਾਲਾਂਕਿ ਪੁਲ ਦੇ ਡਿੱਗਣ ਕਾਰਨ ਇਸ ’ਤੇ ਮੌਜੂਦ ਕਈ ਵਾਹਨ ਪਾਣੀ ’ਚ ਡੁੱਬ ਗਏ। ਹੁਣ ਪੈਟਾਪਸਕੋ ਨਦੀ ’ਚ ਡੁੱਬੇ ਇੱਕ ਲਾਲ ਪਿਕਅੱਪ ਤੋਂ ਬੁੱਧਵਾਰ ਨੂੰ ਦੋ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ।
ਇਸ ਤੋਂ ਪਹਿਲਾਂ ਦਿਨ ਵਿੱਚ, ਵਹਾਈਟ ਹਾਊਸ ਦੇ ਸੰਘੀ ਅਧਿਕਾਰੀਆਂ ਨੇ ਕਿਹਾ ਕਿ ਉਹ ਲਾਪਤਾ ਦੀ ਭਾਲ ਕਰ ਰਹੇ ਹਨ। ਲਾਸ਼ ਨੂੰ ਬਰਾਮਦ ਕਰਨ, ਪੁਲ ਦੇ ਮਲਬੇ ਦਾ ਜਾਇਜ਼ਾ ਲੈਣ ਅਤੇ ਜਹਾਜ਼ ਨੂੰ ਸ਼ਿਫਟ ਕਰਨ ਦੇ ਵੀ ਯਤਨ ਕੀਤੇ ਜਾ ਰਹੇ ਹਨ। ਇਸ ਤੋਂ ਇਲਾਵਾ, ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਹਾਦਸੇ ਦੇ ਸਮੇਂ ਪੁਲ ’ਤੇ ਕੰਮ ਕਰ ਰਹੇ ਅੱਠ ਕਰਮਚਾਰੀਆਂ ਵਿਚੋਂ 6 ਹੁਣ ਜ਼ਿੰਦਾ ਨਹੀਂ ਹਨ। ਫਿਲਹਾਲ ਇਨ੍ਹਾਂ 6 ਲੋਕਾਂ ਦੀ ਭਾਲ ਜਾਰੀ ਹੈ। ਦੋ ਲੋਕਾਂ ਨੂੰ ਪਹਿਲਾਂ ਹੀ ਪਾਣੀ ਤੋਂ ਸੁਰੱਖਿਅਤ ਬਚਾ ਲਿਆ ਗਿਆ ਹੈ।
ਇਹ ਵੀ ਪੜੋ:Barnala News : ਪੁਲਿਸ ਨੇ 12.16 ਲੱਖ ਦੀ ਨਕਦੀ ਅਤੇ ਹਥਿਆਰ ਸਮੇਤ ਚਾਰ ਮੁਲਜ਼ਮ ਕੀਤੇ ਕਾਬੂ
ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦੀ ਚੇਅਰਮੈਨ ਜੈਨੀਫਰ ਹੋਮੈਂਡੀ ਨੇ ਕਿਹਾ ਕਿ ਹਾਦਸੇ ਦੀ ਜਾਂਚ ਕਰ ਰਹੇ ਅਧਿਕਾਰੀਆਂ ਨੇ ਜਹਾਜ਼ ਤੋਂ ਡਾਟਾ ਵੀ ਇਕੱਠਾ ਕਰ ਲਿਆ ਹੈ ਅਤੇ ਪੂਰੀ ਘਟਨਾ ਦੀ ਸਮਾਂ ਸੀਮਾ ਤਿਆਰ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਗਵਰਨਰ ਵੇਸ ਮੂਰ ਨੇ ਮੈਰੀਲੈਂਡ ਦੇ ਝੰਡੇ ਨੂੰ ਅੱਧਾ ਝੁਕਾਉਣ ਦਾ ਹੁਕਮ ਦਿੱਤਾ ਹੈ। ਇਹ ਅਗਲੇ ਨੋਟਿਸ ਤੱਕ ਅੱਧਾ ਝੁਕਿਆ ਰਹੇਗਾ।
ਇਹ ਵੀ ਪੜੋ:Delhi News : ਅਪ੍ਰੈਲ ’ਚ ਬੈਂਕ 14 ਦਿਨਾਂ ਲਈ ਬੰਦ ਰਹਿਣਗੇ ਬੈੈਂਕ, ਜਾਣੋ ਛੁੱਟੀਆਂ ਦੀ ਲਿਸਟ
US ਕੋਸਟ ਗਾਰਡ ਆਪਰੇਸ਼ਨ ਦੇ ਡਿਪਟੀ ਕਮਾਂਡੈਂਟ ਵਾਈਸ ਐਡਮਿਰਲ ਪੀਟਰ ਗੌਟੀਅਰ ਨੇ ਚਾਲਕ ਦਲ ਬਾਰੇ ਕਿਹਾ ਕਿ ਇਨ੍ਹਾਂ ਮੈਂਬਰਾਂ ’ਚ ਭਾਰਤੀ ਅਤੇ ਸ਼੍ਰੀਲੰਕਾਈ ਸ਼ਾਮਲ ਹਨ। ਇਹ ਲੋਕ ਜਾਂਚ ’ਚ ਪੂਰਾ ਸਹਿਯੋਗ ਕਰ ਰਹੇ ਹਨ। ਉਨ੍ਹਾਂ ਅੱਗੇ ਦੱਸਿਆ ਕਿ ਚਾਲਕ ਦਲ ਦੇ ਮੈਂਬਰਾਂ ਤੋਂ ਪੁੱਛਗਿੱਛ ਜਾਰੀ ਹੈ। ਉਹ ਅੱਜ ਵੀ ਇੱਥੇ ਮੌਜੂਦ ਹੈ।
ਇਹ ਵੀ ਪੜੋ:Punjab News: ਈਡੀ ਨੇ ਅਮਰੂਦ ਦੇ ਬਾਗ ਘੁਟਾਲੇ ’ਚ ਛਾਪੇਮਾਰੀ ਦੌਰਾਨ 3.89 ਕਰੋੜ ਰੁਪਏ, ਮੋਬਾਈਲ, ਦਸਤਾਵੇਜ਼ ਜ਼ਬਤ ਕੀਤੇ
(For more news apart from Baltimore Bridge fell Two bodies were recovered from sunken truck News in Punjabi, stay tuned to Rozana Spokesman)
