ਆਪ ਸਰਕਾਰ ਦੀ ਨਵੀਂ ਸ਼ਰਾਬ ਨੀਤੀ: ਸ਼ਰਾਬ ਸਸਤੀ ਮਿਲੇਗੀ ਤੇ ਖ਼ਜ਼ਾਨਾ ਭਰੇਗੀ, ਮਾਫ਼ੀਆਂ ਖ਼ਤਮ ਕਰੇਗੀ?
Published : Jun 10, 2022, 7:21 am IST
Updated : Jun 10, 2022, 7:43 am IST
SHARE ARTICLE
Bhagwant Mann
Bhagwant Mann

ਨਾਮ ਲਏ ਬਿਨਾਂ ਬੱਚਾ ਬੱਚਾ ਪੰਜਾਬ ਦੇ ਸ਼ਰਾਬ ਮਾਫ਼ੀਆ ਤੇ ਇਨ੍ਹਾਂ ਦੀ 25-75 ਦੀ ਸਾਂਝ ਤੋਂ ਵਾਕਫ਼ ਹੈ

 

ਨਵੀਂ ਬਣੀ ਪੰਜਾਬ ਸਰਕਾਰ ਦੀ ਸੱਭ ਤੋਂ ਵੱਡੀ ਚੁਨੌਤੀ ਪੰਜਾਬ ਦਾ ਖ਼ਾਲੀ ਖ਼ਜ਼ਾਨਾ ਹੈ ਜਿਸ ਉਤੇ ਕਰਜ਼ਿਆਂ ਦੀ ਵੱਡੀ ਪੰਡ ਲੱਦੀ ਗਈ ਹੋਈ ਹੈ ਤੇ ਪੰਜਾਬ ਦੀ ਆਰਥਕਤਾ ਦਾ ਉਸ ਦੇ ਭਾਰ ਹੇਠ ਹੀ ਦਮ ਘੁਟਦਾ ਜਾ ਰਿਹਾ ਹੈ। ਕਈ ਸਰਕਾਰਾਂ ਆਈਆਂ ਪਰ ਇਸ ਪੰਡ ਨੂੰ ਹਟਾ ਕੇ ਖ਼ਜ਼ਾਨੇ ਨੂੰ ਸਾਹ ਲੈਣ ਜੋਗਾ ਨਹੀਂ ਕਰ ਸਕੀਆਂ ਯਾਨੀ ਭਾਰ-ਮੁਕਤ ਨਹੀਂ ਕਰ ਸਕੀਆਂ। ਹੁਣ ਜਦ ਸੂਬਿਆਂ ਨੂੰ ਜੀ.ਐਸ.ਟੀ. ਨਾਲ ਪੈਣ ਵਾਲਾ ਘਾਟਾ ਕੇਂਦਰ ਵਲੋਂ ਦੇਣ ਦਾ ਸਮਾਂ ਖ਼ਤਮ ਹੋ ਗਿਆ ਹੈ ਤਾਂ ਸਾਰੇ ਸੂਬਿਆਂ ਨੂੰ, ਅਪਣੀ ਆਮਦਨ ਕਿਵੇਂ ਵਧਾਈਏ, ਇਸ ਦੀ ਚਿੰਤਾ ਲੱਗ ਗਈ ਹੈ। ਆਬਕਾਰੀ ਵਿਭਾਗ ਦੀ ਆਮਦਨ ਸਾਰੇ ਸੂਬਿਆਂ ਦੀ ਆਮਦਨ ਦਾ ਮੁੱਖ ਹਿੱਸਾ ਹੁੰਦੀ ਹੈ। ਪੰਜਾਬ ਦਾ ਇਹ ਵਿਭਾਗ ਸਦਾ ਹੀ ਚਰਚਾ ਵਿਚ ਰਿਹਾ ਹੈ ਕਿਉਂਕਿ ਇਸ ਨਾਲ ਮਾਫ਼ੀਆ ਦਾ ਨਾਮ ਵੀ ਜੁੜਿਆ ਹੋਇਆ ਹੈ।

 

Bhagwant Mann Bhagwant Mann

 

ਇਕ ਤਾਂ ਪੰਜਾਬ ਵਿਚ ਸ਼ਰਾਬ ਮਹਿੰਗੀ ਹੋਣ ਕਾਰਨ ਹਰਿਆਣਾ ਦੀ ਸ਼ਰਾਬ ਜ਼ਿਆਦਾ ਖ਼ਰੀਦੀ ਜਾਂਦੀ ਸੀ ਤੇ ਉਥੋਂ ਇਸ ਦੀ ਤਸਕਰੀ ਵੀ ਹੁੰਦੀ ਸੀ। ਦੂਜਾ ਜਿਵੇਂ ਯੋਜਨਾਬੱਧ ਭ੍ਰਿਸ਼ਟਾਚਾਰ ਸਾਡੇ ਸਾਰੇ ਸਿਸਟਮ ਵਿਚ ਮੌਜੂਦ ਹੈ, ਵੱਡੇ ਪੱਧਰ ਤੇ ਇਹ ਸਿਸਟਮ ਆਬਕਾਰੀ ਵਿਚ ਵੀ  ਪੈਰ ਜਮਾਈ ਬੈਠਾ ਹੈ। ਪੰਜਾਬ ਵਿਚ ਮਹਿੰਗੀ ਸ਼ਰਾਬ ਕਰਨ ਪਿੱਛੇ ਦਾ ਅਸਲ ਕਾਰਨ ਸ਼ਰਾਬ ਦੀ ਵਰਤੋਂ ਘਟਾਉਣਾ ਨਹੀਂ ਸੀ ਤੇ ਨਾ ਹੀ ਆਮਦਨ ਵਧਾਉਣ ਦੀ ਸੋਚ ਕੰਮ ਕਰਦੀ ਸੀ ਸਗੋਂ ਅਸਲ ਕਾਰਨ ਇਹ ਸੀ ਕਿ ਸਰਕਾਰ ਦੇ ਖ਼ਜ਼ਾਨੇ ਨੂੰ ਨੁਕਸਾਨ ਜ਼ਿਆਦਾ ਹੋ ਰਿਹਾ ਸੀ। ਕੁੱਝ ਵੱਡੇ ਨਾਵਾਂ ਵਾਲਿਆਂ ਨੂੰ ਹੀ ਇਸ ਸਾਰੇ ਵਪਾਰ ਦੀ ਵਾਗਡੋਰ ਫੜਾਈ ਹੋਈ ਸੀ ਤੇ ਇਸ ਮਹਿੰਗੀ ਸ਼ਰਾਬ ਦਾ ਮੁਨਾਫ਼ਾ ਸਰਕਾਰ ਦੀ ਜੇਬ ਦੀ ਬਜਾਏ ਉਨ੍ਹਾਂ ਦੇ ਨਿਜੀ ਖ਼ਜ਼ਾਨਿਆਂ ਵਿਚ ਜਮ੍ਹਾਂ ਹੁੰਦਾ ਜਾ ਰਿਹਾ ਸੀ।

 

Bhagwant Mann Bhagwant Mann

ਨਾਮ ਲਏ ਬਿਨਾਂ ਬੱਚਾ ਬੱਚਾ ਪੰਜਾਬ ਦੇ ਸ਼ਰਾਬ ਮਾਫ਼ੀਆ ਤੇ ਇਨ੍ਹਾਂ ਦੀ 25-75 ਦੀ ਸਾਂਝ ਤੋਂ ਵਾਕਫ਼ ਹੈ। ਦੇਸੀ ਸ਼ਰਾਬ ਦਾ ਵੀ ਅਪਣਾ ਹੀ ਮਾਫ਼ੀਆ ਸੀ ਜਿਸ ਵਿਚ ਹਰ ਪੇਟੀ ਤੋਂ ਪੈਸਾ ਕਈ ਵੱਡੇ ਨਾਮੀ  ਖਾਤਿਆਂ ਵਿਚ ਵੰਡਿਆ ਜਾਂਦਾ ਸੀ। ਕਈ ਥਾਵਾਂ ’ਤੇ ਕੁੱਝ ਸਿਆਸਤਦਾਨਾਂ ਦੇ, ਅਪਣੇ ਨਾਮ ਤੇ ਦੇਸੀ ਸ਼ਰਾਬ ਦੀ ਪਿੰਡ ਪਿੰਡ ਵਿਚ ਵਿਕਰੀ ਤੇ ਕਬਜ਼ੇ ਸਨ। ਪਿਛਲੇ ਪੰਜ ਸਾਲਾਂ ਵਿਚ ਸ਼ਰਾਬ ਦੇ ਠੇਕੇ ਤਾਂ ਘਟੇ ਨਹੀਂ ਸਨ, ਨਾ ਹੀ ਸ਼ਰਾਬ ਤੋਂ ਹੋਣ ਵਾਲੀ ਆਮਦਨ ਪਰ ਠੇਕਿਆਂ ਤੇ 8-10 ਸਾਲ ਦੇ ਬੱਚਿਆਂ ਨੂੰ ਸ਼ਰਾਬ ਦੀ ਵਿਕਰੀ ਸ਼ੁਰੂ ਹੋ ਗਈ ਸੀ। ਤਾਲਾਬੰਦੀ ਦੇ ਸਮੇਂ ਘਰ ਰਾਸ਼ਨ ਪਹੁੰਚਾਏ ਗਏ ਜਾਂ ਨਹੀਂ ਪਰ ਦੇਸੀ ਸ਼ਰਾਬ ਨੂੰ ਘਰ ਘਰ ਪਹੁੰਚਾਉਣ ਉਤੇ ਕੋਈ ਰੋਕ ਨਹੀਂ ਸੀ। ਅੱਜ ਹਾਲ ਇਹ ਹੋ ਗਿਆ ਹੈ ਕਿ ਪੰਜਾਬ ਵਿਚ ਸ਼ਰਾਬ ਪੀਣ ਦੀ ਆਦਤ ਦੇਸ਼ ਦੇ ਸਾਰੇ ਸੂਬਿਆਂ ਵਿਚ ਸੱਭ ਤੋਂ ਵੱਧ ਹੈ। 

 

 

Alcohol-3Alcohol

ਹੁਣ ਸਰਕਾਰ ਇਕ ਨਵੀਂ ਨੀਤੀ ਲੈ ਕੇ ਆ ਰਹੀ ਹੈ। ਉਹ ਦਾਅਵਾ ਕਰ ਰਹੀ ਹੈ ਕਿ ਉਹ ਆਮਦਨ ਵੀ ਵਧਾਏਗੀ ਤੇ ਹਰਿਆਣਾ ਤੋਂ ਵਿਕਣ ਵਾਲੀ ਸ਼ਰਾਬ ਨੂੰ ਸਸਤੀ ਕਰ ਕੇ ਪੰਜਾਬ ਸਰਕਾਰ ਦੀ ਆਮਦਨ ਵਧਾ ਵਿਖਾਏਗੀ। ਉਨ੍ਹਾਂ ਨੇ ਇਕ ਕੰਪਨੀ ਨੂੰ ਤਿੰਨ ਤੋਂ ਵੱਧ ਲਾਈਸੈਂਸ ਨਾ ਦੇਣ ਦਾ ਫ਼ੈਸਲਾ ਕੀਤਾ ਹੈ ਤੇ ਇਸ ਤਰ੍ਹਾਂ ਉਹ ਇਕ ਸੰਗਠਤ ਤੇ ਮਜ਼ਬੂਤ ਮਾਫ਼ੀਆ ਨੂੰ ਠੱਲ੍ਹ ਪਾਉਣ ਲੱਗੇ ਹਨ। ਰਵਾਇਤੀ ਸਿਸਟਮ ਨੂੰ ਚੁਨੌਤੀ ਦੇਣ ਤੇ ਸ਼ੋਰ ਤਾਂ ਉਠੇਗਾ ਪਰ ਜਦ ਹੁਣ ਤਕ ਦੇ ਸਾਰੇ ਸਿਸਟਮ ਸਰਕਾਰ ਦੀ ਆਮਦਨ ਵਧਾਉਣ ਵਿਚ ਨਾਕਾਮ ਹੋਏ ਹਨ ਤਾਂ ਫਿਰ ਇਕ ਨਵੀਂ ਸੋਚ ਨੂੰ ਵੀ ਇਕ ਮੌਕਾ ਦੇਣ ਵਿਚ ਕੀ ਹਰਜ ਹੈ? ਪਰ ਸੱਭ ਤੋਂ ਵੱਡੀ ਚੁਨੌਤੀ ਇਹ ਹੈ ਕਿ ਮੁਨਾਫ਼ਾ ਵਧਾਉਣ ਦੇ ਚੱਕਰ ਵਿਚ ਬੱਚਿਆਂ ਨੂੰ ਸ਼ਰਾਬ ਪੀਣ ਤੋਂ ਰੋਕਿਆ ਜਾਵੇ। 

ਅੱਜ ਅਸੀ ਸ਼ਰਾਬ ਨੂੰ ਇਕ ਨਸ਼ੇ ਵਜੋਂ ਵੇਖ ਰਹੇ ਹਾਂ ਜੋ ਇਨਸਾਨ ਦੇ ਹੋਸ਼ ਕਾਬੂ ਵਿਚ ਨਹੀਂ ਰਹਿਣ ਦੇਂਦੀ। ਆਮਦਨ ਵਧਾਉਣੀ ਸਰਕਾਰ ਦੀ ਚਿੰਤਾ ਹੈ ਪਰ ਬੱਚਿਆਂ ਅਤੇ ਔਰਤਾਂ ਲਈ ਘਰਾਂ ਵਿਚ ਇਸ ਨੂੰ ਇਕ ਸਰਾਪ ਬਣਨ ਤੋਂ ਰੋਕਣਾ ਵੀ ਸਰਕਾਰ ਦੀ ਜ਼ਿੰਮੇਵਾਰੀ ਬਣਦੀ ਹੈ।
-ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Indira Gandhi ਦੇ ਗੁਨਾਹ Rahul Gandhi ਕਿਉਂ ਭੁਗਤੇ' ਉਹ ਤਾਂ ਬੱਚਾ ਸੀ,SGPC ਮੈਂਬਰ ਰਾਹੁਲ ਗਾਂਧੀ ਦੇ ਹੱਕ ‘ਚ ਆਏ..

18 Sep 2025 3:16 PM

Bhai Baldev Singh Wadala meet Harvir Father: ਅਸੀਂ Parvasi ਦੇ ਨਾਂਅ 'ਤੇ ਪੰਜਾਬ 'ਚ ਅਪਰਾਧੀ ਨਹੀਂ ਰਹਿਣ ਦੇਣੇ

18 Sep 2025 3:15 PM

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM

Kapurthala migrant grabs sikh beard : Parvasi ਦਾ Sardar ਨਾਲ ਪੈ ਗਿਆ ਪੰਗਾ | Sikh Fight With migrant

17 Sep 2025 3:21 PM

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM
Advertisement