Auto Refresh
Advertisement

ਵਿਚਾਰ, ਸੰਪਾਦਕੀ

ਕਿਸਾਨ ਨਾਲ ਸਿੱਧੀ ਲੜਾਈ ਦਾ ਤਜਰਬਾ ਨਹੀਂ ਹਾਕਮਾਂ ਨੂੰ, ਹਾਰਦੇ ਹਾਰਦੇ ਖ਼ਤਮ ਹੋ ਜਾਣਗੇ

Published Sep 14, 2021, 7:24 am IST | Updated Sep 14, 2021, 7:52 am IST

ਕਰਨਾਲ ਵਿਚ ਕਿਸਾਨਾਂ ਦੀ ਜਿੱਤ ਇਸ ਬਦਲਦੀ ਤਸਵੀਰ ਦੀ ਪਹਿਲੀ ਨਿਸ਼ਾਨੀ ਹੈ। ਕਰਨਾਲ ਵਿਚ ਕਿਸਾਨ ਦੀ ਸੱਭ ਤੋਂ ਵੱਡੀ ਜਿੱਤ ਹੈ, ਐਸ.ਡੀ.ਐਮ. ਵਿਰੁਧ ਸ਼ੁਰੂ ਹੋਣ ਵਾਲੀ ਜਾਂਚ।

Farmers Protest
Farmers Protest

 

ਬੜੀ ਪੁਰਾਣੀ ਕਹਾਵਤ ਹੈ ਕਿ ਕਿਸੇ ਨੂੰ ਏਨਾ ਵੀ ਨਾ ਦਬਾਉ ਕਿ ਉਹ ਉਸ ਹਾਲਤ ਵਿਚ ਪਹੁੰਚ ਜਾਵੇ ਜਿਥੇ ਉਸ ਨੂੰ ਕਿਸੇ ਦਾ ਡਰ ਹੀ ਨਾ ਰਹੇ। ਇਹ ਕਹਾਵਤ ਸੱਤਾ ਦੇ ਸਿੰਘਾਸਨ ਤੇ ਬੈਠਣ ਵਾਲਿਆਂ ਲਈ ਪਰਮੋ ਧਰਮ ਸੀ, ਭਾਵੇਂ ਉਹ ਰਾਜਾ ਹੋਵੇ ਜਾਂ ਜ਼ਿਮੀਦਾਰ ਜਾਂ ਸਰਕਾਰਾਂ। ਭਾਰਤ ਵਿਚ ਸਰਕਾਰਾਂ ਲੋਕਾਂ ਨੂੰ ਕੁੱਝ ਨਾ ਕੁੱਝ ਦੇਂਦੀਆਂ ਰਹਿੰਦੀਆਂ ਸਨ ਤਾਕਿ ਬਗ਼ਾਵਤ ਦੀ ਨੌਬਤ ਕਦੇ ਨਾ ਆਵੇ।

PM modiPM modi

ਪਰ ਭਾਜਪਾ ਸਰਕਾਰ  ਨੇ ਇਸ ਅਸੂਲ ਨੂੰ ਭੁਲਾ ਕੇ ਕਿਸਾਨਾਂ ਨੂੰ ਅਜਿਹੀ ਥਾਂ ਲਿਆ ਖੜਾ ਕੀਤਾ ਹੈ ਜਿਥੇ ਅੱਗੇ ਜਾਂ ਤਾਂ ਉਨ੍ਹਾਂ ਨੂੰ ਮੌਤ ਸਾਹਮਣੇ ਦਿਸਦੀ ਹੈ ਜਾਂ ਸੰਪੂਰਨ ਜਿੱਤ। ਇਸ ਵਾਸਤੇ ਭਾਜਪਾ ਸਰਕਾਰ ਦਾ ਧਨਵਾਦ ਹੀ ਕਰਨਾ ਚਾਹੀਦਾ ਹੈ ਕਿਉਂਕਿ ਕਈ ਵਾਰ ਅਸੀ ਜ਼ਿੰਦਗੀ ਵਿਚ ਅਜਿਹੀ ਥਾਂ ਤੇ ਆ ਕੇ ਸੰਤੁਸ਼ਟ ਹੋ ਜਾਂਦੇ ਹਾਂ ਜਿਥੇੇ ਸਾਡੀ ਜਿੱਤ ਵੀ ਨਹੀਂ ਤੇ ਹਾਰ ਵੀ ਨਹੀਂ ਹੁੰਦੀ।

Farmers Two rounds of talks with Karnal administration inconclusiveFarmers Protest 

ਇਕ ਜ਼ਿੰਦਾ ਲਾਸ਼ ਵਾਂਗ ਪੁਰਾਣੇ ਸਿਸਟਮ ਵਿਚ ਕਿਸਾਨ ਵੀ ਡੁੱਬ ਚੁੱਕੇ ਸਨ ਜਿਥੇ ਉਹ ਸਮਝਦੇ ਸਨ ਕਿ ਇਸ ਤਰ੍ਹਾਂ ਸਰਕਾਰਾਂ ਕੋਲੋਂ ਕੁੱਝ ਨਾ ਕੁੱਝ ਮਿਲਦਾ ਤਾਂ ਰਹੇਗਾ ਹੀ। ਪਰ ਜਿਸ ਥਾਂ ਤੇ ਕਿਸਾਨ ਅੱਜ ਤੋਂ ਇਕ ਸਾਲ ਪਹਿਲਾਂ ਸੀ, ਉਥੇ ਵੀ ਕਰਜ਼ਿਆਂ ਤੇ ਖ਼ੁਦਕੁਸ਼ੀਆਂ ਵਿਚ ਘਿਰਿਆ ਹੋਇਆ ਸੀ। ਅਜਿਹੀ ਅਵੱਸਥਾ ਵਿਚੋਂ ਕੱਢਣ ਵਾਸਤੇ ਇਕ ਸਦਮਾ ਜ਼ਰੂਰੀ ਸੀ ਤੇ ਉਹ ਸਦਮਾ ਸਰਕਾਰ ਨੇ ਦੇ ਦਿਤਾ ਹੈ।

ਉਸ ਸਦਮੇ ਵਿਚ ਜੇ ਕਿਸਾਨ ਇਕੱਠਾ ਨਾ ਹੁੰਦਾ ਤਾਂ ਉਨ੍ਹਾਂ ਉਤੇ ਨਵੇਂ ਖੇਤੀ ਕਾਨੂੰਨ ਜ਼ਰੂਰ ਲਾਗੂ ਹੋ ਜਾਂਦੇ। ਪਰ ਕਿਸਾਨਾਂ ਉਤੇ ਕੁਦਰਤ ਦੀ ਮਿਹਰ ਹੈ ਤੇ ਇਸ ਸਦਮੇ ਨੇ ਉਨ੍ਹਾਂ ਨੂੰ ਉਨੀਂਦਰੇ ਵਿਚੋਂ ਜਗਾ ਕੇ ਅੱਜ ਅਜਿਹੀ ਤਾਕਤ ਬਣਾ ਦਿਤਾ ਹੈ ਕਿ ਹੁਣ ਸਾਰੀਆਂ ਸਿਆਸੀ ਪਾਰਟੀਆਂ ਕਿਸਾਨਾਂ ਅੱਗੇ ਸਿਰ ਝੁਕਾਉਣ ਉਤੇ ਮਜਬੂਰ ਹੋਈਆਂ ਪਈਆਂ ਹਨ। 

Karnal Kisan MahapanchayatKarnal Kisan Mahapanchayat

ਕਰਨਾਲ ਵਿਚ ਕਿਸਾਨਾਂ ਦੀ ਜਿੱਤ ਇਸ ਬਦਲਦੀ ਤਸਵੀਰ ਦੀ ਪਹਿਲੀ ਨਿਸ਼ਾਨੀ ਹੈ। ਕਰਨਾਲ ਵਿਚ ਕਿਸਾਨ ਦੀ ਸੱਭ ਤੋਂ ਵੱਡੀ ਜਿੱਤ ਹੈ, ਐਸ.ਡੀ.ਐਮ. ਵਿਰੁਧ ਸ਼ੁਰੂ ਹੋਣ ਵਾਲੀ ਜਾਂਚ। ਇਸ ਜਾਂਚ ਨੂੰ ਸਮਾਂਬੱਧ ਕਰ ਕੇ ਕਿਸਾਨਾਂ ਨੂੰ ਹੁਣ ਚੌਕਸ ਰਹਿਣਾ ਚਾਹੀਦਾ ਹੈ ਅਤੇ ਜਾਂਚ ਵਿਚ ਪਾਰਦਰਸ਼ਤਾ ਬਣਾਈ ਰੱਖਣ ਵਾਸਤੇ ਅਪਣੀ ਟੀਮ ਵੀ ਤਿਆਰ ਰਖਣੀ ਚਾਹੀਦੀ ਹੈ। ਜੇ ਇਸ ਐਸ.ਡੀ.ਐਮ ਵਿਰੁਧ ਬਣਦੀ ਕਾਰਵਾਈ ਕੀਤੀ ਜਾਂਦੀ ਹੈ ਤਾਂ ਮੁੜ ਤੋਂ ਕੋਈ ਅਫ਼ਸਰ ਕਿਸੇ ਸਿਆਸਤਦਾਨ ਦੇ ਆਖੇ ਵਿਚ ਆ ਕੇ ਅਵਾਮ ਵਿਰੁਧ ਅਜਿਹੀ ਗ਼ਲਤੀ ਕਰਨ ਤੋਂ ਪਹਿਲਾ ਹਜ਼ਾਰ ਵਾਰ ਸੋਚੇਗਾ।

Karnal Kisan Mahapanchayat Karnal Kisan Mahapanchayat

ਅਸਲ ਵਿਚ ਲੋਕਤੰਤਰ ਵਿਚ ਸਿਸਟਮ ਨੂੰ ਤੋੜਨ ਦੇ ਅੰਜਾਮ ਭੁਗਤਣੇ ਵੀ ਚਾਹੀਦੇ ਹਨ ਤੇ ਅਜਿਹਾ ਯਕੀਨੀ ਬਣਾਉਣ ਲਈ ਅੰਨਾ ਹਜ਼ਾਰੇ ਦੀ ਲਹਿਰ ਵੀ ਚਲੀ ਸੀ ਜੋ ਉਹ ਸਿਸਟਮ ਲਿਆਉਣਾ ਚਾਹੁੰਦੀ ਸੀ। ਉਹ ਲਹਿਰ ਤਾਂ ਦਮ ਤੋੜ ਗਈ ਤੇ ਹੁਣ ਨਾ ਸਿਰਫ਼ ਕਿਸਾਨੀ ਦਾ ਭਵਿੱਖ ਬਲਕਿ ਪੂਰੇ ਦੇਸ਼ ਵਿਚ ਲੋਕਤੰਤਰ ਦਾ ਭਵਿੱਖ ਇਸ ਸੰਘਰਸ਼ ਦੇ ਰਾਹ ਪੈ ਗਿਆ ਹੈ। ਕਰਨਾਲ ਵਿਚ ਹਰਿਆਣਾ ਸਰਕਾਰ ਨੂੰ ਹਰਾ ਕੇ ਸੰਯੁਕਤ ਮੋਰਚੇ ਨੇ ਪੰਜਾਬ ਵਿਚ ਤਿੰਨਾਂ ਸਿਆਸੀ ਪਾਰਟੀਆਂ ਨੂੰ ਸੱਦਿਆ। ਸਾਰੀਆਂ ਪਾਰਟੀਆਂ ਸਮੇਂ ਸਿਰ ਪਹੁੰਚੀਆਂ।

Manohar Lal KhattarManohar Lal Khattar

ਕਈਆਂ ਨੂੰ ਕੁੱਝ ਦੇਰ ਇੰਤਜ਼ਾਰ ਵੀ ਕਰਵਾਇਆ ਤੇ ਇਹ ਅਹਿਸਾਸ ਵੀ ਕਰਵਾਇਆ ਗਿਆ ਕਿ ਉਹ ਲੋਕਾਂ ਦੇ ਸੇਵਾਦਾਰ ਬਣ ਕੇ ਸਿਆਸਤ ਵਿਚ ਆਏ ਸਨ, ਨਾ ਕਿ ਅਪਣੀ ਨਿਜੀ ਚੜ੍ਹਤ ਵਾਸਤੇ। ਕਿਸਾਨੀ ਸੰਘਰਸ਼ ਨੇ ਸਿਆਸਤਦਾਨਾਂ ਦੇ ਹੰਕਾਰ ਨੂੰ ਤੋੜਨ ਦਾ ਕੰਮ ਕੀਤਾ ਹੈ ਅਤੇ ਇਹ ਭਾਰਤੀ ਲੋਕਤੰਤਰ ਵਿਚ ਇਕ ਨਵਾਂ ਮੌੜ ਆਖਿਆ ਜਾ ਸਕਦਾ ਹੈ।

Sukhbir Badal, Captain Amarinder, PM Modi Sukhbir Badal, Captain Amarinder, PM Modi

ਹੁਣ ਪੰਜਾਬ ਵਿਚ ਸਿਆਸੀ ਪਾਰਟੀਆਂ ਨੂੰ ਚੋਣ ਪ੍ਰਚਾਰ ਕਰਨ ਤੋਂ ਰੋਕ ਦਿਤਾ ਗਿਆ ਹੈ ਜਿਸ ਨਾਲ ਉਹ ਪਿੰਡਾਂ ਵਿਚ ਜਾ ਕੇ ਲੋਕਾਂ ਨੂੰ ਵੰਡਣ ਦਾ ਕੰਮ ਨਹੀਂ ਕਰ ਸਕਦੀਆਂ। ਜਿਹੜੇ ਕਿਸਾਨ ਨੇ ਖੇਤੀ ਕਾਨੂੰਨ ਨੂੰ ਪੜ੍ਹ ਕੇ ਕੇਂਦਰ ਦੇ ਕਾਨੂੰਨੀ ਮਾਹਰਾਂ ਨੂੰ ਹਰਾ ਦਿਤਾ ਹੈ, ਉਹ ਹੁਣ ਮੈਨੀਫ਼ੈਸਟੋ ਪੜ੍ਹ ਕੇ ਸਿਆਸਤਦਾਨ ਦਾ ਸੱਚ ਵੀ ਸਮਝ ਲੈਣਗੇ। ਕਰਨਾਲ ਦੀ ਜਿੱਤ ਕਿਸਾਨ ਦੀ ਨਹੀਂ ਬਲਕਿ ਭਾਰਤ ਦੇ ਆਮ ਨਾਗਰਿਕ ਦੀ ਜਿੱਤ ਹੈ। ਸਿਆਸਤਦਾਨ ਵੰਡੀਆਂ ਪਾ ਕੇ ਤੁਹਾਨੂੰ ਕਮਜ਼ੋਰ ਕਰਦੇ ਹਨ ਕਿਉਂਕਿ ਜੇ ਤੁਸੀਂ ਇਕੱਠੇ ਹੋ ਗਏ ਤਾਂ ਸਿਆਸਤਦਾਨਾਂ ਨੂੰ ਤੁਹਾਡੇ ਸੇਵਾਦਾਰ ਬਣ ਕੇ ਕੰਮ ਕਰਨਾ ਪਵੇਗਾ। ਆਪਸ ਵਿਚ ਅਪਣਾ ਏਕਾ ਬਣਾ ਕੇ ਰੱਖੋ ਅਤੇ ਸੰਘਰਸ਼ ਜਾਰੀ ਰੱਖੋ।  -ਨਿਮਰਤ ਕੌਰ

ਸਪੋਕਸਮੈਨ ਸਮਾਚਾਰ ਸੇਵਾਨਿਮਰਤ ਕੌਰ

Advertisement

 

Advertisement

ਜਿੰਨੀਆਂ ਪਈਆਂ ਨੇ ਸਰਕਾਰੀ ਖਾਲੀ ਨੌਕਰੀਆਂ ਇਹ ਤਾਂ ਮੈਂ ਚਾਰ ਮਹੀਨੇ ‘ਚ ਹੀ ਭਰ ਦੇਣੀਆਂ ਨੇ

23 Sep 2021 5:53 PM
CM Charanjit Channi ਦੇ ਸੁਣੋ ਵੱਡੇ ਐਲਾਨ,

CM Charanjit Channi ਦੇ ਸੁਣੋ ਵੱਡੇ ਐਲਾਨ,

Gurjeet Aujla ਦਾ Exclusive Interview

Gurjeet Aujla ਦਾ Exclusive Interview

CM Charanjit Channi ਦੇ ਹਲਕਾ Chamkaur Sahib ਦੇ Vill

CM Charanjit Channi ਦੇ ਹਲਕਾ Chamkaur Sahib ਦੇ Vill

Advertisement