ਸਾਡੇ ਸਿੱਖੀ ਦੇ ਪ੍ਰਚਾਰਕ ਹਰ ਥਾਂ ਤੇ ਗੁਰਮਤਿ ਦੀ ਗੱਲ ਬੜੀ ਖੁੱਲ੍ਹ ਕੇ ਕਰਦੇ ਹਨ ਤੇ ਸਾਹਮਣੇ ਬੈਠੀ ਸੰਗਤ ਵੀ ਬੜੇ ਧਿਆਨ ਨਾਲ ਸੁਣਦੀ ਹੈ ਤੇ ਸੁਣ ਕੇ ਫਿਰ ਸੰਗਤ ਕਹਿੰਦੀ ਹੈ ਕਿ ਗੱਲ ਤਾਂ ਤੁਹਾਡੀ ਵੀ ਠੀਕ ਹੈ।
Sikh Sangat
ਬਾਬਾ ਨਾਨਕ ਪਾਤਸ਼ਾਹ ਦੇ ਪ੍ਰਕਾਸ਼ ਦਿਵਸ ਦੇ ਸਬੰਧ ਵਿਚ ਗੁਰਪੁਰਬ ਸਮਾਗਮ ਦੀਆਂ ਵੀਚਾਰਾਂ ਹੋ ਰਹੀਆਂ ਸਨ। ਸੰਗਤਾਂ ਨੂੰ ਗੁਰੂ ਪਾਤਸ਼ਾਹ ਨਾਲ ਸਬੰਧਤ ਸਾਖੀ ਸੁਣਾਈ ਗਈ ਕਿ ਕਿਸ ਤਰ੍ਹਾਂ ਬਾਬਾ ਜੀ ਨੂੰ ਕਾਜ਼ੀ ਤੇ ਨਵਾਬ ਨੇ ਮਸਜਿਦ ਵਿਚ ਨਮਾਜ਼ ਪੜ੍ਹਨ ਲਈ ਕਿਹਾ
Sikh Sangat
ਅਤੇ ਗੁਰੂ ਸਾਹਿਬ ਨਮਾਜ਼ ਪੜ੍ਹਨ ਗਏ ਤੇ ਨਮਾਜ਼ ਦੀ ਸਮਾਪਤੀ ਤੋਂ ਬਾਅਦ ਬਾਬਾ ਜੀ ਨੇ ਕਾਜ਼ੀ ਅਤੇ ਨਵਾਬ ਨੂੰ ਉਪਦੇਸ਼ ਦਿਤਾ ਕਿ ਕਾਜ਼ੀ ਸਾਹਬ ਆਪ ਮੂੰਹ ਨਾਲ ਭਾਵੇਂ ਨਮਾਜ਼ ਪੜ੍ਹ ਰਹੇ ਸੀ ਪਰ ਤੁਹਾਡਾ ਧਿਆਨ ਘਰ ਵਿਚ ਘੁੰਮ ਰਿਹਾ ਸੀ ਤੇ ਨਵਾਬ ਸਾਹਬ ਨੂੰ ਕਿਹਾ ਤੁਸੀ ਨਮਾਜ਼ ਪੜ੍ਹ ਰਹੇ ਸੀ ਪਰ ਤੁਹਾਡਾ ਧਿਆਨ ਘੋੜੇ ਖ਼ਰੀਦ ਰਿਹਾ ਸੀ। ਏਸ ਤਰ੍ਹਾਂ ਪੜ੍ਹੀ ਨਮਾਜ਼ ਕਬੂਲ ਨਹੀਂ ਹੁੰਦੀ। ਨਮਾਜ਼ ਤਾਂ ਉਹੀ ਪ੍ਰਵਾਨ ਹੈ ਜੋ ਮਨ ਨਾਲ ਪੜ੍ਹੀ ਜਾਵੇ।
Namaz
ਪਰ ਹੈਰਾਨੀ ਉਦੋਂ ਹੁੰਦੀ ਹੈ ਜਦੋਂ ਤੁਸੀ ਕੈਨੇਡਾ, ਅਮਰੀਕਾ ਜਾਂ ਕਿਸੇ ਹੋਰ ਥਾਂ ਰਹਿੰਦੇ ਹੋ ਪਰ ਪਾਖੰਡੀ ਸਾਧਾਂ ਦੇ ਡੇਰਿਆਂ ’ਚ ਆਖੰਡਪਾਠ ਕਰਵਾਈ ਜਾ ਰਹੇ ਹੋ ਤੇ ਆਪ ਤੁਸੀ ਸ਼ਾਮਲ ਨਹੀਂ ਹੁੰਦੇ। ਸਿਰਫ਼ ਪਾਠ ਕਰਵਾਉਣ ਵਾਲੇ ਦੇ ਨਾਮ ਦੀ ਅਰਦਾਸ ਹੁੰਦੀ ਹੈ।
Namaz
ਕੀ ਇਹੋ ਜਹੇ ਕਰਵਾਏ ਪਾਠ ਪ੍ਰਵਾਨ ਹੋਣਗੇ? ਕਾਜ਼ੀ ਅਤੇ ਨਵਾਬ ਹਾਜ਼ਰ ਹੋ ਕੇ ਨਮਾਜ਼ ਪੜ੍ਹ ਰਹੇ ਸੀ। ਗੁਰੂ ਪਾਤਸ਼ਾਹ ਨੇ ਕਿਹਾ ਕਿ ਤੁਹਾਡੀ ਪੜ੍ਹੀ ਹੋਈ ਨਮਾਜ਼ ਪ੍ਰਵਾਨ ਨਹੀਂ ਹੋਈ ਪਰ ਦੂਰ ਦੁਰਾਡੇ ਰਹਿੰਦੇ ਸਿੱਖ ਪੈਸੇ ਭੇਜ ਕੇ ਅਖੰਡਪਾਠ ਕਰਵਾਉਂਦੇ ਹਨ ਤੇ ਆਪ ਸ਼ਾਮਲ ਵੀ ਨਹੀਂ ਹੁੰਦੇ।
ਕੀ ਉਹ ਪ੍ਰਵਾਨ ਹੋਣਗੇ? ਸਾਰੀ ਵੀਚਾਰ ਚਰਚਾ ਤੋਂ ਬਾਅਦ ਸੰਗਤਾਂ ਵਿਚੋਂ ਇਕ ਵੀਰ ਬਾਹਰ ਮਿਲ ਕੇ ਕਹਿਣ ਲੱਗਾ ਵੀਰ ਜੀ ਅਸੀ ਤਾਂ ਆਪ ਦੇ ਵੀਚਾਰਾਂ ਨਾਲ ਸਹਿਮਤ ਹਾਂ ਕਿ ਅਖੰਡਪਾਠ ਆਪ ਸੁਣੋ ਨਹੀਂ ਤਾਂ ਪਾਠ ਕਰਾਉਣ ਦਾ ਕੋਈ ਲਾਭ ਨਹੀਂ। ਗੱਲ ਤਾਂ ਆਪ ਜੀ ਦੀ ਠੀਕ ਹੈ ਪਰ...।
-ਸਾਰੰਗਪ੍ਰੀਤ ਸਨੌਰੀਆ, ਸਨੌਰ (ਪਟਿਆਲਾ) ਪੰਜਾਬ।
