ਮੋਦੀ ਜੀ ਪੰਜਾਬ ਨੂੰ ਬਿਨਾਂ ਕੁੱਝ ਦਿਤੇ, ਆਏ ਵੀ ਤੇ ਚਲੇ ਗਏ ਪਰ ਆਪਣੀ ਤਾਰੀਫ਼ ਜ਼ਰੂਰ ਕਰਵਾ ਗਏ!
Published : Aug 25, 2022, 7:13 am IST
Updated : Aug 25, 2022, 11:19 am IST
SHARE ARTICLE
Pm modi and CM Mann
Pm modi and CM Mann

'ਮੋਦੀ ਜੀ ਪੰਜਾਬ ਉਤੇ ਹਮੇਸ਼ਾ ਹੀ ਮਿਹਰਬਾਨ ਰਹੇ ਹਨ'

 

ਜਦ ਪਿਛਲੀ ਵਾਰ ਪ੍ਰਧਾਨ ਮੰਤਰੀ ਮੋਦੀ ਪੰਜਾਬ ਆਏ ਸਨ ਤਾਂ ਉਨ੍ਹਾਂ ਦੇ ਸਵਾਗਤ ਵਿਚ ਕੁੱਝ ਕਮੀਆਂ ਰਹਿ ਗਈਆਂ ਸਨ। ਉਸ ਸਮੇਂ ਦੇ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੇ ਕਿਸਾਨਾਂ ਦੇ ਧਰਨੇ ਨੂੰ ਸੜਕ ਉਤੋਂ ਹਟਾਉਣ ਤੋਂ ਇਨਕਾਰ ਕਰ ਕੇ ਪ੍ਰਧਾਨ ਮੰਤਰੀ ਦੇ ਕਾਫ਼ਲੇ ਨੂੰ ਵਾਪਸ ਮੁੜ ਜਾਣ ਲਈ ਮਜਬੂਰ ਕਰ ਦਿਤਾ ਸੀ। ਉਨ੍ਹਾਂ ਤੋਂ ਪਹਿਲੇ ਮੁੱਖ ਮੰਤਰੀ ਵਲੋਂ ਕਿਸਾਨਾਂ ਨਾਲ ਖੜੇ ਹੋਣ ਦਾ ਸੇਕ ਅੱਜ ਦੀ ਸਰਕਾਰ ਨੂੰ ਵੀ ਲੱਗ ਰਿਹਾ ਹੈ। ਉਸ ਸਮੇਂ ਪ੍ਰਧਾਨ ਮੰਤਰੀ ਦੀ ਰੈਲੀ ਲਈ ਵਿਛਾਈਆਂ ਗਈਆਂ ਕੁਰਸੀਆਂ, ਬਾਰਸ਼ ਤੇ ਨਰਾਜ਼ਗੀ ਕਾਰਨ ਖ਼ਾਲੀ ਪਈਆਂ ਸਨ।

Pm modi and CM Mann
Pm modi and CM Mann

 

 ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਨਿਗਰਾਨੀ ਹੇਠ ਸਾਰੀਆਂ ਕੁਰਸੀਆਂ ਵੀ ਭਰੀਆਂ ਹੋਈਆਂ ਸਨ ਤੇ ਕਿਸੇ ਤਰ੍ਹਾਂ ਦੀ ਰੁਕਾਵਟ ਵੀ ਨਹੀਂ ਪਈ। ਪ੍ਰਧਾਨ ਮੰਤਰੀ ਤਾਂ ਸਾਰੇ ਦੇਸ਼ ਦੇ ਸਾਂਝੇ ਹਨ ਤੇ ਭਾਵੇਂ ਉਹ ਪੰਜਾਬ ਦੀ ਗੱਲ ਨਹੀਂ ਸਮਝ ਪਾ ਰਹੇ, ਉਨ੍ਹਾਂ ਦਾ ਵਾਪਸ ਮੁੜ ਜਾਣਾ ਸਹੀ ਨਹੀਂ ਸੀ। ਅੱਜ ਦੇ ਮੁੱਖ ਮੰਤਰੀ ਸ਼ਾਇਦ ਇਸ ਸੋਚ ਨੂੰ ਸਮਝਦੇ ਹਨ ਜਾਂ ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੀ ਹਾਲਤ ਨੂੰ ਵੇਖ ਕੇ ਸਮਝ ਗਏ ਕਿ ਇਸ ਤਰ੍ਹਾਂ ਕੇਂਦਰ ਦੀ ਨਾਰਾਜ਼ਗੀ ਨਿਜੀ ਤੌਰ ਤੇ ਮਹਿੰਗੀ ਪੈ ਸਕਦੀ ਹੈ। ਪਿਛਲੇ ਪ੍ਰੋਗਰਾਮ ਵੇਲੇ ਹੋਈ ਖ਼ੁਨਾਮੀ ਦਾ ਭਾਰ ਤਾਂ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਅਪਣੇ ਮੋਢਿਆਂ ਤੇ ਚੁਕ ਲਿਆ ਪਰ ਉਨ੍ਹਾਂ ਵਲੋਂ ਪ੍ਰਧਾਨ ਮੰਤਰੀ ਦੀ ਸਿਫ਼ਤ ਇਕ ‘ਆਪ’ ਆਗੂ ਵਾਂਗ ਨਹੀਂ ਕੀਤੀ ਗਈ।

Pm modi and CM Mann
Pm modi and CM Mann

ਇਕ ਪਾਸੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਤੇ ਸਿਖਿਆ ਮੰਤਰੀ ਮਨੀਸ਼ ਸਿਸੋਦੀਆ ਤੇ ਈ.ਡੀ.ਵਲੋਂ ਦਬਾਅ ਪਾਇਆ ਜਾ ਰਿਹਾ ਹੈ, ਸ਼ਰਾਬ ਨੀਤੀ ਨੂੰ ਲੈ ਕੇ ਦਿੱਲੀ ਦੇ ਉਪ ਮੁੱਖ ਮੰਤਰੀ ਵਿਰੁਧ ਜਾਂਚ ਚਲ ਰਹੀ ਹੈ ਤੇ ਉਸ ਨੂੰ ਗ੍ਰਿਫ਼ਤਾਰ ਕਰਨ ਦੀ ਆਸ਼ੰਕਾ ਕੇਜਰੀਵਾਲ ਨੇ ਵੀ ਜਤਾਈ ਹੈ, ਤੇ ਇਧਰ ਪੰਜਾਬ ਵਿਚ ਪ੍ਰਧਾਨ ਮੰਤਰੀ ਦੀਆਂ ਸਿਫ਼ਤਾਂ ਹੋ ਰਹੀਆਂ ਸਨ। ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਕਹਿਣਾ ਸੀ ਕਿ ਮੋਦੀ ਜੀ ਪੰਜਾਬ ਉਤੇ ਹਮੇਸ਼ਾ ਹੀ ਮਿਹਰਬਾਨ ਰਹੇ ਹਨ ਪਰ ਨਾਲ ਹੀ ਇਹ ਵੀ ਮੰਨਦੇ ਹਨ ਕਿ ਭਾਜਪਾ ਦੀਆਂ ਨੀਤੀਆਂ ਨੇ ਹੀ ਪੰਜਾਬ ਦੇ ਉਦਯੋਗ ਨੂੰ ਖ਼ਤਮ ਕੀਤਾ। ਪਹਾੜੀ ਇਲਾਕਿਆਂ ਨੂੰ ਫ਼ਾਇਦਾ ਦੇ ਕੇ ਪੰਜਾਬ ਦਾ ਨੁਕਸਾਨ ਕੀਤਾ ਗਿਆ ਤੇ ਅੱਜ ਪੰਜਾਬ ਦਾ ਉਦਯੋਗ ਖ਼ਾਤਮੇ ਦੀ ਕਗਾਰ ਤੇ ਆ ਖੜਾ ਹੋਇਆ ਹੈ।

ਜਦ ਪ੍ਰਧਾਨ ਮੰਤਰੀ ਪਿਛਲੀ ਵਾਰ ਪੰਜਾਬ ਆਏ ਸਨ ਤਾਂ ਸ਼ਾਇਦ ਉਹ ਪੰਜਾਬ ਵਾਸਤੇ ਬਾਰਡਰ ਉਦਯੋਗ ਨੀਤੀ ਲੈ ਕੇ ਆ ਰਹੇ ਸਨ। ਉਨ੍ਹਾਂ ਵਲੋਂ ਪੰਜਾਬ ਦੇ ਪਾਣੀ ਦੀਆਂ ਔਕੜਾਂ ਦਾ ਹੱਲ ਕੱਢਣ ਦੀ ਵੀ ਆਸ ਦਿਵਾਈ ਜਾ ਰਹੀ ਸੀ। ਅੱਜ ਮੁੱਖ ਮੰਤਰੀ ਤੋਂ ਆਸ ਕੀਤੀ ਜਾ ਰਹੀ ਸੀ ਕਿ ਉਹ ਪੰਜਾਬ ਦੇ ਸਾਰੇ ਮੁੱਦਿਆਂ ਨੂੰ ਚੁਕਣਗੇ ਤੇ ਪ੍ਰਧਾਨ ਮੰਤਰੀ ਨੂੰ ਅਪੀਲ ਕਰਨਗੇ ਕਿ ਉਹ ਪੰਜਾਬ ਵਾਸਤੇ ਅਪਣੀ ਖੁਲ੍ਹਦਿਲੀ ਸਿਰਫ਼ ਚੋਣਾਂ ਤਕ ਹੀ ਸੀਮਤ ਨਾ ਕਰਨ ਕਿਉਂਕਿ ਪੰਜਾਬ ਦੀ ਤਾਕਤ ਹੀ ਦੇਸ਼ ਦੀ ਤਾਕਤ ਹੈ। ਪੰਜਾਬ ਨੂੰ ਪਾਕਿਸਤਾਨ ਤੇ ਚੀਨ ਦੇ ਵਾਰ ਵੀ ਸਹਿਣੇ ਪੈਂਦੇ ਹਨ। ਪਾਕਿਸਤਾਨ ਪੰਜਾਬ ਵਿਚ ਨਸ਼ੇ ਭੇਜਦਾ ਹੈ ਤਾਕਿ ਨੌਜਵਾਨ ਕਮਜ਼ੋਰ ਪੈ ਜਾਣ ਕਿਉਂਕਿ ਕਮਜ਼ੋਰ ਨੌਜਵਾਨ, ਸਰਹੱਦੀ ਸੂਬੇ ਦੀ ਰਾਖੀ ਨਹੀਂ ਕਰ ਸਕਦੇ।

ਭਗਵੰਤ ਮਾਨ ਤੋਂ ਆਸ ਕੀਤੀ ਜਾਂਦੀ ਸੀ ਕਿ ਉਹ ਸਰਹੱਦ ਤੇ ਪ੍ਰਧਾਨ ਮੰਤਰੀ ਤੋਂ ਵਧੀਆ ਡਰੋਨ ਫੜਨ ਦੀ ਤਕਨੀਕ ਮੰਗਦੇ ਤਾਕਿ ਸਰਹੱਦ ਸੁਰੱਖਿਅਤ ਹੁੰਦੀ। ਇਹ ਮੌਕਾ 700 ਸ਼ਹੀਦ ਕਿਸਾਨਾਂ ਦੀ ਯਾਦ ਕਰਵਾਉਣ ਦਾ ਵੀ ਸੀ ਤੇ ਕਿਸਾਨਾਂ ਦੀਆਂ ਮੰਗਾਂ ਚੁਕਣ ਦਾ ਵੀ ਸੀ। ਜੋ ਪਿਛਲੀ ਵਾਰ ਹੋਇਆ ਹੈ, ਉਹ ਵੀ ਸਹੀ ਨਹੀਂ ਸੀ ਤੇ ਜੋ ਇਸ ਵਾਰ ਹੋਇਆ, ਉਹ ਵੀ ਇਹੀ ਹੈ ਕਿ ਪੰਜਾਬ ਦੇ ਹਿਤ ਵਿਚ ਬੁਲੰਦ ਆਵਾਜ਼ ਨਹੀਂ ਉਠਾਈ ਗਈ। ਸਗੋਂ ਕਾਂਗਰਸ ਤੇ ਮਨਮੋਹਨ ਸਿੰਘ ਨੇ ਇਸ ਕੈਂਸਰ ਹਸਪਤਾਲ ਦਾ ਨੀਂਹ ਪੱਥਰ ਰੱਖ ਕੇ ਜਿਹੜਾ ਕੰਮ ਕੀਤਾ ਸੀ, ਉਸ ਤੇ ਵਾਰ ਹੀ ਹੋਇਆ। ਇਹ ਤਾਂ ਸਿਆਸਤਦਾਨਾਂ ਦਾ ਦਸਤੂਰ ਹੈ ਪਰ ਅੱਜ ਦਾ ਪ੍ਰੋਗਰਾਮ ਵੇਖ ਸੁਣ ਕੇ ਸਿਆਸੀ ਪੰਡਤ ਕਾਫ਼ੀ ਪ੍ਰੇਸ਼ਾਨ ਹੋ ਗਏ ਹਨ।                                           - ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Navdeep Jalveda Wala Water Cannon ਗ੍ਰਿਫ਼ਤਾਰ! ਹਰਿਆਣਾ ਦੀ ਪੁਲਿਸ ਨੇ ਕੀਤੀ ਵੱਡੀ ਕਾਰਵਾਈ, ਕਿਸਾਨੀ ਅੰਦੋਲਨ ਵਿੱਚ

29 Mar 2024 4:16 PM

Simranjit Mann ਦਾ ਖੁੱਲ੍ਹਾ ਚੈਲੇਂਜ - 'ਭਾਵੇਂ ਸੁਖਪਾਲ ਖਹਿਰਾ ਹੋਵੇ ਜਾਂ ਕੋਈ ਹੋਰ, ਮੈਂ ਨਹੀਂ ਆਪਣੇ ਮੁਕਾਬਲੇ ਕਿਸੇ

29 Mar 2024 3:30 PM

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM
Advertisement