ਅਣ-ਐਲਾਨੀ ਐਮਰਜੈਂਸੀ ਦਾ ਪਤਾ ਕਿਸਾਨਾਂ ਨਾਲ ਕੀਤੇ ਜਾ ਰਹੇ ਸਲੂਕ ਤੋਂ ਹੀ ਲੱਗ ਜਾਂਦਾ ਹੈ!
Published : Jun 29, 2021, 8:21 am IST
Updated : Jun 29, 2021, 8:21 am IST
SHARE ARTICLE
Farmers Protest
Farmers Protest

ਇਹ ਸਰਕਾਰ ਅਸਲ ਵਿਚ ਇੰਦਰਾ ਗਾਂਧੀ ਵਲੋਂ ਲਗਾਈ ਐਮਰਜੈਂਸੀ ਵਿਰੁਧ ਹੁੰਦੀ ਤਾਂ ਅੱਜ ਕਿਸਾਨ ਸੱਤ ਮਹੀਨੇ ਤੋਂ ਦਿੱਲੀ ਦੀਆਂ ਸੜਕਾਂ ਤੇ ਨਾ ਬੈਠੇ ਹੁੰਦੇ।

ਜਿਸ ਦਿਨ ਭਾਰਤ ਵਿਚ ਐਮਰਜੈਂਸੀ ਨੂੰ ਯਾਦ ਕਰ ਕੇ ਕਾਂਗਰਸੀ ਆਗੂ ਇੰਦਰਾ ਗਾਂਧੀ ਵਲੋਂ ਲੋਕਤੰਤਰ ਦੇ ਕਾਲੇ ਦਿਨ ਯਾਦ ਕੀਤੇ ਜਾ ਰਹੇ ਸਨ, ਉਸੇ ਸਮੇਂ ਭਾਰਤ ਦੇ ਇਤਿਹਾਸ ਵਿਚ ਅਣਐਲਾਨੀ ਐਮਰਜੈਂਸੀ ਦਾ ਇਕ ਨਵਾਂ ਚੈਪਟਰ ਵੀ ਲਿਖਿਆ ਜਾ ਰਿਹਾ ਸੀ। ਖੇਤੀ ਕਾਨੂੰਨਾਂ ਦਾ ਵਿਰੋਧ ਕਰਦੇ ਕਿਸਾਨਾਂ ਨੇ ਸਤਵੇਂ ਮਹੀਨੇ ਦੀ ਸ਼ੁਰੂਆਤ ਦੇਸ਼ ਭਰ ਦੇ ਰਾਜਪਾਲਾਂ ਦੇ ਦਫ਼ਤਰਾਂ ਵਿਚ ਜਾ ਕੇ ਅਪਣੇ ਮੰਗ ਪੱਤਰ ਦੇ ਕੇ ਕੀਤੀ।

Narendra Tomar Narendra Tomar

ਖੇਤੀ ਮੰਤਰੀ ਨਰਿੰਦਰ ਤੋਮਰ ਨੇ ਇਸ ਦਿਨ ਕਿਸਾਨਾਂ ਦਾ ਗੁੱਸਾ ਅਤੇ ਉਨ੍ਹਾਂ ਦੀ ਤਾਕਤ ਵੇਖ ਕੇ ਅਤੇ ਉਨ੍ਹਾਂ ਨੂੰ ਗ਼ਲਤ ਸਾਬਤ ਕਰਨ ਦੇ ਇਰਾਦੇ ਨਾਲ ਇਹ ਬਿਆਨ ਦਾਗ਼ ਦਿਤਾ ਕਿ ਖੇਤੀ ਕਾਨੂੰਨਾਂ ਦਾ ਵਿਰੋਧ ਜੇ ਬੰਦ ਕਰ ਦਿਤਾ ਜਾਵੇ ਤਾਂ ਗੱਲਬਾਤ ਸ਼ੁਰੂ ਕੀਤੀ ਜਾ ਸਕਦੀ ਹੈ ਜੋ ਅਸਲ ਵਿਚ ਕਿਸਾਨਾਂ ਪ੍ਰਤੀ ਰਵਈਏ ਵਿਚ ਕੋਈ ਤਬਦੀਲੀ ਨਾ ਕਰਨ ਦਾ ਐਲਾਨ ਵੀ ਹੈ।

AAP condemns cane-charging, use of water cannons by police on farmers Farmers Protest 

ਸੰਯੁਕਤ ਕਿਸਾਨ ਮੋਰਚੇ ਵਲੋਂ ਖੇਤੀ ਮੰਤਰੀ ਦੇ ਬਿਆਨ ਨੂੰ ਲੈ ਕੇ ਹੈਰਾਨੀ ਪ੍ਰਗਟ ਕੀਤੀ ਗਈ ਕਿਉਂਕਿ ਉਹ ਮੰਨਦੇ ਹਨ ਕਿ ਸਰਕਾਰ ਕਹਿੰਦੀ ਕੁੱਝ ਹੋਰ ਹੈ ਤੇ ਕਰਦੀ ਕੁੱਝ ਹੋਰ ਹੈ। ਇਕ ਵਾਰ ਫਿਰ ਸਰਕਾਰ ਨੇ ਕਿਸਾਨਾਂ ਦੇ ਦਿਲ ਵਿਚ ਪੁੰਗਰਦੇ ਡਰ ਨੂੰ ਸਹੀ ਸਾਬਤ ਕਰ ਦਿਤਾ। ਜੇ ਇਹ ਸਰਕਾਰ ਅਸਲ ਵਿਚ ਇੰਦਰਾ ਗਾਂਧੀ ਵਲੋਂ ਲਗਾਈ ਐਮਰਜੈਂਸੀ ਵਿਰੁਧ ਹੁੰਦੀ ਤਾਂ ਅੱਜ ਕਿਸਾਨ ਸੱਤ ਮਹੀਨੇ ਤੋਂ ਦਿੱਲੀ ਦੀਆਂ ਸੜਕਾਂ ਤੇ ਨਾ ਬੈਠੇ ਹੁੰਦੇ। ਸਨਿਚਰਵਾਰ ਨੂੰ ਇਕ ਹੋਰ ਕਿਸਾਨ ਦੀ ਟਿਕਰੀ ਬਾਰਡਰ ਤੇ ਮੌਤ ਹੋ ਗਈ।

Indira Gandhi Indira Gandhi

ਮੌਤ ਦੇ ਮੈਡੀਕਲ ਕਾਰਨ ਦਾ ਪਤਾ ਲੱਗਾ ਕਿ ਦਿਲ ਦੇ ਦੌਰੇ ਕਾਰਨ ਮੌਤ ਹੋਈ ਸੀ ਪਰ ਅਸਲ ਵਿਚ ਇਹ ਉਸ ਦੇ ਦਿਲ ਅਤੇ ਜਿਸਮ ਤੇ ਇਕ ਕਠੋਰ ਸਰਕਾਰ ਦੀ ਅਸਹਿ ਮਾਰ ਸੀ ਜੋ ਉਸ ਦੀ ਮੌਤ ਦਾ ਕਾਰਨ ਬਣੀ। ਇਸੇ ਤਰ੍ਹਾਂ ਹੁਣ ਤਕ ਸੈਂਕੜੇ ਕਿਸਾਨ ਅਪਣੀ ਜਾਨ ਗੁਆ ਚੁੱਕੇ ਹਨ ਤੇ ਉਨ੍ਹਾਂ ਦੀ ਗਿਣਤੀ ਹਰ ਰੋਜ਼ ਵਧਦੀ ਜਾ ਰਹੀ ਹੈ ਤੇ ਸਰਕਾਰ ਅਜੇ ਵੀ ਸ਼ਰਤਾਂ ਲਾਉਣ ਤੋਂ ਪਿਛੇ ਨਹੀਂ ਹੱਟ ਰਹੀ। ਕੀ ਇਹ ਕਠੋਰ ਵਤੀਰਾ ਇਕ ਐਮਰਜੈਂਸੀ ਵਾਲੀ ਸਰਕਾਰ ਵਾਲਾ ਡਿਕਟੇਟਰੀ ਵਤੀਰਾ ਨਹੀਂ?

Farmers ProtestFarmers Protest

ਜਿਸ ਦਿਨ ਕਿਸਾਨ ਸ਼ਾਂਤੀ ਨਾਲ ਰਾਜਪਾਲ ਨੂੰ ਅਪਣਾ ਮੰਗ ਪੱਤਰ ਦੇਣ ਜਾ ਰਹੇ ਸਨ, ਉਨ੍ਹਾਂ ਦੇ ਮਾਰਚ ਰੋਕਣ ਵਾਸਤੇ ਬੈਰੀਕੇਡ ਲਗਾਏ ਗਏ। ਪੁਲਿਸ ਇਸ ਤਰ੍ਹਾਂ ਤੈਨਾਤ ਕੀਤੀ ਗਈ ਜਿਵੇਂ ਦੁਸ਼ਮਣ ਹਮਲਾ ਕਰਨ ਆ ਰਿਹਾ ਹੋਵੇ। ਕਮਾਲ ਦੀ ਗੱਲ ਹੈ ਕਿ ਜਦ ਸਿੱਖਾਂ ਦਾ ਕਤਲੇਆਮ ਕਰਨ ਲਈ ਫ਼ਿਰਕੂ ਭੀੜਾਂ ਹਥਿਆਰ ਚੁੱਕੀ ਬਜ਼ਾਰਾਂ ਵਿਚ ਖ਼ਰੂਦ ਮਚਾ ਰਹੀਆਂ ਸਨ ਤਾਂ ਉਨ੍ਹਾਂ ਫ਼ਿਰਕੂ ਭੀੜਾਂ ਨੂੰ ਰੋਕਣ ਲਈ ਕੋਈ ਕਾਨੂੰਨ ਵੀ ਨਹੀਂ ਸੀ ਬਚਿਆ, ਨਾ ਪੁਲਿਸ ਦੀਆਂ ਲਾਠੀਆਂ ਤੇ ਪਾਣੀ ਦੀਆਂ ਵਾਛੜਾਂ ਹੀ ਕਿਸੇ ਕੰਮ ਆਈਆਂ।

Farmers Protest Farmers Protest

ਪਰ ਅਪਣੇ ਹੱਕਾਂ ਵਾਸਤੇ ਅੱਗੇ ਆਉਣ ਵਾਲੇ ਕਿਸਾਨਾਂ ਵਾਸਤੇ ਸਰਕਾਰ ਨੂੰ ਹਰ ਕਾਨੂੰਨ ਅਤੇ ਹਰ ਸਰਕਾਰੀ ਜਬਰ ਵਾਲੀ ਤਾਕਤ ਉਪਲਭਦ ਹੋ ਜਾਂਦੀ ਹੈ। ਸੋ ਕੀ ਅਸੀ ਮੰਨੀਏ ਕਿ ਸਾਡੀ ਸਰਕਾਰ ਕੋਲ ਨਫ਼ਰਤ ਰੋਕਣ ਦੀ ਮਨਸ਼ਾ ਹੀ ਕੋਈ ਨਹੀਂ ਅਤੇ ਲੋਕਾਂ ਨੂੰ ਅਪਣਾ ਦੁਸ਼ਮਣ ਮੰਨਦੀ ਹੈ? ਦਿੱਲੀ ਵਿਚ ਵੀ ਕਿਸਾਨਾਂ ਦੇ ਆਸ ਪਾਸ ਉਚੀਆਂ ਦੀਵਾਰਾਂ ਤੇ ਸੁਰੱਖਿਆ ਘੇਰਾ ਬਣਾਇਆ ਹੋਇਆ ਹੈ ਅਤੇ ਜਦ ਵੀ ਕਿਸਾਨ ਸਰਕਾਰ ਕੋਲ ਅਪਣੀ ਆਵਾਜ਼ ਚੁਕਣ ਜਾਂਦੇ ਹਨ ਤਾਂ ਇਨ੍ਹਾਂ ਦਾ ਸਵਾਗਤ ਨਹੀਂ ਹੁੰਦਾ ਬਲਕਿ ਇਨ੍ਹਾਂ ਨੂੰ ਲਾਈਨਾਂ ਵਿਚ ਖੜੇ ਕਰ ਕੇ ਸਖ਼ਤ ਚੈਕਿੰਗ ਕਰਨ ਮਗਰੋਂ ਹੀ ਅੰਦਰ ਜਾਣ ਦਿਤਾ ਜਾਂਦਾ ਹੈ।

PhotoFarmers Protest 

ਸਨਿਚਰਵਾਰ ਨੂੰ ਵੀ ਸਰਕਾਰ ਨੇ ਪੰਜਾਬ ਦੀ ਰਾਜਧਾਨੀ ਵਿਚ ਕਿਸਾਨਾਂ ਤੇ ਪਾਣੀ ਦੀਆਂ ਵਾਛੜਾਂ ਮਾਰੀਆਂ, ਡੰਡੇ ਮਾਰੇ ਅਤੇ ਕਈ ਕਿਸਾਨਾਂ ਦੀਆਂ ਪੱਗਾਂ ਲਾਹ ਦਿਤੀਆਂ। ਇਹ ਦਰਸਾਉਂਦਾ ਹੈ ਕਿ ਅਸਲ ਵਿਚ ਸਰਕਾਰ ਦੀ ਗੱਲਬਾਤ ਦੀ ਪੇਸ਼ਕਸ਼ ਵਿਚ ਨੀਅਤ ਸਾਫ਼ ਨਹੀਂ, ਸਿਰਫ਼ ਸੁਰਖ਼ੀਆਂ ਵਿਚ ਅਪਣੇ ਆਪ ਨੂੰ ਇੰਦਰਾ ਗਾਂਧੀ ਤੋਂ ਅਲੱਗ ਪੇਸ਼ ਕਰਨ ਦੀ ਕੋਸ਼ਿਸ਼ ਹੀ ਸੀ।

Photo

ਪਹਿਲਾਂ ਕਿਸਾਨਾਂ ਨੂੰ ਰਾਜਪਾਲ ਨੂੰ ਮਿਲਣੋਂ ਰੋਕਿਆ ਗਿਆ ਪਰ ਅਪਣਾ ਹੱਕ ਮੰਗਦੇ ਕਿਸਾਨ ਜਦ ਰਾਜ ਭਵਨ ਦੇ ਨੇੜੇ ਪਹੁੰਚਣ ਵਿਚ ਸਫ਼ਲ ਹੋ ਗਏ ਤਾਂ ਹੁਣ ਚੰਡੀਗੜ੍ਹ ਪੁਲਿਸ ਨੇ ਦਿੱਲੀ ਪੁਲਿਸ ਵਾਂਗ ਕਿਸਾਨਾਂ ’ਤੇ ਪਰਚੇ ਦਰਜ ਕਰ ਦਿਤੇ ਹਨ। ਹੈਰਾਨੀ ਦੀ ਗੱਲ ਹੈ ਕਿ ਚੰਡੀਗੜ੍ਹ ਪੁਲਿਸ ਵਲੋਂ ਚੁਣ-ਚੁਣ ਕੇ ਨੌਜਵਾਨ ਆਗੂਆਂ ਵਿਰੁਧ ਪਰਚੇ ਦਰਜ ਕੀਤੇ ਗਏ ਹਨ। ਰਜਿੰਦਰ ਸਿੰਘ ਦੀਪ ਵਾਲਾ, ਸੋਨੀਆ ਮਾਨ, ਲੱਖਾ ਸਿਧਾਣਾ ਤੇ ਜੱਸ ਬਾਜਵਾ ਵਰਗੇ ਨੌਜਵਾਨਾਂ ਤੇ ਪਰਚੇ ਦਰਜ ਹੋਣ ਪਿਛੇ ਕਾਰਨ ਇਹ ਹੈ ਕਿ ਸਰਕਾਰਾਂ ਨੇ ਹੁਣ ਨੌਜਵਾਨਾਂ ਦੀ ਨਬਜ਼ ਪਛਾਣ ਲਈ ਹੈ।

Narendra Singh TomarNarendra Singh Tomar

ਉਹ ਜਾਣਦੀ ਹੈ ਕਿ ਨੌਜਵਾਨ ਤਾਂ ਇਸੇ ਤਰ੍ਹਾਂ ਦੇ ਯੁਵਾ ਆਗੂਆਂ ਦੇ ਪਿਛੇ ਹੀ ਸੜਕਾਂ ਤੇ ਆਉਣਗੇ ਨਾ ਕਿ ਬਜ਼ੁਰਗ ਕਿਸਾਨ ਆਗੂਆਂ ਦੇ। ਸੋ ਇਨ੍ਹਾਂ ਨੌਜਵਾਨ ਆਗੂਆਂ ਨੂੰ ਹਿਰਾਸਤ ਵਿਚ ਲੈ ਕੇ ਕਿਸਾਨੀ ਸੰਘਰਸ਼ ਦੀ ਤਾਕਤ ਕਮਜ਼ੋਰ ਕੀਤੀ ਜਾ ਰਹੀ ਹੈ। ਇਹ ਫਿਰ ਦਰਸਾਉਂਦਾ ਹੈ ਕਿ ਖੇਤੀ ਮੰੰਤਰੀ ਨਰੇਂਦਰ ਤੋਮਰ ਉਤੇ ਕਿਸਾਨ ਵੀਰ ਵਿਸ਼ਵਾਸ ਕਿਉਂ ਨਹੀਂ ਕਰ ਸਕਦੇ? ਕਰਨੀ ਤੇ ਕਥਨੀ ਦਾ ਅੰਤਰ ਕਿਸਾਨਾਂ ਦੀ ਜਾਨ ਲੈ ਰਿਹਾ ਹੈ ਅਤੇ ਕਿਸੇ ਅਣਐਲਾਨੀ ਐਮਰਜੈਂਸੀ ਦਾ ਇਸ ਤੋਂ ਵੱਡਾ ਸਬੂਤ ਹੋਰ ਕੀ ਚਾਹੀਦਾ ਹੁੰਦਾ ਹੈ?

Farmers ProtestFarmers Protest

ਪਿਛਲੇ ਕੁੱਝ ਸਾਲਾਂ ਵਿਚ ਪੱਤਰਕਾਰੀ ਕਮਜ਼ੋਰ ਹੋਈ, ਲੇਖਕਾਂ ਨੇ ਅਪਣੇ ਪੁਰਸਕਾਰ ਮੋੜ ਦਿਤੇ, ਦੇਸ਼ ਦੀ ਦੌਲਤ ਕੁੱਝ ਪ੍ਰਵਾਰਾਂ ਦੇ ਹਵਾਲੇ ਕਰ ਦਿਤੀ ਗਈ ਤੇ ਅੱਜ ਸਿਰਫ਼ ਇਕ ਕਿਸਾਨ ਹੈ ਜੋ ਸਮਾਜ ਨੂੰ ਅਪਣੇ ਉਤੇ ਮੰਡਰਾਉਂਦੇ ਖ਼ਤਰੇ ਤੋਂ ਜਗਾਉਣ ਦਾ ਯਤਨ ਕਰ ਰਿਹਾ ਹੈ। ਕਿਸਾਨਾਂ ਦਾ ਸਾਥ ਦੇਣਾ ਅੱਜ ਲੋਕਤੰਤਰ ਦੇ ਬਚਾਅ ਲਈ ਅਪਣਾ ਬਣਦਾ ਯੋਗਦਾਨ ਪਾਉਣਾ ਹੈ।                           -ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement