ਸੰਪਾਦਕੀ: ਅਮਰੀਕੀ ਤੇ ਚੀਨੀ ਆਗੂ ਅਪਣੇ ਲੋਕਾਂ ਨਾਲ ਕੀਤੇ ਵਾਅਦੇ ਕਰਨ ਵਿਚ ਬਹੁਤ ਅੱਗੇ ਤੇ ਭਾਰਤੀ....
Published : Apr 30, 2021, 7:19 am IST
Updated : Apr 30, 2021, 12:35 pm IST
SHARE ARTICLE
Joe Biden and Xi Jinping
Joe Biden and Xi Jinping

ਅਮਰੀਕਾ, ਚੀਨ ਤੇ ਭਾਰਤ ਦੇ ਆਗੂ

ਅਮਰੀਕਾ ਦੇ ਦੋਹਾਂ ਸਦਨਾਂ ਵਿਚ ਰਾਸ਼ਟਰਪਤੀ ਜੋਅ ਬਾਈਡਨ ਨੂੰ ਬੋਲਦਿਆਂ ਸੁਣ ਕੇ ਇਹ ਸਮਝ ਵਿਚ ਆਉਂਦਾ ਹੈ ਕਿ ਇਹ ਦੇਸ਼ ਦੁਨੀਆਂ ਦਾ ਸੱਭ ਤੋਂ ਤਾਕਤਵਰ ਦੇਸ਼ ਕਿਉਂ ਹੈ। ਇਸ ਸਮੇਂ ਦੇਸ਼ ਵਿਚ ਉਹ ਅਪਣੇ ਚੋਣ ਵਾਅਦਿਆਂ ਅਨੁਸਾਰ ਸਾਰੇ ਬਿਲ ਲੈ ਕੇ ਆਏ ਤੇ ਅਪਣੇ ਲੋਕਾਂ ਨਾਲ ਕੀਤੇ ਅਪਣੇ ਵਾਅਦੇ ਪੂਰੇ ਕਰ ਵਿਖਾਏ। ਅਮਰੀਕਾ ਵਿਚ 100 ਦਿਨਾਂ ਦੌਰਾਨ ਤਕਰੀਬਨ 70 ਫ਼ੀ ਸਦੀ ਆਬਾਦੀ ਦਾ ਕੋਵਿਡ ਟੀਕਾਕਰਨ ਪੂਰਾ ਕਰ ਕੇ ਉਨ੍ਹਾਂ ਅਪਣੇ ਦੇਸ਼ ਨੂੰ ਮੁੜ ਤੋਂ ਲੀਹ ’ਤੇ ਲਿਆ ਦਿਤਾ ਹੈ। ਦੇਸ਼ ਦੇ 80 ਫ਼ੀ ਸਦੀ ਬਜ਼ੁਰਗਾਂ ਦਾ ਟੀਕਾਕਰਨ ਕਰ ਕੇ ਉਨ੍ਹਾਂ ਨੇ ਅਪਣੀ ਕਮਜ਼ੋਰ ਆਬਾਦੀ ਨੂੰ ਵੀ ਸੁਰੱਖਿਅਤ ਕਰ ਲਿਆ ਹੈ।

joe bidenjoe biden

ਇਹੀ ਨਹੀਂ ਉਨ੍ਹਾਂ ਨੇ ਅਮਰੀਕਾ ਵਿਚ ਗੰਨ ਕਲਚਰ ’ਤੇ ਕਾਬੂ ਪਾਉਣ, ਅਮੀਰਾਂ ਦਾ ਟੈਕਸ ਵਧਾਉਣ ਅਤੇ ਪਰਵਾਸੀਆਂ ਲਈ ਕਾਨੂੰਨਾਂ ਵਿਚ ਸੁਧਾਰ ਲਿਆਉਣ ਵਰਗੇ ਅਪਣੇ ਸਾਰੇ ਚੋਣ ਵਾਅਦੇ ਬਿਲਾਂ ਦੇ ਰੂਪ ਵਿਚ, ਅਮਰੀਕੀ ਸੰਸਦ ਵਿਚ ਪੇਸ਼ ਕਰ ਦਿਤੇ। ਪਰ ਸ਼ੁਰੂਆਤ ਵਿਚ ਹੀ ਉਨ੍ਹਾਂ ਨੇ ਮਹਿਲਾ ਉਪ ਰਾਸ਼ਟਰਪਤੀ ਤੇ ਮਹਿਲਾ ਸਪੀਕਰ ਨੂੰ ਸੰਬੋਧਨ ਕਰਦੇ ਆਖਿਆ ਕਿ ਉਹ ਪਹਿਲੇ ਰਾਸ਼ਟਰਪਤੀ ਹਨ ਜਿਨ੍ਹਾਂ ਨੇ ਔਰਤਾਂ ਨੂੰ ਇਨ੍ਹਾਂ ਅਹੁਦਿਆਂ ਤੇ ਸੁਸ਼ੋਭਤ ਹੋਣ ਦਾ ਮੌਕਾ ਦਿਤਾ ਹੈ।
ਕੀ ਅਸੀ ਸੋਚ ਸਕਦੇ ਹਾਂ ਕਿ ਭਾਰਤ ਵਿਚ ਵੀ ਕਦੇ ਅਜਿਹੇ ਸਿਆਸਤਦਾਨ ਆਉਣਗੇ ਜੋ ਕੁਰਸੀ ਤੇ ਬੈਠਦਿਆਂ ਹੀ ਲੋਕਾਂ ਨਾਲ ਕੀਤੇ ਅਪਣੇ ਸਾਰੇ ਵਾਅਦੇ ਪੂਰੇ ਕਰ ਵਿਖਾਉਣਗੇ ਤੇ ਇਹ ਨਹੀਂ ਕਹਿਣਗੇ ਕਿ ਉਨ੍ਹਾਂ ਨੇ ਤਾਂ ਐਵੇਂ ਜੁਮਲੇ ਸੁੱਟੇ ਸੀ? ਕੀ ਉਹ ਵੀ ਆਮ ਆਦਮੀ ਨਾਲ ਕੀਤੇ ਵਾਅਦੇ ਪੂਰੇ ਕਰਨਗੇ ਨਾਕਿ ਅਪਣੇ ਖਾਸਮ ਖਾਸ ਲੋਕਾਂ ਦੇ ਹੀ? ਇਹ ਤਾਂ ਖਾਸਮ ਖਾਸ ਦੀ ਪਰਿਭਾਸ਼ਾ ਬਦਲਣ ਵਾਲੀ ਸਿਆਸਤ ਹੈ। ਜੇ ਆਮ ਇਨਸਾਨ ਨਾਲ ਕੀਤੇ ਵਾਅਦੇ ਪੂਰੇ ਹੋ ਜਾਣ ਤਾਂ ਫਿਰ ਉਹ ਆਮ ਨਹੀਂ, ਖ਼ਾਸਮ ਖ਼ਾਸ ਹੀ ਬਣ ਗਿਆ।

Pm Narendra ModiPm Narendra Modi

ਅਮਰੀਕਾ ਦੇ ਇਨ੍ਹਾਂ ਸਿਆਸਤਦਾਨਾਂ ਵਲ ਵੇਖ ਕੇ ਹੈਰਾਨੀ ਹੁੰਦੀ ਹੈ ਕਿ ਭਾਵੇਂ ਇਹ ਵੀ ਹਨ ਤਾਂ ਇਨਸਾਨ ਹੀ ਪਰ ਇਨ੍ਹਾਂ ਵਿਚ ਅਜਿਹੀ ਸੋਚ ਕਿਸ ਤਰ੍ਹਾਂ ਪੈਦਾ ਹੋ ਜਾਂਦੀ ਹੈ? ਇਹ ਆਗੂ ਹਮਦਰਦ ਹਨ, ਦੂਰ ਅੰਦੇਸ਼ ਹਨ ਤੇ ਅਪਣੇ ਫ਼ਰਜ਼ਾਂ ’ਤੇ ਅਮਲ ਕਰਨ ਵਾਲੇ ਹਨ। ਦੁਨੀਆਂ ਦੀ ਦੂਸਰੀ ਤਾਕਤ, ਜਿਸ ਨਾਲ ਭਾਰਤ ਅਕਸਰ ਅਪਣਾ ਮੁਕਾਬਲਾ ਕਰਦਾ ਹੈ, ਉਹ ਦੇਸ਼, ਚੀਨ ਕਠੋਰ ਤੇ ਤਾਨਾਸ਼ਾਹ ਜ਼ਰੂਰ ਹੈ ਪਰ ਦੂਰ ਅੰਦੇਸ਼ੀ ਸੋਚ ਤੇ ਨੀਤੀ ਨਾਲ ਉਸ ਨੇ ਬੜੀਆਂ ਮੱਲਾਂ ਮਾਰ ਵਿਖਾਈਆਂ ਹਨ, ਖ਼ਾਸ ਕਰ ਕੇ ਅਪਣੀ ਆਰਥਕ ਤਾਕਤ ਵਧਾਉਣ ਦੇ ਮਾਮਲੇ ਵਿਚ ਅਤੇ ਅੱਜ ਉਨ੍ਹਾਂ ਦੀ ਛਾਲਾਂ ਮਾਰ ਕੇ ਵਧਦੀ ਆਬਾਦੀ ਪੰਜ ਦਹਾਕਿਆਂ ਦੀ ਮਿਹਨਤ ਤੋਂ ਬਾਅਦ ਕਾਬੂ ਹੇਠ ਆ ਗਈ ਹੈ।

Xi Jinping and Narendra ModiXi Jinping and Narendra Modi

2022 ਵਿਚ ਭਾਰਤ ਦੁਨੀਆਂ ਦਾ ਸੱਭ ਤੋਂ ਜ਼ਿਆਦਾ ਆਬਾਦੀ ਵਾਲਾ ਦੇਸ਼ ਹੋਣ ਦੀ ਸ਼ੇਖ਼ੀ ਮਾਰ ਸਕਦਾ ਹੈ। ਭਾਰਤ ਚੀਨ ਦੀ ਤਾਕਤ ਨੂੰ ਚੁਨੌਤੀ ਨਹੀਂ ਦੇ ਸਕਿਆ ਪਰ ਚੀਨ ਅਪਣੀ ਸਿਆਣਪ ਤੇ ਦੂਰ ਅੰਦੇਸ਼ੀ ਸੋਚ ਸਦਕਾ ਦੁਨੀਆਂ ਦਾ ਹੁਣ ਸੱਭ ਤੋਂ ਵੱਡਾ ਲੋਕਤੰਤਰ ਬਣ ਜਾਵੇਗਾ। ਭਾਰਤ ਦੇ ਸਿਆਸਤਦਾਨ ਇਸ ਨੂੰ ਅਪਣੀ ਸਫ਼ਲਤਾ ਦਸਣਗੇ ਜਦਕਿ ਭਾਰਤ ਵਿਚ ਅਣਐਲਾਨੀ ਗ਼ੁਲਾਮੀ ਦਾ ਕਾਰਨ ਵੀ ਇਹੀ ਹੈ। ਸਾਡਾ ਦੇਸ਼ ਜਨਸੰਖਿਆ ਪੱਖੋਂ ਅੱਗੇ ਵਧ ਰਿਹਾ ਹੈ ਪਰ ਅਪਣੀ ਆਬਾਦੀ ਦੇ ਭਾਰ ਹੇਠ ਅਸੀ ਹੇਠਾਂ ਨੂੰ ਧਸਦੇ ਜਾ ਰਹੇ ਹਾਂ। ਤੁਸੀ ਸਾਡੇ ਅਰਥ ਸ਼ਾਸਤਰੀਆਂ ਤੇ ਲੀਡਰਾਂ ਦੇ 5 ਮਿਲੀਅਨ ਵਲ ਨਾ ਵੇਖੋ, ਤੁਸੀ ਵੇਖੋ ਕਿ ਇਕ ਆਮ ਇਨਸਾਨ ਦੀ ਜੇਬ ਵਿਚ ਕੀ ਆਉਂਦਾ ਹੈ।

Joe BidenJoe Biden

ਤੁਹਾਡੀ ਆਮ ਰੋਜ਼ਾਨਾ ਜ਼ਿੰਦਗੀ ਵਿਚ ਸਰਕਾਰ ਤੁਹਾਨੂੰ ਕੀ ਸਹੂਲਤਾਂ ਦੇ ਰਹੀ ਹੈ, ਜਿਸ ਨਾਲ ਤੁਸੀ ਇਕ ਸਾਫ਼ ਵਾਤਾਵਰਣ ਵਿਚ ਰਹਿ ਸਕੇ ਅਤੇ ਜਿਥੇ ਕਾਨੂੰਨ ਤੇ ਨਿਆਂ ਵਿਕਾਊ ਨਾ ਹੋਵੇ। ਤੁਹਾਡੇ ਅਤੇ ਅਮੀਰ ਇਨਸਾਨ ਵਿਚ ਨਿਆਂ ਲੈਣ ਦੀ ਸ਼ਕਤੀ ਵਿਚ ਕੋਈ ਫ਼ਰਕ ਹੈ ਜਾਂ ਨਹੀਂ? ਕੀ ਅਮੀਰ-ਗ਼ਰੀਬ ਵਿਚ ਮੌਕਿਆਂ ਦੀ ਬਰਾਬਰੀ ਹੈ? ਕੀ ਤੁਹਾਨੂੰ ਕਿਸੇ ਸਿਆਸਤਦਾਨ ਅੰਦਰ ਦੂਰ ਅੰਦੇਸ਼ੀ ਸੋਚ ਵੀ ਨਜ਼ਰ ਆਉਂਦੀ ਹੈ? ਸਾਡੇ ਸਮਾਜ ਵਿਚ ਅਜਿਹੀਆਂ ਤਾਕਤਾਂ ਹਨ ਜੋ ਅਪਣੀਆਂ ਆਉਣ ਵਾਲੀਆਂ ਚਾਰ ਪੀੜ੍ਹੀਆਂ ਲਈ ਧਨ ਇਕੱਠਾ ਕਰ ਸਕਦੀਆਂ ਹਨ ਪਰ ਆਮ ਇਨਸਾਨ ਲਈ ਇਕ ਕਦਮ ਵੀ ਨਹੀਂ ਚੁੱਕ ਸਕਦੀਆਂ।

PM ModiPM Modi

ਇਹ ਅਜਿਹੀਆਂ ਤਾਕਤਾਂ ਹਨ ਜੋ ਆਮ ਇਨਸਾਨ ਨੂੰ ਆਕਸੀਜਨ ਦੇਣ ਦਾ ਜਿਗਰਾ ਨਹੀਂ ਰਖਦੀਆਂ ਕਿਉਂਕਿ ਇਨ੍ਹਾਂ ਅੰਦਰ ਸਿਆਸੀ ਮਤਭੇਦ ਭਾਰੂ ਹੋਏ ਪਏ ਹਨ। ਸਾਡੇ ਦੇਸ਼ ਦੇ ਸਿਆਸਤਦਾਨਾਂ ਵਿਚ ਅਸਲ ਵਿਚ ਦੇਸ਼ ਪ੍ਰੇਮ ਹੈ ਹੀ ਨਹੀਂ ਕਿਉਂਕਿ ਉਹ ਸਿਰਫ਼ ਅਪਣੇ ਆਪ ਦੀ ਚੜ੍ਹਤ ਵੇਖਣ ਦੀ ਦੌੜ ਵਿਚ ਲੱਗੇ ਹੋਏ ਹਨ। ਫਿਰ ਬਦਲਾਅ ਕਿਸ ਤਰ੍ਹਾਂ ਆਵੇਗਾ? ਇਸ ਬਾਰੇ ਚਰਚਾ ਕਰਨੀ ਬਹੁਤ ਜ਼ਰੂਰੀ ਹੈ। ਜੇ ਇਹੀ ਹਾਲ ਰਿਹਾ ਤਾਂ ਭਾਰਤ ਕਦੇ ਵੀ ਤਰੱਕੀ ਦੇ ਰਾਹ ’ਤੇ ਨਹੀਂ ਪੈ ਸਕੇਗਾ।           - ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

Navdeep Jalveda Wala Water Cannon ਗ੍ਰਿਫ਼ਤਾਰ! ਹਰਿਆਣਾ ਦੀ ਪੁਲਿਸ ਨੇ ਕੀਤੀ ਵੱਡੀ ਕਾਰਵਾਈ, ਕਿਸਾਨੀ ਅੰਦੋਲਨ ਵਿੱਚ

29 Mar 2024 4:16 PM

Simranjit Mann ਦਾ ਖੁੱਲ੍ਹਾ ਚੈਲੇਂਜ - 'ਭਾਵੇਂ ਸੁਖਪਾਲ ਖਹਿਰਾ ਹੋਵੇ ਜਾਂ ਕੋਈ ਹੋਰ, ਮੈਂ ਨਹੀਂ ਆਪਣੇ ਮੁਕਾਬਲੇ ਕਿਸੇ

29 Mar 2024 3:30 PM

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM
Advertisement