Parents With Son
ਜਿਨ੍ਹਾਂ ਨੇ ਵਿਖਾ ਲਿਆ ਸੰਸਾਰ ਵੀਰਿਉ, ਮਾਪਿਆਂ ਦਾ ਕਰੋ ਸਤਿਕਾਰ ਵੀਰਿਉ।
ਜਿਨ੍ਹਾਂ ਨੇ ਵਿਖਾ ਲਿਆ ਸੰਸਾਰ ਵੀਰਿਉ,
ਮਾਪਿਆਂ ਦਾ ਕਰੋ ਸਤਿਕਾਰ ਵੀਰਿਉ।
ਪਾਲ ਪੋਸ ਕਰ 'ਤਾ ਜਵਾਨ ਜਿਨ੍ਹਾਂ ਨੇ,
ਪੜ੍ਹਾ ਕੇ ਬਣਾਇਆ ਵਿਦਵਾਨ ਜਿਨ੍ਹਾਂ ਨੇ।
ਭੁਲਿਉ ਨਾ ਕਦੇ ਉਪਕਾਰ ਵੀਰਿਉ।
ਮਾਪਿਆਂ ਦਾ ਕਰੋ....
ਇਨ੍ਹਾਂ ਬਿਨ ਪੂਰੀ ਕਰੇ ਲੋੜ ਕੋਈ ਨਾ,
ਮਾਪਿਆਂ ਦੀ ਝੋਲੀ ਵਿਚ ਥੋੜ ਕੋਈ ਨਾ।
ਲੱਖ ਖ਼ੁਸ਼ੀਆਂ ਨੇ ਦੇਣ ਜੇ ਪਿਆਰ ਵੀਰਿਉ।
ਮਾਪਿਆਂ ਦਾ ਕਰੋ....
ਰੱਬ ਨੂੰ ਜੇ ਗੁਰਾਂ ਨੇ ਦਇਆਲ ਦਸਿਆ,
ਮਾਪਿਆਂ ਦੀ ਦੇ ਕੇ ਹੈ ਮਿਸਾਲ ਦਸਿਆ।
ਰੱਬ ਜਿਹਾ ਇਨ੍ਹਾਂ ਦਾ ਦੀਦਾਰ ਵੀਰਿਉ।
ਮਾਪਿਆਂ ਦਾ ਕਰੋ....
ਮਰਿਆਂ ਦੇ ਐਵੇਂ ਕੀ ਸ਼ਰਾਧ ਕਰਨੇ,
ਜੇ ਨਾ ਜਿਊਂਦਿਆਂ ਦੇ ਪੈਰ ਫੜਨੇ।
ਜਿਊਂਦਿਆਂ ਦੇ ਬਣੋ ਸੇਵਾਦਾਰ ਵੀਰਿਉ।
ਮਾਪਿਆਂ ਦਾ ਕਰੋ....
'ਬੇਲੀ' ਆਖੇ ਮੂਲ ਨਾ ਸਤਾਇਉ ਇਨ੍ਹਾਂ ਨੂੰ,
ਬਿਰਧ ਘਰਾਂ 'ਚ ਨਾ ਘਲਾਇਉ ਇਨ੍ਹਾਂ ਨੂੰ।
ਕਢਿਉ ਨਾ ਘਰਾਂ ਵਿਚੋਂ ਬਾਹਰ ਵੀਰਿਉ।
ਮਾਪਿਆਂ ਦਾ ਕਰੋ....
ਬਲਬੀਰ ਸਿੰਘ ਬੇਲੀ,
ਤਰਨ ਤਾਰਨ।
ਮੋਬਾਈਲ: 76863-57646
