The case of pardons: They became 'enslaved' by seeing the religious positions, the righteous hearts are on fire...
ਪੜ੍ਹ ਕੇ ਖ਼ਬਰਾਂ ਅਜੋਕੀਆਂ ਆਉਣ ਚੇਤੇ, ਬਾਬੇ ਬੁੱਲ੍ਹੇ ਦੀਆਂ ਆਖੀਆਂ ਕਾਫ਼ੀਆਂ ਜੀ...
ਅਹੁਦੇ ਧਾਰਮਕ ਦੇਖ ‘ਗ਼ੁਲਾਮ’ ਹੋਏ,
ਧਰਮੀ ਦਿਲਾਂ ’ਚ ਮਚਦੀ ਅੱਗ ਯਾਰੋ।
ਸਿਰ ’ਤੇ ਚੁਕਿਆ ਕੂੜ ਸਿਆਸਤਾਂ ਨੂੰ,
ਸੱਚ ਧਰਮ ਦੀ ਰੁਲ ਗਈ ਪੱਗ ਯਾਰੋ।
ਦੇ ਕੇ ਮਾਫ਼ੀਆਂ ਕਰੀਆਂ ਸੀ ਰੱਦ ਮੁੜ ਕੇ,
ਉਹ ਵੀ ਜਾਣਦਾ ਸਾਰਾ ਹੀ ਜੱਗ ਯਾਰੋ।
ਧਰਮਸ਼ਾਲਾ ਵਿਚ ਧਾੜਵੀ ਦੇਖ ਰਹਿੰਦੇ,
ਠਾਕਰ ਦੁਆਰੇ ਵਿਚ ਵਸਦੇ ਠੱਗ ਯਾਰੋ।
ਪੜ੍ਹ ਕੇ ਖ਼ਬਰਾਂ ਅਜੋਕੀਆਂ ਆਉਣ ਚੇਤੇ,
ਬਾਬੇ ਬੁੱਲ੍ਹੇ ਦੀਆਂ ਆਖੀਆਂ ਕਾਫ਼ੀਆਂ ਜੀ।
ਜਿਹਦੀ ਆਸ ਹੀ ਨਹੀਂ ਸੀ ਕਿਸੇ ਨੂੰ ਵੀ,
ਉਹ ਵੀ ਲੈ ਗਏ ਦੇਖ ਲਉ ਮਾਫ਼ੀਆਂ ਜੀ!
- ਤਰਲੋਚਨ ਸਿੰਘ ਦੁਪਾਲਪੁਰ।
ਮੋਬਾਈਲ : 78146-92724
