ਕਿਤਿਉਂ ਲਿਆਵੋ ਲੱਭ ਕੇ ਹੁਣ ਅਕਾਲੀ ਫੂਲਾ, ਜਿਸ ਦਾ ਹਰ ਇਕ ਫ਼ੈਸਲਾ ਸੀ ਬਾ-ਅਸੂਲਾ। ਬੜ੍ਹਕ ਜਿਸ ਦੀ ਸੁਣ ਕੇ ਰਣਜੀਤ ਸੀ ਡਰਿਆ, ਰਾਜਾ ਬਣ ਵੀ ਨਾ ਕਰ ਸਕਿਆ ਉਹ ਹੁਕਮ ਅਦੂਲਾ।

ਕਿਤਿਉਂ ਲਿਆਵੋ ਲੱਭ ਕੇ ਹੁਣ ਅਕਾਲੀ ਫੂਲਾ, ਜਿਸ ਦਾ ਹਰ ਇਕ ਫ਼ੈਸਲਾ ਸੀ ਬਾ-ਅਸੂਲਾ।
ਬੜ੍ਹਕ ਜਿਸ ਦੀ ਸੁਣ ਕੇ ਰਣਜੀਤ ਸੀ ਡਰਿਆ, ਰਾਜਾ ਬਣ ਵੀ ਨਾ ਕਰ ਸਕਿਆ ਉਹ ਹੁਕਮ ਅਦੂਲਾ।
ਨਹੀਂ ਪ੍ਰਵਾਹ ਹੁਣ ਗੁਰੂ ਦੀ, ਨਾ ਮਰਯਾਦਾ ਦੀ, ਜਥੇਦਾਰ ਬਚਾਉਂਦੇ ਫਿਰਦੇ ਸਿਰਫ਼ ਅਪਣਾ ਚੂਲ੍ਹਾ।
ਊਂਜਾਂ ਇਕ ਦੂਜੇ ’ਤੇ ਲਾਂਵਦੇ ਸਭ ਦਿਨ ਤੇ ਰਾਤੀਂ, ਸੱਚਾ ਬਣ ਬਣ ਦਸਦਾ ਹਰ ਝੂਠਾ ਝਠੂਲਾ।
ਅਕਾਲ ਤਖ਼ਤ ਦੇ ਫ਼ਤਵੇ ਹੋ ਗਏ ਹਾਸੋਹੀਣੇ, ਸਿੱਖੀ ਉੱਤੇ ਨਿੱਤ ਹੋ ਰਿਹਾ ਹਾਸਾ ਮਸ਼ਕੂਲਾ।
ਕੌਣ ਕਿਸ ਨੂੰ ਇਨਸਾਫ਼ ਦਊ ਸਮਝ ਨ੍ਹੀਂ ਆਉਂਦੀ, ਦਾਗ਼ਦਾਰ ਹਰ ਦਾਮਨ ਹੈ ਬੱਸ ਭਟਕਿਆ ਭੂਲਾ।
ਧੌਂਸਾਂ ਸਭ ਦਿਖਲਾਂਵਦੇ ਨਿੱਤ ਹੀ ਵੱਧ ਚੜ੍ਹ ਕੇ, ਹਰ ਇਕ ਦੂਜੇ ’ਤੇ ਹੋ ਰਿਹਾ ਹੈ ਅੱਗ ਬਗੂਲਾ।
ਨਜ਼ਰ ਇਨ੍ਹਾਂ ਨੂੰ ਆਂਵਦੀ ਨਹੀਂ ਹੁੰਦੀ ਹੇਠੀ, ਅਪਣੀ ਅਪਣੀ ਪੁਗਾ ਰਿਹਾ ਹਰ ਹਠੀ ਹਠੂਲਾ।
ਕਿਤਿਉਂ ਲਿਆਵੋ ਲੱਭ ਕੇ, ਹੁਣ ਅਕਾਲੀ ਫੂਲਾ, ਜਿਸ ਦਾ ਹਰ ਇਕ ਫ਼ੈਸਲਾ ਸੀ ਬਾ-ਅਸੂਲਾ।
- ਰਵਿੰਦਰ ਸਿੰਘ ਕੁੰਦਰਾ, ਕੌਵੈਂਟਰੀ ਯੂ ਕੇ, 
ਈਮੇਲ :  WWW.S9N78S128131N141.3OM