ਕਲ ਸਾਡੇ ਮੁਹੱਲੇ ਵਿਚ ਵੰਗਾਂ ਲੈ ਵਣਜਾਰਾ ਆਇਆ। ਰੰਗ-ਬਰੰਗੀਆਂ ਵੰਗਾਂ ਲੈ ਕੇ, ਅਪਣੀ ਸੋਟੀ ਉਤੇ ਸਜਾਇਆ।..........
ਕਲ ਸਾਡੇ ਮੁਹੱਲੇ ਵਿਚ ਵੰਗਾਂ ਲੈ ਵਣਜਾਰਾ ਆਇਆ।
ਰੰਗ-ਬਰੰਗੀਆਂ ਵੰਗਾਂ ਲੈ ਕੇ, ਅਪਣੀ ਸੋਟੀ ਉਤੇ ਸਜਾਇਆ।
ਆਉਂਦਿਆਂ ਹੀ ਉਸ ਨੇ ਗਲੀ ਚੁਰਸਤੇ ਡੇਰਾ ਲਾਇਆ।
ਘਰੋਂ ਨਿਕਲ ਆਈਆਂ ਔਰਤਾਂ 'ਵੰਗਾਂ ਲਉ ਵੰਗਾਂ ਲਉ' ਦਾ ਹੋਕਾ ਲਾਇਆ।
ਕਈ ਚੱਕ ਵੰਗਾਂ ਗੂਹੜੀਆਂ ਨਾਲ ਸੂਟ ਦੇ ਰੰਗ ਮਿਲਾਇਆ।
ਰੰਗ ਵੇਖਣ ਨੂੰ ਬੱਚੇ ਆਏ ਆ ਕੇ ਉਸ ਨੂੰ ਘੇਰਾ ਪਾਇਆ।
ਸੋਹਣੀਆਂ ਵੰਗਾਂ ਦੀ ਕਰ ਵਡਿਆਈ ਵਣਜਾਰੇ ਕੀਤੀ ਖ਼ੂਬ ਕਮਾਈ।
ਨਾਲ ਵੰਗਾਂ ਦੇ ਖ਼ੁਸ਼ੀਆਂ ਵੰਡਦਾ ਗਲੀ-ਗਲੀ ਵਿਚ ਫਿਰੇ ਉਹ ਭਾਈ।
'ਗੋਸਲ' ਕਹੇ ਜੋ ਖ਼ੁਸ਼ੀਆਂ ਵੰਡਦੇ ਉਨ੍ਹਾਂ ਹਿੱਸੇ ਬਰਕਤ ਆਈ।
-ਬਹਾਦਰ ਸਿੰਘ ਗੋਸਲ, ਸੰਪਰਕ : 98764-52223