File Photo
ਛੱਡ ਚੱਲੇ ਹਾਂ ਤੇਰਾ ਸ਼ਹਿਰ ਕੁੜੇ
ਛੱਡ ਚੱਲੇ ਹਾਂ ਤੇਰਾ ਸ਼ਹਿਰ ਕੁੜੇ
ਜਿੱਥੇ ਸਮਝਣ ਸਾਨੂੰ ਲੋਕੀ ਗੈਰ ਕੁੜੇ
ਅਸੀਂ ਦਿਲੋਂ ਪਿਆਰ ਬਥੇਰਾ ਕਰਦੇ ਸੀ
ਨਹੀਂ ਕਰ ਸਕਦੇ ਤੇਰੇ ਨਾਲ ਵੈਰ ਕੁੜੇ
ਏਸੇ ਹੀ ਕਰ ਕੇ ਅੜੀਏ ਨੀ
ਅਸੀਂ ਛੱਡ ਚੱਲੇ ਹਾਂ ਤੇਰਾ ਸ਼ਹਿਰ ਕੁੜੇ
ਸ਼ਹਿਰ ਤੇਰੇ ਦੀਆਂ ਹੋਈਆ ਗਰਮ ਹਵਾਵਾਂ ਨੀ
ਪਹਿਲਾਂ ਵਾਂਗ ਨਾ ਅਸਰ ਰਿਹਾ ਵਿਚ ਦੁਆਵਾਂ ਨੀ
ਮੋਹ ਜਿਹਾ ਆਉਣੋਂ ਹਟ ਗਿਆ ਏ ਉਨ੍ਹਾਂ ਥਾਵਾਂ ਦਾ
ਓਪਰੀਆਂ ਓਪਰੀਆਂ ਲਗਦੀਆ ਹੁਣ ਛਾਵਾਂ ਨੀ
ਤੇਰੇ ਬਿਨ ਜੀਣਾ ਔਖਾ ਏ ਦੇ ਜਾਹ ਜ਼ਹਿਰ ਕੁੜੇ
ਏਸੇ ਹੀ ਕਰ ਕੇ ਅੜੀਏ ਨੀ
ਅਸੀਂ ਛੱਡ ਚੱਲੇ ਹਾ ਤੇਰਾ ਸ਼ਹਿਰ ਕੁੜੇ।
ਸਾਥੋਂ ਦੂਰੀ ਪਾਉਣ ਲੱਗੇ ਸਾਡੇ ਅਪਣੇ ਨਾ ਹੁਣ ਸਾਡੇ ਮਿੱਤ ਕੁੜੇ
ਬੁਝਿਆ ਬੁਝਿਆ ਜਿਹਾ ਰਹਿੰਦਾ ਹਾਂ ਨਾ ਲਗਦਾ ਚਿੱਤ ਕੁੜੇ
ਦੀਦਾਰ ਤੇਰੇ ਸੁਪਨੇ ਦੇ ਵਿਚ 'ਸੰਧੂ ਬਲਤੇਜ' ਹੁਣ ਕਰ ਲੈਂਦਾ ਏ
ਦਿਲ 'ਚ ਤੂੰ ਨਾ ਨਿਕਲੇ ਨੀ ਕੋਈ ਅਵੱਲੀ ਜਿਹੀ ਰਹਿੰਦੀ ਖਿੱਚ ਕੁੜੇ
ਕੁੱਝ ਦਿਨਾਂ ਦਾ ਬੁਰਜ ਵਾਲਾ ਮਹਿਮਾਨ ਨੀ ਜਿੰਦੇ
ਨਬਜ਼ ਜਾਣੀ ਏ ਠਹਿਰ ਕੁੜੇ
ਏਸੇ ਹੀ ਕਰ ਕੇ ਅੜੀਏ ਨੀ
ਅਸੀਂ ਛੱਡ ਚੱਲੇ ਹਾ ਤੇਰਾ ਸ਼ਹਿਰ ਕੁੜੇ।
-ਬਲਤੇਜ ਸੰਧੂ ਬੁਰਜ, ਸੰਪਰਕ : 94658-18158
