Advertisement
  ਵਿਚਾਰ   ਕਵਿਤਾਵਾਂ  17 Oct 2020  ਜੀਣ ਦੀ ਅਦਾ

ਜੀਣ ਦੀ ਅਦਾ

ਸਪੋਕਸਮੈਨ ਸਮਾਚਾਰ ਸੇਵਾ | Edited by : ਕਮਲਜੀਤ ਕੌਰ
Published Oct 17, 2020, 9:32 am IST
Updated Oct 17, 2020, 9:32 am IST
ਆਉਂਦੀ ਏ ਮੈਨੂੰ ਜੀਣ ਦੀ ਅਦਾ
Way of living
 Way of living

ਆਉਂਦੀ ਏ ਮੈਨੂੰ ਜੀਣ ਦੀ ਅਦਾ,

ਦਿਲ ਟੁੱਟੇ ਤੇ ਵੀ ਮੁਸਕਰਾ ਹੀ ਲਵਾਂਗੀ।

ਮੇਰਾ ਫ਼ਿਕਰ ਕਰੀਂ ਨਾ, ਮੈਂ ਪਾਣੀ ਵਰਗੀ ਆਂ,

ਲੰਘਣ ਲਈ ਰਾਹ ਬਣਾ ਹੀ ਲਵਾਂਗੀ।

ਮੈਨੂੰ ਆਉਂਦੇ ਬਦਲਣੇ ਹਵਾਵਾਂ ਦੇ ਰੁਖ ਵੀ,

ਹਨੇਰੀਆਂ 'ਚ ਦੀਵਾ ਜਗਾ ਹੀ ਲਵਾਂਗੀ।

ਮੈਨੂੰ ਤੋੜੀਂ ਕੁੱਝ ਐਦਾਂ ਕਿ ਚੂਰ ਹੋ ਜਾਵਾਂ,

ਜੋੜ ਕਤਰੇ ਮੈਂ ਸਾਗਰ ਵਹਾ ਹੀ ਲਵਾਂਗੀ।

ਕੀ ਹੋਇਆ ਜੇ ਮੇਰੇ ਹਿੰਸੇ ਤਾਰੇ ਨੀ ਆਏ,

ਉਮੀਦਾਂ ਦੇ ਅੰਬਰ ਚਮਕਾ ਹੀ ਲਵਾਂਗੀ।

ਮਿਲਦੀ ਏ ਇੱਥੇ ਸਦਾ ਸੱਚ ਨੂੰ ਫਾਂਸੀ,

ਗੱਲ ਸੱਚੀ ਮੈਂ ਤਾਂ ਵੀ ਸੁਣਾ ਹੀ ਦਵਾਂਗੀ।

ਤੇਰੀ ਦੁਨੀਆਂ ਮੇਰੇ ਨਾਲ ਸਦਾ ਰੁੱਸੀ ਰਹੀ ਏ,

ਮੇਰੇ ਮੌਲਾ ਮੈਂ ਤੈਨੂੰ ਮਨਾ ਹੀ ਲਵਾਂਗੀ।

-ਸੁਖਜੀਵਨ ਕੁਲਬੀਰ ਸਿੰਘ,

ਸੰਪਰਕ : 72409-23044

Advertisement
Advertisement

 

Advertisement
Advertisement