Advertisement
  ਵਿਚਾਰ   ਕਵਿਤਾਵਾਂ  26 Oct 2020  ਕਿੰਨੇ ਦਰਦ

ਕਿੰਨੇ ਦਰਦ

ਏਜੰਸੀ
Published Oct 26, 2020, 9:21 am IST
Updated Oct 26, 2020, 9:21 am IST
ਕਿੰਨੇ ਦਰਦ ਲੁਕੋਏ ਅੰਦਰ,
File Photo
 File Photo

ਕਿੰਨੇ ਦਰਦ ਲੁਕੋਏ ਅੰਦਰ,

ਕਿੰਨੇ ਬੂਹੇ ਢੋਏ ਅੰਦਰ।

ਮਨ ਦੀ ਗੁੰਝਲ ਹਲ ਨਾ ਹੋਈ,

ਕਿੰਨੇ ਹਾਸੇ ਮੋਏ ਅੰਦਰ।

 ਬੇਕਦਰਾਂ ਲਈ ਜੂਨ ਗਵਾਈ,

 ਫਟ ਨੇ ਬਹੁਤੇ ਹੋਏ ਅੰਦਰ।

 ਹੰਝੂ ਖੁਦ ਦੇ ਪੀਣੇ ਪੈਂਦੇ,

 ਖੁਦ ਨੂੰ ਬੂਹੇ ਢੋਏ ਅੰਦਰ।

ਜਜ਼ਬਾਤਾਂ ਦਾ ਜ਼ਿਕਰ ਕਰਾਂ ਕੀ,

ਜ਼ਹਿਰ ਬੜੇ ਨੇ ਚੋਏ ਅੰਦਰ।

ਉਨ੍ਹਾਂ ਖ਼ਾਬਾਂ ਦਾ ਕੀ ਜੋ ਮੈਂ,

ਖੁਦ ਹੀ ਮਾਰ ਲੁਕੋਏ ਅੰਦਰ।

ਵੰਡ ਵੰਡ ਸੱਭ ਨੂੰ ਰਜਦੇ ਨਾ ਸੀ,

ਉਹੀ ਹਾਸੇ ਰੋਏ ਅੰਦਰ।

ਮਾਰਨ ਦੇ ਲਈ ਇਕ ਗਮ ਕਾਫ਼ੀ,

 ਕਿੰਨੇ ਆਣ ਖਲੋਏ ਅੰਦਰ।

ਦਿਲ 'ਤੇ ਲੱਗੀ ਰਾਜਨ ਜਾਣੇ,

ਕੀਕਣ ਦਰਦ ਸਮੋਏ ਅੰਦਰ ।

-ਰਾਜਨਦੀਪ ਕੌਰ ਮਾਨ, ਮੋਬਾਈਲ : 6239326166

Advertisement
Advertisement

 

Advertisement
Advertisement