ਅਧਿਆਪਕ ਹੀ ਬੱਚਿਆਂ ਦਾ, ਸਰਬਪੱਖੀ ਕਿਰਦਾਰ ਬਣਾਉਂਦੇ,

ਅਧਿਆਪਕ ਹੀ ਬੱਚਿਆਂ ਦਾ, ਸਰਬਪੱਖੀ ਕਿਰਦਾਰ ਬਣਾਉਂਦੇ,
ਮਾਪੇ ਜਨਮ ਤੇ ਪਾਲਣ ਕਰਦੇ, ਇਹ ਜੀਵਨ ਜਿਉਣਾ ਸਿਖਾਉਂਦੇ |

ਕਤੇਬ ਗ੍ਰੰਥ ਸਮੂੰਹ ਧਰਮਾਂ ਦੇ, ਰਲ ਨੇ ਗੁਰੂ ਦੀ ਮਹਿਮਾ ਗਾਉਂਦੇ,
ਰੱਬ ਵੀ ਜੇ ਖੜ੍ਹੇ ਆਣ ਬਰਾਬਰ, ਪਹਿਲਾਂ ਗੁਰੂ ਦੇ ਚਰਨੀ ਪਾਉਂਦੇ |

ਸਿਖਿਆਰਥੀ ਤੇ ਗੁਰੂ ਦਾ ਨਾਤਾ, ਅਗਾਂਹ ਸਰੀਰਾਂ ਤੋਂ ਸਮਝਾਉਂਦੇ,
ਗੁਰੂ ਵਿਚਾਰ ਗਿਆਨ ਨੂੰ ਮੰਨਣਾ, ਸੁਰਤਿ ਮਤਿ ਚੇਲਾ ਦਰਸਾਉਂਦੇ |

ਅਧਿਆਪਕ ਦੇ ਵਿਚਾਰ ਦੀ ਸਿੱਖਿਆ, ਅੰਗ ਜੀਵਨ ਜੋ ਬਣਾਉਂਦੇ,
ਨਵ-ਨਿਰਮਾਤਾ ਬਣਨ ਸਿਖਿਆਰਥੀ, ਜੱਗ ਪੂਰਾ ਨੇ ਰੁਸ਼ਨਾਉਂਦੇ |