khaan peen ; ਦਹੀਂ ਦੀ ਲੱਸੀ ਬਣਾਉਣ ਲਈ ਸੱਭ ਤੋਂ ਪਹਿਲਾਂ ਦਹੀਂ ਨੂੰ ਬਰਤਨ ਵਿਚ ਕੱਢ ਲਉ।

ਸਮੱਗਰੀ: ਦਹੀਂ-1/2 ਕਿੱਲੋ, ਖੰਡ-1/2 ਕੱਪ, ਦੁੱਧ-1 ਕੱਪ, ਕਾਜੂ - 5, ਬਦਾਮ - 5, ਟੂਟੀ ਫਰੂਟੀ-1 ਚਮਚ, ਕਰੀਮ-2 ਚਮਚ, ਬਰਫ਼ ਦੇ ਟੁਕੜੇ
ਬਣਾਉਣ ਦੀ ਵਿਧੀ: ਦਹੀਂ ਦੀ ਲੱਸੀ ਬਣਾਉਣ ਲਈ ਸੱਭ ਤੋਂ ਪਹਿਲਾਂ ਦਹੀਂ ਨੂੰ ਬਰਤਨ ਵਿਚ ਕੱਢ ਲਉ। ਜੇਕਰ ਤੁਸੀਂ ਠੰਢੀ ਦਹੀਂ ਦੀ ਲੱਸੀ ਪੀਣਾ ਚਾਹੁੰਦੇ ਹੋ ਤਾਂ ਸੱਭ ਤੋਂ ਪਹਿਲਾਂ ਦਹੀਂ ਨੂੰ ਕੁੱਝ ਦੇਰ ਲਈ ਫ਼ਰਿੱਜ ਵਿਚ ਰੱਖੋ। ਹੁਣ ਦਹੀਂ ਨੂੰ ਬਲੈਂਡਰ ਦੀ ਮਦਦ ਨਾਲ ਚੰਗੀ ਤਰ੍ਹਾਂ ਸ਼ੇਕ ਕਰੋ। ਇਸ ਤੋਂ ਬਾਅਦ ਇਸ ਵਿਚ ਚੀਨੀ ਮਿਲਾਉ ਅਤੇ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰਦੇ ਹੋਏ ਇਸ ਨੂੰ ਮਿਲਾ ਲਉ। ਦਹੀਂ ਨੂੰ ਉਦੋਂ ਤਕ ਮਿਕਸ ਕਰੋ ਜਦੋਂ ਤਕ ਇਸ ਵਿਚ ਚੀਨੀ ਪੂਰੀ ਤਰ੍ਹਾਂ ਘੁਲ ਨਹੀਂ ਜਾਂਦੀ। ਹੁਣ ਦਹੀਂ ਵਿਚ ਠੰਢਾ ਦੁੱਧ ਪਾਉ ਅਤੇ ਇਕ ਵਾਰ ਫਿਰ ਦਹੀਂ ਅਤੇ ਦੁੱਧ ਨੂੰ ਚੰਗੀ ਤਰ੍ਹਾਂ ਰਿੜਕ ਲਉ। ਇਹ ਪ੍ਰਕਿਰਿਆ ਉਦੋਂ ਤਕ ਕਰਨੀ ਪੈਂਦੀ ਹੈ ਜਦੋਂ ਤਕ ਦਹੀਂ ਪੂਰੀ ਤਰ੍ਹਾਂ ਮੁਲਾਇਮ ਨਹੀਂ ਹੋ ਜਾਂਦਾ। ਇਸ ਤੋਂ ਬਾਅਦ ਦਹੀਂ ਦੀ ਲੱਸੀ ਨੂੰ ਗਲਾਸ ਵਿਚ ਕੱਢ ਲਓ ਅਤੇ ਉਸ ਵਿਚ ਬਰਫ਼ ਦੇ ਟੁਕੜੇ ਪਾ ਦਿਉ। ਇਸ ਤੋਂ ਬਾਅਦ ਲੱਸੀ ਵਿਚ ਤਾਜ਼ੀ ਕਰੀਮ ਪਾਉ ਅਤੇ ਉਪਰ ਕੱਟੇ ਹੋਏ ਕਾਜੂ ਬਦਾਮ ਪਾ ਦਿਉ। ਤੁਹਾਡੀ ਦਹੀਂ ਦੀ ਲੱਸੀ ਬਣ ਕੇ ਤਿਆਰ ਹੈ।
ਗਰਮੀਆਂ ਵਿਚ ਘਰ ’ਚ ਹੀ ਬਣਾਉ ਦਹੀਂ ਦੀ ਲੱਸੀ