ਸੇਵਾ ਭਾਵ ਨਾਲ ਭਰਿਆ ਹੋਇਆ... ਦਰਿਆਦਿਲੀ ਦੀ ਮਿਸਾਲ ਹੈ ਸਿੱਖ ਧਰਮ ਤੇ ਇਸ ਧਰਮ 'ਤੇ ਚੱਲਣ ਵਾਲੇ ਸਮੇਂ-ਸਮੇਂ 'ਤੇ ਅਜਿਹੀਆਂ ਮਿਸਾਲਾਂ ਦਿੰਦੇ ਰਹਿੰਦੇ ਹਨ....
ਸੇਵਾ ਭਾਵ ਨਾਲ ਭਰਿਆ ਹੋਇਆ... ਦਰਿਆਦਿਲੀ ਦੀ ਮਿਸਾਲ ਹੈ ਸਿੱਖ ਧਰਮ ਤੇ ਇਸ ਧਰਮ 'ਤੇ ਚੱਲਣ ਵਾਲੇ ਸਮੇਂ-ਸਮੇਂ 'ਤੇ ਅਜਿਹੀਆਂ ਮਿਸਾਲਾਂ ਦਿੰਦੇ ਰਹਿੰਦੇ ਹਨ ਜਿਸ ਨਾਲ ਸਿੱਖੀ ਦੇ ਇਨ੍ਹਾਂ ਸਿਧਾਂਤਾਂ 'ਤੇ ਸਾਡਾ ਯਕੀਨ ਹੋਰ ਵੀ ਪੱਕਾ ਹੋ ਜਾਂਦਾ ਹੈ। ਅਜਿਹੀ ਹੀ ਇਕ ਬੇਹਤਰੀਨ ਮਿਸਲ ਪੇਸ਼ ਕਰ ਰਹੇ ਹਨ ਪੁਖਰਾਜ ਸਿੰਘ। ਜੋ ਪਿਛਲੇ 3 ਸਾਲਾਂ ਤੋਂ ਏਮਜ਼ ਦੇ ਗਰੀਬ ਮਰੀਜ਼ਾਂ ਦੀ ਮਦਦ ਲਈ ਉਨ੍ਹਾਂ ਦੀ ਉਹ ਹਰ ਜ਼ਰੂਰਤ ਪੂਰੀ ਕਰਦੇ ਹਨ ਜੋ ਵੀ ਉਨ੍ਹਾਂ ਨੂੰ ਪਤਾ ਚਲਦੀ ਹੈ।
Pukhraj Singh
ਤਾਹੀਂ ਤਾਂ ਹਰ ਹਫ਼ਤੇ ਮਰੀਜ਼ਾਂ ਦੀ ਸੁੱਧ ਲੈਣ ਪਹੁੰਚਦੇ ਪੁਖਰਾਜ ਨੂੰ ਦੇਖ ਮਰੀਜ਼ ਉਨ੍ਹਾਂ ਦੁਆਲੇ ਇਕੱਠੇ ਹੋ ਜਾਂਦੇ ਹਨ। ਕਹਿੰਦੇ ਹਨ ਕਿ ਜੇ ਕੋਈ ਤੁਹਾਨੂੰ ਹੱਸ ਕੇ ਦੇਖ ਲਵੇ ਤੇ ਤੁਹਾਨੂੰ ਘੁੱਟ ਕੇ ਜੱਫੀ ਪਾ ਲਵੇ, ਅੱਧਾ ਦੁੱਖ ਉੱਥੇ ਹੀ ਘਟ ਜਾਂਦਾ ਹੈ। ਤੇ ਅਜਿਹਾ ਹੀ ਕੁੱਝ ਪੁਖਰਾਜ ਕਰਦੇ ਹਨ। ਪੁਖਰਾਜ ਵੀ ਇਕ ਭਾਵਨਾਤਮਕ ਪੱਧਰ ਤੇ ਕੰਮ ਕਰਦੇ ਨੇ ਤੇ ਦੁੱਖ ਨੂੰ ਸਿਰਫ਼ ਸੁਣਦੇ ਹੀ ਨਹੀਂ ਉਸਨੂੰ ਵੰਡਾਉਂਦੇ ਨੇ।
Pukhraj Singh
ਇਨ੍ਹਾਂ ਤਸਵੀਰਾਂ ਵਿਚ ਤੁਸੀਂ ਹੱਸਦੇ ਗਾਉਂਦੇ ਜਿਨ੍ਹਾਂ ਨੂੰ ਵੇਖ ਰਹੇ ਹੋ ਇਹ ਕੈਂਸਰ ਨਾਲ ਪੀੜਿਤ ਮਰੀਜ਼ ਹਨ ਜੋ ਇਸ ਖੁਸ਼ੀ ਨੂੰ ਜੇ ਮਾਣ ਰਹੇ ਹਨ ਤਾਂ ਇਸ ਪਿੱਛੇ ਬਹੁਤ ਵੱਡਾ ਯੋਗਦਾਨ ਪੁਖ਼ਰਾਜ ਦਾ ਹੀ ਹੈ। ਜਿਨ੍ਹਾਂ ਨੇ ਇਨ੍ਹਾਂ ਕੈਂਸਰ ਪੀੜਿਤਾਂ ਦੀ ਖੁਸ਼ੀ ਲਈ ਇਸ ਦੀਵਾਲੀ ਮੇਲੇ ਦਾ ਪ੍ਰਬੰਧ ਕੀਤਾ ਜਿਥੇ ਇਹ ਸਾਰੇ ਖੁੱਲ ਕੇ ਨੱਚ ਸਕਣ, ਗਾ ਸਕਣ ਤੇ ਜ਼ਿੰਦਗੀ ਦੇ ਉਨ੍ਹਾਂ ਰੰਗਾਂ ਨੂੰ ਮਾਣ ਸਕਣ ਜੋ ਹਰ ਆਮ ਬੰਦਾ ਮਾਣ ਰਿਹਾ ਹੈ।
Pukhraj Singh with kids
ਤੇ ਇਸ ਤਰਾਂਹ ਦਾ ਕੋਈ ਨਾ ਕੋਈ ਪ੍ਰਬੰਧ ਇਹ ਹਰ ਕੁੱਝ ਮਹੀਨਿਆਂ ਬਾਅਦ ਕਰਦੇ ਹਨ। ਇਨ੍ਹਾਂ ਹੀ ਨਹੀਂ! ਖਾਣਾ, ਦਵਾਈਆਂ ਤੇ ਆਰਥਿਕ ਮਦਦ ਤੋਂ ਇਲਾਵਾ ਪੁਖ਼ਰਾਜ ਇਨ੍ਹਾਂ ਮਰੀਜ਼ਾਂ 'ਚ ਇਕ ਨਵੀਂ ਜਾਨ ਵੀ ਫੂਕਦੇ ਹਨ ਕਿਓਂਕਿ ਇਹ ਉਨ੍ਹਾਂ ਨੂੰ ਸਿਰਫ਼ ਸ਼ਰੀਰ ਪੱਖੋਂ ਨਹੀਂ ਬਲਕਿ ਉਨ੍ਹਾਂ ਦੇ ਮਨ ਨੂੰ ਵੀ ਸਕਾਰਾਤਮਕ ਊਰਜਾ ਨਾਲ ਭਰ ਦਿੰਦੇ ਹਨ ਤਾਂਜੋ ਉਨ੍ਹਾਂ ਦੀ ਸਹੀ ਸੋਚ ਤੇ ਹਿੰਮਤ ਵਧੇ ਤੇ ਮਰੀਜ਼ ਜਲਦੀ ਤੋਂ ਜਲਦੀ ਠੀਕ ਹੋ ਸਕੇ।
Picnic arranged for patients
ਪੁਖਰਾਜ ਕਹਿੰਦੇ ਹਨ ਕਿ ਸਿੱਖੀ ਤੋਂ ਉਹ ਇਕੋ-ਇਕ ਗੱਲ ਸਮਝਦੇ ਹਨ, ਤੇ ਉਹ ਹੈ ਸੇਵਾ। ਖ਼ੈਰ ਇਹ ਸੇਵਾ ਹੀ ਤਾਂ ਹੈ ਜੋ ਉਨ੍ਹਾਂ ਨੂੰ ਪ੍ਰੇਰਨਾ ਰੈਨ ਬਸੇਰਾ ਨਾਂ ਦੀ ਇਸ ਧਰਮਸ਼ਾਲਾ ਵਿਚ ਲੈ ਆਉਂਦੀ ਹੈ ਜਿਥੇ 300 ਗਰੀਬ ਮਰੀਜ਼ ਆਪਣੇ ਪਰਿਵਾਰ ਨਾਲ ਜ਼ਮੀਨਾਂ 'ਤੇ ਸੌਂ ਕੇ ਹੀ ਇਹ ਔਖਾ ਵਕਤ ਕੱਟ ਦੇ ਹਨ।
Picnic Fun
ਇਨ੍ਹਾਂ ਦੀ ਮਦਦ ਲਈ ਪੁਖ਼ਰਾਜ ਤਾਂ ਹਰ ਸੰਭਵ ਕੋਸ਼ਿਸ਼ ਕਰ ਹੀ ਰਹੇ ਹਨ ਤੇ ਉਹ ਚਾਹੁੰਦੇ ਹਨ ਕਿ ਉਨ੍ਹਾਂ ਨਾਲ ਹੋਰ ਵੀ ਸਾਰੇ ਲੋਕ ਵੱਧ ਤੋਂ ਵੱਧ ਜੁੜਨ ਤੇ ਇਸ ਸੇਵਾ ਵਿਚ ਆਪਣਾ ਯੋਗਦਾਨ ਦੇਣ, ਜਿਸ ਲਈ ਉਨ੍ਹਾਂ ਨੇ ਇਕ ਵਟਸਐਪ ਨੰਬਰ ਵੀ ਸਾਂਝਾ ਕੀਤਾ ਜੋ '9910075599' ਹੈ ਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਜੋ ਵੀ ਇਸ ਸੇਵਾ ਵਿਚ ਉਨ੍ਹਾਂ ਨਾਲ ਰਲਣਾ ਚਾਹੁੰਦੇ ਹਨ ਉਹ ਇਸ ਨੰਬਰ 'ਤੇ ਉਨ੍ਹਾਂ ਨਾਲ ਸੰਪਰਕ ਕਰ ਸਕਦੇ ਹਨ।
Pukhraj Singh in Dharamshala
ਖ਼ੈਰ ਸਿੱਖੀ ਦੇ ਇਹ ਪਹਿਰੇਦਾਰ ਜੋ ਅੱਜ ਵੀ ਸਿੱਖੀ ਦੇ ਸਿਧਾਂਤਾਂ ਤੇ ਫੁੱਲ ਚੜ੍ਹਾਉਂਦੇ ਹਨ ਇਨ੍ਹਾਂ ਨੂੰ ਦੇਖ ਕੇ ਯਕੀਨਨ ਹੀ ਜਿਥੇ ਇਕ ਖੁਸ਼ੀ ਮਹਿਸੂਸ ਹੁੰਦੀ ਹੈ ਓਥੇ ਹੀ ਸਮਾਜ ਨੂੰ ਇੱਕ ਵਧੀਆ ਸੇਧ ਵੀ ਮਿਲਦੀ ਹੈ ਤੇ ਅਜਿਹੀ ਸੇਧ ਮਿਲਦੀ ਰਹਿਣੀ ਚਾਹੀਦੀ ਹੈ।
