ਔਰਤ ਦਿਮਾਗੀ ਤੌਰ 'ਤੇ ਦੱਸੀ ਜਾ ਰਹੀ ਏ ਪਰੇਸ਼ਾਨ
ਮੁਕਤਸਰ ਸਾਹਿਬ- ਆਏ ਦਿਨ ਗੁਟਕਾ ਸਾਹਿਬ ਨਾਲ ਛੇਰਛਾੜ ਕਰਨ ਦੀਆਂ ਘਟਨਾਵਾਂ ਸਾਹਮਣੇ ਆਉਂਦੀਆਂ ਹੀ ਰਹਿੰਦੀਆਂ ਹਨ ਤੇ ਹੁਣ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਬੀਤੀ ਰਾਤ ਇਕ ਔਰਤ ਵਲੋਂ ਗੁਟਕਾ ਸਾਹਿਬ ਦੀ ਬੇਅਦਬੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਜਨਾਨੀ ਜੋ ਕਿ ਨਜਦੀਕੀ ਸ਼ਹਿਰ ਕੋਟਕਪੂਰਾ ਦੀ ਵਾਸੀ ਹੈ ਅਤੇ ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਕ ਸੇਵਾ ਮੁਕਤ ਅਧਿਆਪਕਾ ਹੈ।
Maninder Singh
ਇਸ ਜਨਾਨੀ ਕੋਲੋਂ 4 ਗੁਟਕਾ ਸਾਹਿਬ ਬਰਾਮਦ ਹੋਏ ਹਨ ਜਿੰਨਾਂ 'ਚੋਂ 3 ਗੁਟਕਾ ਸਾਹਿਬ ਦੀ ਬੇਅਦਬੀ ਕੀਤੀ ਗਈ ਹੈ। ਜਿਸ ਵਿਅਕਤੀ ਨੂੰ ਇਸ ਘਟਨਾ ਦਾ ਸਭ ਤੋਂ ਪਹਿਲਾਂ ਪਤਾ ਲੱਗਾ ਉਸ ਦਾ ਨਾਮ ਮਨਿੰਦਰ ਸਿੰਘ ਹੈ। ਮਨਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਔਰਤ ਕੋਲ 3 ਸੁਖਮਨੀ ਸਾਹਿਬ ਦੇ ਗੁਟਕਾ ਸਾਹਿਬ ਸਨ ਤੇ ਇਕ ਰਹਿਰਾਸ ਸਾਹਿਬ ਦਾ ਜਿਨ੍ਹਾਂ ਵਿਚੋਂ ਇਕ ਗੁਟਕਾ ਸਾਹਿਬ ਦੀ ਬੇਅਦਬੀ ਕੀਤੀ ਗਈ ਹੈ।
Sumer Singh
ਉਹਨਾਂ ਦੱਸਿਆ ਕਿ ਇਕ ਆਟੋ ਡਰਾਈਵਰ ਨੇ ਜਦੋਂ ਔਰਤ ਤੋਂ ਉਸ ਦੀ ਨੰਬਰ ਮੰਗਿਆ ਸੀ ਤਾਂ ਔਰਤ ਨੇ ਗੁਟਕਾ ਸਾਹਿਬ 'ਤੇ ਆਪਣਾ ਨੰਬਰ ਲਿਖ ਕੇ ਦਿੱਤਾ ਅਤੇ ਨਾਲ ਕੁੱਝ ਅਕਾਉਂਟ ਨੰਬਰ ਵੀ ਲਿਖੇ ਹੋਏ ਸਨ ਤੇ ਉਸ ਨੇ ਉਹੀ ਅੰਗ ਪਾੜ ਕੇ ਆਟੋ ਡਰਾਈਵਰ ਨੂੰ ਦੇ ਦਿੱਤਾ। ਮਨਿੰਦਰ ਸਿੰਘ ਨੇ ਘਟਨਾ ਦਾ ਪਤਾ ਚੱਲਣ 'ਤੇ ਤੁਰੰਤ ਸਿਟੀ ਥਾਣੇ ਨੂੰ ਇਸ ਬਾਰੇ ਦੱਸਿਆ ਤੇ ਔਰਤ ਨੂੰ ਸਿਟੀ ਥਾਣੇ ਲਿਜਾਂਦਾ ਗਿਆ ਔਰਤ ਦਾ ਨਾਮ ਸੁਖਪਾਲ ਕੌਰ ਦੱਸਿਆ ਜਾ ਰਿਹਾ ਹੈ।
ਪੁਲਿਸ ਵੱਲੋਂ ਦੱਸਿਆ ਜਾ ਰਿਹਾ ਹੈ ਕਿ ਇਹ ਔਰਤ ਦਿਮਾਗੀ ਤੌਰ 'ਤੇ ਪਰੇਸ਼ਾਨ ਦੱਸੀ ਜਾ ਰਹੀ ਹੈ ਪਰ ਮਨਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਜੋ ਵੀ ਕੋਈ ਦਿਮਾਗੀ ਤੌਰ ਤੇ ਪਰੇਸ਼ਾਨ ਹੁੰਦਾ ਹੈ ਉਹ ਹਮੇਸ਼ਾਂ ਗੁਟਕਾ ਸਾਹਿਬ ਨਾਲ ਜਾਂ ਗ੍ਰੰਥ ਸਾਹਿਬ ਨਾਲ ਹੀ ਕਿਉਂ ਛੇੜਛਾੜ ਕਰਦਾ ਹੈ ਉਹ ਆਪਣੇ ਆਪ ਨੁਕਸਾਨ ਕਿਉਂ ਨਹੀਂ ਪਹੁੰਚਾਉਂਦਾ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਤਾਂ ਇਹ ਸਾਜ਼ਿਸ਼ ਲੱਗ ਰਹੀ ਹੈ।
Disrespect of Gutka Sahib in Sri Muktsar Sahib
ਮਨਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਜੇ ਔਰਤ ਦਿਮਾਗੀ ਤੌਰ ਤੇ ਠੀਕ ਨਹੀਂ ਹੈ ਤਾਂ ਉਸ ਨੇ 60 ਸਾਲ ਨੌਕਰੀ ਕਿਵੇਂ ਕਰ ਲਈ ਤੇ ਇਸ ਲਈ ਉਹਨਾਂ ਨੂੰ ਲੱਗਦਾ ਹੈ ਕਿ ਇਹ ਸਭ ਕੁੱਝ ਸਾਜਿਸ਼ ਤਹਿਤ ਹੀ ਕਰਵਾਇਆ ਜਾਂਦਾ ਹੈ। ਸ੍ਰੀ ਦਰਬਾਰ ਸਾਹਿਬ ਦੇ ਮੈਨੇਜਰ ਸੁਮੇਰ ਸਿੰਘ ਦੇ ਬਿਆਨਾਂ ਤੇ ਇਸ ਜਨਾਨੀ ਵਿਰੁੱਧ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
