ਵੈਨਕੂਵਰ : ਖ਼ਾਲਸੇ ਦੇ ਸਾਜਨਾ ਦਿਵਸ ਨੂੰ ਸਮਰਪਿਤ ਅੱਜ ਕੈਨੇਡਾ ਦੇ ਮਹਾਂਨਗਰ ਵੈਨਕੂਵਰ ਸਥਿਤ ਗੁ. ਖ਼ਾਲਸਾ ਦੀਵਾਨ ਸੁਸਾਇਟੀ ਤੋਂ ਇਕ ਵਿਸ਼ਾਲ ਨਗਰ ਕੀਰਤਨ ਸਜਾਇਆ ਗਿਆ। ਇਸ ਮੌਕੇ ਸੱਭ ਤੋਂ ਪਹਿਲਾਂ ਅੱਜ ਸਵੇਰੇ ਮੁੱਖ ਗੰ੍ਰਥੀ ਹਰਮਿੰਦਰਪਾਲ ਸਿੰਘ ਵਲੋਂ ਅਰਦਾਸ ਕਰਨ ਉਪਰੰਤ ਬੋਲੇ ਸੋ ਨਿਹਾਲ, ਸਤਿ ਸ੍ਰੀ ਅਕਾਲ ਦੇ ਜੋਸ਼ੀਲੇ ਜੈਕਾਰਿਆਂ ਦੀ ਗੂੰਜ ਵਿਚ ਗੁਰੂ ਗ੍ਰੰਥ ਸਾਹਿਬ ਦੀ ਪਾਵਨ ਛਤਾ ਛਾਇਆ ਅਤੇ ਪੰਜ ਪਿਆਰਿਆਂ ਦੀ ਅਗਵਾਈ ਹੇਠ ਇਹ ਨਗਰ ਕੀਰਤਨ ਉਕਤ ਗੁਰੂ ਘਰ ਤੋਂ ਆਰੰਭ ਹੋਇਆ। ਜੋ ਰੈਸਟ ਸਟਰੀਟ, ਮਰੀਨ ਡਰਾਈਵ, ਮੇਨ ਸਟਰੀਟ, ਫਰੇਜ਼ਰ ਸਟਰੀਟ ਅਤੇ 57 ਐਵੀਨਿਊ ਰਾਹੀਂ ਹੁੰਦਾ ਹੋਇਆ ਵਾਪਸ ਗੁਰੂ ਘਰ ਵਿਚ ਸਮਾਪਤ ਹੋਇਆ।
Vaisakhi is a time to focus on what matters – family, friends, and coming together as neighbours & fellow Canadians – and an opportunity to recognize the remarkable contributions Sikh Canadians have made to our country. What a celebration in Vancouver today! pic.twitter.com/Hlq6d24SJo
— Justin Trudeau (@JustinTrudeau) 13 April 2019
ਅੱਜ ਮੀਂਹ ਕਾਰਨ ਖ਼ਰਾਬ ਹੋਏ ਮੌਸਮ ਦੇ ਬਾਵਜੂਦ ਵੀ ਵੱਡੀ ਗਿਣਤੀ ਵਿਚ ਸੰਗਤਾਂ ਦੇ ਇਸ ਨਗਰ ਕੀਰਤਨ ਵਿਚ ਸ਼ਾਮਲ ਠਾਠਾਂ ਮਾਰਦੇ ਸਮੁੰਦਰ ਨਾਲ ਖ਼ਾਲਸਾਈ ਮਾਹੌਲ ਵਿਚ ਸਿਰਜਿਆ ਨਜ਼ਰੀਂ ਆਇਆ, ਉਥੇ ਹੀ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਸ ਟਰੂਡੋ, ਰਖਿਆ ਮੰਤਰੀ ਹਰਜੀਤ ਸਿੰਘ ਸੱਜਣ, ਸਾਂਸਦ ਸੁੱਖ ਧਾਲੀਵਾਲ, ਸਾਂਸਦ ਰਣਦੀਪ ਸਰਾਏ ਆਦਿ ਵੀ ਸ਼ਾਮਲ ਹੋਏ। ਸੰਗਤ ਦੀ ਸਹੂਲਤ ਲਈ ਸਥਾਨਕ ਸੇਵਾਦਾਰਾਂ ਅਤੇ ਕੁੱਝ ਕਾਰੋਬਾਰੀ ਅਦਾਰਿਆਂ ਦੇ ਪਰਵਾਰਾਂ ਵਲੋਂ ਵੱਖ ਵੱਖ ਪਕਵਾਨਾਂ ਦੇ ਲੰਗਰਾਂ ਦਾ ਵੱਡੀ ਪੱਧਰ 'ਤੇ ਪ੍ਰਬੰਧ ਕੀਤਾ ਗਿਆ।
Honoured to attend #Vancouver #Vaisakhi festivities, including prayers at Ross Street Gurdwara, parade, great food and music. Thankful to Sikh community for sharing #Vaisakhi with us, celebrating values of equality, service & social justice. Vaisakhi Diyan Lakh Lakh Vadhaiyan! pic.twitter.com/JST7ep6wQs
— Todd Stone (@toddstonebc) 13 April 2019
ਉਕਤ ਗੁਰੂ ਘਰ ਦੀ ਪ੍ਰਬੰਧਕੀ ਕਮੇਟੀ ਦੇ ਪ੍ਰਧਾਨ ਮਲਕੀਤ ਸਿੰਘ ਧਾਮੀ ਅਨੁਸਾਰ ਮੀਂਹ ਦੇ ਬਾਵਜੂਦ ਵੀ ਅੱਜ ਦੇ ਨਗਰ ਕੀਰਤਨ ਵਿਚ ਸ਼ਾਮਲ ਸੰਗਤਾਂ ਦੀ ਗਿਣਤੀ ਇਕ ਲੱਖ ਦੇ ਕਰੀਬ ਹੋਣੀ ਕਿਆਸੀ ਗਈ ਹੈ।
ਖ਼ਾਲਸਾ ਸਾਜਨਾ ਦਿਵਸ ਮੌਕੇ ਉਚੇਚੇ ਤੌਰ 'ਤੇ ਵੈਨਕੂਵਰ ਪੁੱਜੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅਪਣੀ ਸੰਖੇਪ ਤਕਰੀਰ ਦੌਰਾਨ ਜਿਥੇ ਕਿ ਅੱਜ ਦੇ ਸ਼ੁਭ ਦਿਹਾੜੇ 'ਤੇ ਸਮੁੱਚੇ ਸਿੱਖ ਜਗਤ ਨੂੰ ਵਧਾਈ ਦਿਤੀ ਉਥੇ ਹੀ ਕੈਨੇਡਾ ਦੀ ਤਰੱਕੀ ਅਤੇ ਵਿਕਾਸ ਵਿਚ ਪੰਜਾਬੀਆਂ ਵਲੋਂ ਪਾਏ ਯੋਗਦਾਨ ਦੀ ਸ਼ਲਾਘਾ ਕਰਨ ਦੇ ਨਾਲ-ਨਾਲ ਅਪ੍ਰੈਲ ਮਹੀਨੇ ਨੂੰ ਸਿੱਖ ਵਿਰਾਸਤੀ ਮਹੀਨੇ ਵਜੋਂ ਮਨਾਉਣ ਦੀ ਮਾਨਤਾ ਮਿਲਣ ਦੀ ਖ਼ੁਸ਼ਖ਼ਬਰੀ ਵੀ ਸਾਂਝੀ ਕੀਤੀ। ਟਰੂਡੋ ਵਲੋਂ ਉਨ੍ਹਾਂ ਦੀ ਸਰਕਾਰ ਵਲੋਂ ਅਫ਼ਗਾਨੀ ਸਿੱਖ ਸ਼ਰਨਾਰਥੀਆਂ ਨੂੰ ਕੈਨੇਡੀਅਨ ਇਮੀਗਰੇਸ਼ਨ ਦੇਣ ਦੇ ਫ਼ੈਸਲੇ ਦਾ ਵੀ ਜ਼ਿਕਰ ਕੀਤਾ ਗਿਆ।
PM Justin Trudeau walks in Vancouver Vaisakhi parade after reference to Sikh extremism deleted https://t.co/lJ8cufkoa4 pic.twitter.com/OYgM9zOhcI
— WebsiteofEverything (@wsoeorg) 14 April 2019
ਅੱਜ ਦੇ ਨਗਰ ਕੀਰਤਨ ਵਿਚ ਸ਼ਾਮਲ ਸੰਗਤਾਂ ਦੀ ਸਹੂਲਤ ਲਈ ਭਾਵੇਂ ਕਿ ਵੱਡੀ ਗਿਣਤੀ ਵਿਚ ਕਾਰਾਂ, ਟਰੱਕ, ਜੀਪਾਂ ਅਤੇ ਹੋਰ ਵਾਹਨ ਮੌਜੂਦ ਸਨ ਪ੍ਰੰਤੂ ਇਸ ਨਗਰ ਕੀਰਤਨ ਵਿਚ ਕੁੱਝ ਪੰਜਾਬੀ ਪਰਵਾਰਾਂ ਵਲੋਂ ਅਪਣੀ ਸ਼ੌਕ ਪੂਰਤੀ ਲਈ ਪੰਜਾਬ ਤੋਂ ਮੰਗਵਾਏ ਗਏ ਟਰੈਕਟਰ ਟਰਾਲੀਆਂ ਵਿਚ ਸਵਾਰ ਸੰਗਤਾਂ ਦੀ ਭੀੜ ਦਾ ਦ੍ਰਿਸ਼ ਸੱਚਮੁੱਚ ਪੰਜਾਬ ਦੀ ਵਿਰਾਸਤੀ ਰੌਣਕ ਦਾ ਅਹਿਸਾਸ ਕਰਵਾ ਰਿਹਾ ਸੀ ਜਿਨ੍ਹਾਂ ਨੂੰ ਸੜਕਾਂ 'ਤੇ ਚਲਦਿਆਂ ਵੇਖ ਕੇ ਗ਼ੈਰ ਪੰਜਾਬੀ ਲੋਕਾਂ ਦਾ ਹੈਰਾਨ ਹੋਣਾ ਸੁਭਾਵਕ ਸੀ।
