ਕੈਲੀਫੋਰਨੀਆਂ ਰੋਜ਼ ਪਰੇਡ 'ਚ ਦਿਸੇਗੀ ਸਿੱਖ ਕੀਰਤਨ ਪਰੰਪਰਾ 
Published : Jan 2, 2019, 6:10 pm IST
Updated : Jan 2, 2019, 6:10 pm IST
SHARE ARTICLE
ਕੈਲੀਫ਼ੋਰਨੀਆ
ਕੈਲੀਫ਼ੋਰਨੀਆ

ਵਿਦੇਸ਼ਾਂ ਵਿਚ ਸਿੱਖਾਂ ਦੀ ਚੜ੍ਹਤ ਬਰਕਰਾਰ ਹੈ। ਦੱਖਣੀ ਕੈਲੀਫੋਰਨੀਆ ਦੇ ਅਮਰੀਕੀ ਸਿੱਖ ਸਮਾਜ ਦੀ ਝਾਕੀ ਨੂੰ 5 ਜਨਵਰੀ 2019 ਨੂੰ ਲਗਾਤਾਰ...

ਕੈਲੀਫੋਰਨੀਆ (ਸ.ਸ.ਸ) : ਵਿਦੇਸ਼ਾਂ ਵਿਚ ਸਿੱਖਾਂ ਦੀ ਚੜ੍ਹਤ ਬਰਕਰਾਰ ਹੈ। ਦੱਖਣੀ ਕੈਲੀਫੋਰਨੀਆ ਦੇ ਅਮਰੀਕੀ ਸਿੱਖ ਸਮਾਜ ਦੀ ਝਾਕੀ ਨੂੰ 5 ਜਨਵਰੀ 2019 ਨੂੰ ਲਗਾਤਾਰ ਪੰਜਵੀਂ ਵਾਰ ਦੇਸ਼ ਦੀ ਮਸ਼ਹੂਰ ਰੋਜ਼ ਪਰੇਡ ਵਿਚ ਸ਼ਾਮਲ ਕੀਤਾ ਜਾਵੇਗਾ। ਇਸ ਵਾਰ ਰੋਜ਼ ਪਰੇਡ ਦਾ ਵਿਸ਼ਾ ''ਮੈਲੋਡੀ ਆਫ਼ ਲਾਈਫ਼'' ਹੈ। ਸਿੱਖ ਸਮਾਜ ਵਲੋਂ ਪੇਸ਼ ਕੀਤੀ ਜਾਣ ਵਾਲੀ ਝਾਕੀ ਵਿਚ ਕੀਰਤਨ 'ਤੇ ਚਾਨਣਾ ਪਾਇਆ ਜਾਵੇਗਾ ਅਤੇ ਇਸ ਝਾਕੀ ਨੂੰ ਕਮਲ, ਗੇਂਦਾ, ਚਮੇਲੀ, ਡਾਲੀਆ ਦੇ 1 ਲੱਖ 19 ਹਜ਼ਾਰ ਵੱਖ-ਵੱਖ ਸੁਗੰਧਾਂ ਵਾਲੇ ਫੁੱਲਾਂ ਨਾਲ ਸਜਾਇਆ ਜਾਵੇਗਾ। ਲਗਾਤਾਰ ਪੰਜਵੀਂ ਵਾਰ ਇਸ ਝਾਕੀ ਦੀ ਅਗਵਾਈ ਸਿੱਖ ਕਮੇਟੀ ਦੇ ਮੈਂਬਰ ਭਜਨੀਤ ਸਿੰਘ ਕਰਨਗੇ।

ਕੈਲੀਫ਼ੋਰਨੀਆ ਕੈਲੀਫ਼ੋਰਨੀਆ

500 ਦੇ ਕਰੀਬ ਸਿੱਖ ਵਾਲੰਟੀਆਂ ਨੇ ਕੈਲੀਫੋਰਨੀਆਂ ਦੇ ਇਰਵਿੰਡੇਲ ਵਿਚ ਫਿਨਿਕਸ ਡੈਕੋਰੇਟਿੰਗ ਕੰਪਨੀ ਵਿਚ ਰੋਜ਼ ਫਲੋਟ ਲਈ ਝਾਕੀ ਦੇ ਨਿਰਮਾਣ ਵਿਚ ਮਦਦ ਕੀਤੀ। ਇਸ ਦੌਰਾਨ ਝਾਕੀ ਵਿਚ ਬਾਬਾ ਨਾਨਕ ਦੇ ਸਮੇਂ ਕੀਰਤਨ ਲਈ ਵਰਤੇ ਜਾਂਦੇ ਤੰਤੀ ਸਾਜ਼ 'ਰਬਾਬ' ਨੂੰ ਬਹੁਤ ਹੀ ਕਲਾਤਮਕ ਤਰੀਕੇ ਨਾਲ ਦਰਸਾਇਆ ਗਿਆ ਹੈ, ਜਿਸ ਦੇ ਹੇਠਾਂ ਬਹੁਤ ਹੀ ਖ਼ੂਬਸੂਰਤ ਮਖ਼ਮਲੀ ਕੱਪੜਾ ਵਿਛਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਲੱਕੜ ਦੀਆਂ ਖੜਾਵਾਂ ਨੂੰ ਵੀ ਇਸ ਝਾਕੀ ਦੌਰਾਨ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਇਸ ਸੁੰਦਰ ਝਾਕੀ ਦੇ ਪਿਛਲੇ ਪਾਸੇ ਦੋ ਵੱਡੇ-ਵੱਡੇ ਮੋਰ ਵੀ ਬਣਾਏ ਗਏ ਹਨ। 

ਕੈਲੀਫ਼ੋਰਨੀਆਕੈਲੀਫ਼ੋਰਨੀਆ

ਇਸ ਵਾਰ ਦੇ ਵਿਸ਼ੇ ਮੁਤਾਬਕ ਝਾਕੀ ਵਿਚ ਕੀਰਤਨ ਨੂੰ ਦਰਸਾਇਆ ਜਾਵੇਗਾ ਕਿਉਂਕਿ ਕੀਰਤਨ ਸਿੱਖ ਭਗਤੀ ਸੰਗੀਤ ਨੂੰ ਗਾਉਣ ਦੀ ਪਰੰਪਰਾ ਹੈ ਜੋ ਪੰਜਾਬ ਵਿਚ ਸਿੱਖ ਧਰਮ ਦੇ ਗਠਨ ਤੋਂ 500 ਸਾਲ ਪਹਿਲਾਂ ਦੀ ਹੈ। ਅੱਜ ਵੀ ਇਸ ਸੰਗੀਤ ਦਾ ਸਿੱਖ ਧਰਮ ਵਿਚ ਮੁਢਲਾ ਸਥਾਨ ਹੈ, ਜਿਸ ਨੂੰ ਵਿਸ਼ਵ ਭਰ ਦੇ ਗੁਰਦੁਆਰਾ ਸਾਹਿਬਾਨ ਵਿਚ ਸੁਣਿਆ ਜਾ ਸਕਦਾ ਹੈ। ਦਸ ਦਈਏ ਕਿ ਅਮਰੀਕਾ ਵਿਚ ਹੋਣ ਵਾਲਾ ਰੋਜ਼ ਫੈਸਟੀਵਲ 130 ਸਾਲ ਪੁਰਾਣੀ ਅਮਰੀਕੀ ਪਰੰਪਰਾ ਹੈ ਜੋ ਹਰ ਸਾਲ ਕਰੋੜਾਂ ਲੋਕਾਂ ਨੂੰ ਆਕਰਸ਼ਿਤ ਕਰਦੀ ਹੈ, ਅਤੇ ਸਿੱਖ ਸਮਾਜ ਨੂੰ ਲਗਾਤਾਰ ਪੰਜਵੀਂ ਵਾਰ ਇਸ ਫੈਸਟੀਵਲ ਦਾ ਹਿੱਸਾ ਬਣਨ ਦਾ ਮੌਕਾ ਮਿਲ ਰਿਹਾ ਹੈ। 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

LokSabhaElections2024 :ਲੋਕ ਸਭਾ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ, ਪੰਜਾਬ, ਹਰਿਆਣਾ ਸਣੇ ਪੂਰੇ ਦੇਸ਼ 'ਚ ਇਸ ਦਿਨ ਹੋਵੇ.

20 Apr 2024 2:43 PM

Mohali News: ਕਾਰ ਨੂੰ ਹਾਰਨ ਮਾਰਨ ਕਰਕੇ ਚੱਲੇ ਘਸੁੰਨ..ਪਾੜ ਦਿੱਤੀ ਟੀ-ਸ਼ਰਟ, ਦੇਖੋ ਕਿਵੇਂ ਪਿਆ ਪੰਗਾ

20 Apr 2024 11:42 AM

Pathankot News: ਬਹੁਤ ਵੱਡਾ ਹਾਦਸਾ! ਤੇਜ਼ ਹਨ੍ਹੇਰੀ ਨੇ ਤੋੜ ਦਿੱਤੇ ਬਿਜਲੀ ਦੇ ਖੰਭੇ, ਲਪੇਟ 'ਚ ਆਈ ਬੱਸ, ਦੇਖੋ ਮੌਕੇ

20 Apr 2024 11:09 AM

ਪਟਿਆਲਾ ਦੇ ਬਾਗੀ ਕਾਂਗਰਸੀਆਂ ਲਈ Dharamvir Gandhi ਦਾ ਜਵਾਬ

20 Apr 2024 10:43 AM

ਕੀ Captain Amarinder Singh ਕਰਕੇ ਨਹੀਂ ਦਿੱਤੀ ਟਕਸਾਲੀ ਕਾਂਗਰਸੀਆਂ ਨੂੰ ਟਿਕਟ?

20 Apr 2024 10:00 AM
Advertisement