ਦਮਦਮੀ ਟਕਸਾਲ ਦੇ ਬੁਲਾਰੇ ਭਾਈ ਗੁਰਨਾਮ ਸਿੰਘ ਬੰਡਾਲਾ ਨੇ ਇਕ ਮੀਟਿੰਗ ਦੌਰਾਨ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ.......
ਅੰਮ੍ਰਿਤਸਰ : ਦਮਦਮੀ ਟਕਸਾਲ ਦੇ ਬੁਲਾਰੇ ਭਾਈ ਗੁਰਨਾਮ ਸਿੰਘ ਬੰਡਾਲਾ ਨੇ ਇਕ ਮੀਟਿੰਗ ਦੌਰਾਨ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੂੰ ਪੰਥ ਨਾਲ ਧੋਖਾ ਕਰਨ ਵਾਲਾ ਸਿਆਸੀ ਲੀਡਰਾਂ ਦਾ ਚਾਪਲੂਸ ਜਥੇਦਾਰ ਦਸਿਆ ਹੈ । ਉਨਾ ਕਿਹਾ ਕਿ ਸਿੱਖ ਇਤਿਹਾਸ ਵਿਚ ਸਚਖੰਡ ਹਰਿਮੰਦਰ ਸਾਹਿਬ ਤੇ ਸੰਨ 1984 ਵਿਚ ਕੀਤਾ ਗਿਆ ਫੌਜੀ ਹਮਲਾ ਸਭ ਤੋ ਵੱਡੀ ਘਟਨਾ ਹੈ । ਬੰਡਾਲਾ ਮੁਤਾਬਕ 84 ਦੇ ਬਲਿਊ ਸਟਾਰ ਦੀ ਮਨਜੁਰੀ ਦੇਣ ਵਾਲਾ ਮੂਖ ਦੋਸ਼ੀ ਡੀ ਸੀ ਅੰਮ੍ਰਿਤਸਰ ਰਮੇਸ਼ ਇੰਦਰ ਸਿੰਘ ਗਰੇਵਾਲ ਹੈ, ਉਸ ਨੂੰ ਹਾਲੇ ਤਕ ਤਲਬ ਕਿਉਂ ਨਹੀਂ ਕੀਤਾ ਜਾ ਰਿਹਾ।
ਮਨੁੱਖਤਾ ਦਾ ਅਧਾਰ ਕਰਨ ਵਾਲੇ ਪਵਿਤਰ ਅਸਥਾਨ ਸ਼੍ਰੀ ਦਰਬਾਰ ਸਾਹਿਬ ਤੇ ਹਮਲਾ ਕਰਨ ਲਈ ਮਨਜੂਰੀ ਦੇਣ ਵਾਲਾ ਅਕਾਲੀ ਦਲ ਦੇ ਇਸ਼ਾਰੇ ਤੇ ਕੇਰਲਾ ਤੋ ਮੰਗਵਾ ਕਿ ਅੰਮ੍ਰਿਤਸਰ ਲਾਇਆ ਗਿਆ। ਉਸ ਵਕਤ ਡਿÀਟੀ ਕਰ ਰਿਹਾ ਡੀ ਸੀ ਗੁਰਦੇਵ ਸਿੰਘ ਬਰਾੜ ਗੁਰੂ ਸਿੱਖ ਸੀ। ਗੁਰੂ ਦਾ ਸਤਿਕਾਰ ਕਰਦਿਆ ਉਸ ਨੇ ਦਰਬਾਰ ਸਾਹਿਬ ਤੇ ਫੌਜੀ ਹਮਲਾ ਕਰਨ ਦੀ ਮਨਜੂਰੀ ਦੈਣ ਤੋ ਇਨਕਾਰ ਕਰ ਦਿਤਾ ਤੇ ਛੁਟੀ ਲੈ ਕੇ ਘਰ ਚਲਾ ਗਿਆ । ਬਾਦਲ ਦਾ ਰਿਸਤੇਦਾਰ ਗਰੇਵਾਲ ਡੀ ਸੀ ਅੰਮ੍ਰਿਤਸਰ ਲਾਇਆ ਗਿਆ ਉਸ ਨੇ ਅਹੁਦਾ ਸੰਭਾਲਦਿਆ ਤੁਰੰਤ ਸਿਰੀ ਦਰਬਾਰ ਸਾਹਿਬ ਤੇ ਹਮਲਾ ਕਰਨ ਦੀ ਮਨਜੂਰੀ ਦਿਤੀ ।
ਬੰਡਾਲਾ ਨੇ ਮੰਗ ਕੀਤੀ ਕਿ ਬਾਦਲਾਂ ਦੇ ਰਿਸ਼ਤੇਦਾਰ ਰਮੇਸ਼ ਇੰਦਰ ਸਿੰਘ ਖਿਲਾਫ ਜੱਥੇਦਾਰ ਅਕਾਲ ਤਖਤ ਸਾਹਿਬ ਕਾਰਵਾਈ ਕਰਕੇ ਸਿੱਖੀ ਤੋ ਖਾਰਜ ਕਰੇ । ਇਹ ਜਿਕਰਯੋਗ ਹੈ ਕਿ ਰਮੇਸ਼ ਇੰਦਰ ਸਿੰਘ ਸਾਬਕਾ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਸਰਕਾਰ ਵੇਲੇ ਪੰਜਾਬ ਦੇ ਮੁੱਖ ਸਕੱਤਰ ਵੀ ਰਹੇ ਹਨ ।