ਸੁੱਚਾ ਸਿੰਘ ਲੰਗਾਹ ਨੂੰ ਤਨਖ਼ਾਹੀਆ ਘੋਸ਼ਿਤ ਕਰਨ ਦੇ ਫ਼ੈਸਲੇ ’ਤੇ ਹਰਜੀਤ ਗਰੇਵਾਲ ਦਾ ਬਿਆਨ
Published : Nov 28, 2022, 5:12 pm IST
Updated : Nov 28, 2022, 5:12 pm IST
SHARE ARTICLE
Harjit Grewal's statement on Sucha Singh Langah
Harjit Grewal's statement on Sucha Singh Langah

ਕਿਹਾ- ਗਿਆਨੀ ਹਰਪ੍ਰੀਤ ਸਿੰਘ ਨੇ ਆਪਣੀ ਨੌਕਰੀ ਬਚਾਉਣ ਲਈ ਸਿੱਖ ਕੌਮ ਦਾ ਸਿਰ ਸ਼ਰਮ ਨਾਲ ਝੁਕਾ ਦਿੱਤਾ

 

ਚੰਡੀਗੜ੍ਹ: ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਵੱਲੋਂ ਸਾਬਕਾ ਅਕਾਲੀ ਆਗੂ ਸੁੱਚਾ ਸਿੰਘ ਲੰਗਾਹ ਨੂੰ ਤਨਖ਼ਾਹੀਆ ਘੋਸ਼ਿਤ ਕਰਨ ਦੇ ਫ਼ੈਸਲੇ ’ਤੇ ਭਾਜਪਾ ਆਗੂ ਹਰਜੀਤ ਗਰੇਵਾਲ ਦਾ ਬਿਆਨ ਸਾਹਮਣੇ ਆਇਆ ਹੈ। ਉਹਨਾਂ ਕਿਹਾ ਕਿ ਜਥੇਦਾਰ ਨੇ ਆਪਣੀ ਨੌਕਰੀ ਬਚਾਉਣ ਲਈ ਇਹ ਫ਼ੈਸਲਾ ਲਿਆ ਹੈ। ਉਹਨਾਂ ਨੂੰ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਤੋਂ ਇਹ ਉਮੀਦ ਨਹੀਂ ਸੀ। ਇਸ ਦੇ ਨਾਲ ਹੀ ਉਹਨਾਂ ਕਿਹਾ ਕਿ ਹਰਜਿੰਦਰ ਸਿੰਘ ਧਾਮੀ ਨੂੰ ਅਸਤੀਫ਼ਾ ਦੇਣਾ ਚਾਹੀਦਾ ਹੈ।

ਹਰਜੀਤ ਗਰੇਵਾਲ ਦਾ ਕਹਿਣਾ ਹੈ ਕਿ ਜਥੇਦਾਰ ਨੇ ਲੰਗਾਹ ਕੋਲੋਂ ਕਹਾਇਆ ਕਿ ਮੇਰੇ ਕੋਲੋ ਬਜਰ ਕੂਰਹਿਤ ਹੋਈ ਹੈ, ਜੇਕਰ ਸੁੱਚਾ ਸਿੰਘ ਨੇ ਬੱਜਰ ਕੂਰਹਿਤ ਕੀਤੀ ਹੈ ਤਾਂ ਜਥੇਦਾਰ ਸਾਬ੍ਹ ਅਜਿਹੇ ਇਨਸਾਨ ਨਾਲ ਜ਼ੁਬਾਨ ਸਾਂਝੀ ਕਿਉਂ ਕਰ ਰਹੇ ਸੀ? ਹਰਜੀਤ ਗਰੇਵਾਲ ਨੇ ਕਿਹਾ ਕਿ ਇਹ ਫ਼ੈਸਲਾ 4 ਜਥੇਦਾਰਾਂ ਨੇ ਲਿਆ ਹੈ, ਜੇਕਰ ਤਖ਼ਤ ਪੰਜ ਹਨ ਤਾਂ ਪੰਜ ਜਥੇਦਾਰਾਂ ਵੱਲੋਂ ਹੀ ਫ਼ੈਸਲਾ ਲਿਆ ਜਾਣਾ ਚਾਹੀਦਾ ਸੀ। ਪੰਜਵੇਂ ਜਥੇਦਾਰ ਨੂੰ ਇਸ ਲਈ ਅੰਦਰ ਨਹੀਂ ਆਉਣ ਦਿੱਤਾ ਗਿਆ ਕਿਉਂਕਿ ਉਹ ਬਾਦਲ ਪਰਿਵਾਰ ਨੂੰ ਕੁਝ ਨਹੀਂ ਮੰਨਦਾ। ਉਹਨਾਂ ਕਿਹਾ ਕਿ ਭਾਈ ਰਣਜੀਤ ਸਿੰਘ ਬਹੁਤ ਵਿਦਵਾਦ ਅਤੇ ਭਲੇ ਵਿਅਕਤੀ ਹਨ।  

ਭਾਜਪਾ ਆਗੂ ਨੇ ਸਾਬਕਾ ਡਿਪਟੀ ਸੀਐਮ ਸੁਖਜਿੰਦਰ ਰੰਧਾਵਾ ਦੇ ਉਸ ਟਵੀਟ ਦਾ ਵੀ ਸਮਰਥਨ ਕੀਤਾ ਜਿਸ ਵਿਚ ਉਹਨਾਂ ਕਿਹਾ ਸੀ ਕਿ ਹੁਣ ਸੁੱਚਾ ਸਿੰਘ ਲੰਗਾਹ ਦੇ ਅਤੀਤ ਨੂੰ ਦੇਖਦਿਆਂ ਅਤੇ ਉਸ ਦੇ ‘ਮਹਾਨ’ ਕੰਮਾਂ ਲਈ ਕੋਈ ਸਨਮਾਨਿਤ ਉਪਾਧੀ ਵੀ ਦੇ ਦੇਣੀ ਚਾਹੀਦੀ ਹੈ।

ਹਰਜੀਤ ਗਰੇਵਾਲ ਨੇ ਕਿਹਾ ਕਿ ਸਿੱਖੀ ਦੀਆਂ ਰਵਾਇਤਾਂ ਨੂੰ ਤਾਰ-ਤਾਰ ਕੀਤਾ ਜਾ ਰਿਹਾ ਹੈ ਜਦਕਿ ਖ਼ਾਲਸਾ ਜ਼ੁਲਮ ਖ਼ਿਲਾਫ਼ ਸੰਘਰਸ਼ ਕਰਦਾ ਹੈ। ਇੱਥੇ ਇਕ ਪਰਿਵਾਰ ਨੂੰ ਬਚਾਉਣ ਲਈ ਕੰਮ ਕੀਤਾ ਜਾ ਰਿਹਾ ਹੈ। ਸੁੱਚਾ ਸਿੰਘ ਲੰਗਾਹ ਨੂੰ ਮੁਆਫ਼ੀ ਇਸੇ ਲਈ ਦਿੱਤੀ ਹੈ ਕਿਉਂਕਿ ਉਹਨਾਂ ਕੋਲ ਕੋਈ ਆਗੂ ਨਹੀਂ ਬਚਿਆ। ਬਾਅਦ ਵਿਚ ਉਹਨਾਂ ਨੇ ਵਿਰੋਧ ਦਾ ਨਾਟਕ ਕਰਨ ਲਈ ਵਿਰਸਾ ਸਿੰਘ ਵਲਟੋਹਾ ਨੂੰ ਭੇਜ ਦਿੱਤਾ। ਇਹ ਸਭ ਬਾਦਲਾਂ ਨੇ ਕਰਵਾਇਆ ਹੈ। ਇਸ ਦੇ ਲਈ ਐਸਜੀਪੀਸੀ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਨੂੰ ਵੀ ਅਸਤੀਫ਼ਾ ਦੇਣਾ ਚਾਹੀਦਾ ਹੈ।  ਜਥੇਦਾਰ ਦੇ ਫ਼ੈਸਲੇ ’ਤੇ ਨਾਰਾਜ਼ਗੀ ਜਤਾਉਂਦਿਆਂ ਹਰਜੀਤ ਗਰੇਵਾਲ ਨੇ ਕਿਹਾ ਕਿ ਇਸ ਨਾਲ ਸਿੱਖ ਕੌਮ ਦਾ ਸਿਰ ਸ਼ਰਮ ਨਾਲ ਝੁਕ ਗਿਆ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਗਿਆਨੀ ਹਰਪ੍ਰੀਤ ਸਿੰਘ ਤੋਂ ਇਹ ਉਮੀਦ ਨਹੀਂ ਸੀ।

 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਬਜਟ 'ਚ ਪੰਜਾਬ ਨੂੰ ਕੀ ਮਿਲਿਆ ? ਬਿਹਾਰ ਨੂੰ ਖੁੱਲ੍ਹੇ ਗੱਫੇ, ਕਿਸਾਨ ਵੀ ਨਾ-ਖੁਸ਼, Income Tax ਦੀ ਨਵੀਂ ਪ੍ਰਣਾਲੀ ਦਾ..

24 Jul 2024 9:52 AM

ਵਿਦੇਸ਼ ਜਾਣ ਦੀ ਬਜਾਏ ਆਹ ਨੌਜਵਾਨ ਦੇਖੋ ਕਿਵੇਂ ਸੜਕ 'ਤੇ ਵੇਚ ਰਿਹਾ ਚਾਟੀ ਦੀ ਲੱਸੀ, ਕਰ ਰਿਹਾ ਚੰਗੀ ਕਮਾਈ

24 Jul 2024 9:47 AM

ਕਬਾੜ ਦਾ ਕੰਮ ਕਰਦੇ ਮਾਪੇ, ਧੀ ਨੇ ਵਿਸ਼ਵ ਪੱਧਰ ’ਤੇ ਚਮਕਾਇਆ ਭਾਰਤ ਦਾ ਨਾਮ ਚੰਡੀਗੜ੍ਹ ਦੀ ‘ਕੋਮਲ ਨਾਗਰਾ’ ਨੇ ਕੌਮਾਂਤਰੀ

24 Jul 2024 9:45 AM

? LIVE | ਗੁਰਦੁਆਰਾ ਸੀਸ ਗੰਜ ਸਾਹਿਬ ਤੋਂ ਗੁਰਬਾਣੀ ਕੀਰਤਨ ਦਾ ਸਿੱਧਾ ਪ੍ਰਸਾਰਣ | 24-07-2024

24 Jul 2024 9:40 AM

ਆਹ ਕਿਸਾਨ ਨੇ ਖੇਤ 'ਚ ਹੀ ਬਣਾ ਲਿਆ ਮਿੰਨੀ ਜੰਗਲ 92 ਤਰ੍ਹਾਂ ਦੇ ਲਾਏ ਫਲਦਾਰ ਤੇ ਹੋਰ ਬੂਟੇ ਬਾਕੀ ਇਲਾਕੇ ਨਾਲੋਂ ਇੱਥੇ...

24 Jul 2024 9:33 AM
Advertisement