ਚਾਰ ਨਕਾਬਪੋਸ਼ ਲੁਟੇਰਿਆਂ ਨੇ ਮੰਗਲਵਾਰ ਰਾਤ ਸੈਕਟਰ-33 ਦੀ ਕੋਠੀ ਵਿੱਚ ਘੁੱਸ ਕੇ ਕਰੀਬ ਡੇਢ ਕਰੋੜ ਦੀ ਜਵੈਲਰੀ ਲੁੱਟ ਲਈ ਹੈ। ਲੁਟੇਰਿਆਂ ਨੇ ਗੰਨ ਦੀ ਨੋਕ ਉੱਤੇ ਇਸ ਲੁੱਟ ਨੂੰ ਅੰਜਾਮ ਦਿੱਤਾ। ਲੁਟੇਰੇ ਸੀਸੀਟਵੀ ਦੀ ਫੁਟੇਜ ਵੀ ਨਾਲ ਲੈ ਗਏ। ਲੁੱਟ ਸਮੇਂ ਅਜਿਤ ਜੈਨ ਦੀ ਪਤਨੀ, ਬੇਟੀ ਤੇ ਨੌਕਰ ਮੌਜੂਦ ਸਨ।
ਅਜਿਤ ਦਾ ਲਾਲੜੂ ਵਿੱਚ ਕੋਲਡ ਸਟੋਰ ਸੀ ਤੇ ਵਾਰਦਾਤ ਸਮੇਂ ਉਹ ਘਰ ਤੋਂ ਬਾਹਰ ਸੀ। ਘਰ ਵਿੱਚ ਮਾਲੀ ਤੇ ਗਾਰਡ ਵੀ ਰਹਿੰਦੇ ਹਨ ਪਰ ਵਾਰਦਾਤ ਸਮੇਂ ਉਹ ਵੀ ਮੌਜੂਦ ਨਹੀਂ ਸਨ।
ਜਾਣਕਾਰੀ ਮੁਤਾਬਕ ਪੁਲਿਸ ਨੇ ਇਸ ਕੇਸ ਵਿੱਚ ਪਰਿਵਾਰ ਦੇ ਕਿਸੇ ਕਰੀਬੀ ਦਾ ਹੱਥ ਹੋਣ ਤੋਂ ਨਾਂਹ ਕੀਤੀ ਹੈ। ਪੁਲਿਸ ਦੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਚਾਰੋ ਲੁਟੇਰੇ ਕਾਲੇ ਰੰਗ ਦੀ ਸੈਂਟਰੋ ‘ਤੇ ਆਏ ਸਨ। ਜਿੰਨਾ ਨੇ ਮੰਕੀ ਟੋਪੀ ਪਾਈ ਹੋਈ ਸੀ। ਚਾਰਾਂ ਕੋਲ ਪਿਸਟਲ ਸੀ ਪਰ ਕਿਸੇ ਨੇ ਫਾਇਰ ਨਹੀਂ ਕੀਤਾ।
ਅਜਿਤ ਦੇ ਬੇਟੇ ਦੀ ਮਹੀਨਾ ਪਹਿਲਾ ਵਿਆਹ ਹੋਇਆ ਸੀ। ਉਹ ਪਤਨੀ ਨਾਲ ਹਨੀਮੂਨ ਉੱਤੇ ਗਿਆ ਹੋਇਆ ਹੈ। ਵਿਆਹ ਦੀ ਜਵੇਲਰੀ ਘਰ ਉੱਤੇ ਹੀ ਸੀ ਜਿਹੜੀ ਲੁਟੇਰੇ ਲੈ ਗਏ। ਇਸ ਦੇ ਨਾਲ ਹੀ ਮੁਲਜ਼ਮ ਘਰ ਵਿੱਚ ਮੌਜੂਦ ਸਾਰੇ ਮੋਬਾਈਲ ਫ਼ੋਨ ਵੀ ਨਾਲ ਲੈ ਗਏ।
