ਲੁਧਿਆਣਾ: ਨਸ਼ੀਲੇ ਪਦਾਰਥਾਂ ਨੂੰ ਲੈ ਕੇ ਅਫਗਾਨਿਸਤਾਨ ਵਰਗੇ ਦੇਸ਼ਾਂ ਦੇ ਹੈਰੋਇਨ ਤਸਕਰਾਂ ਨੇ ਪੰਜਾਬ 'ਚ ਲੁਧਿਆਣਾ ਵੱਲ ਰੁਖ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਲੁਧਿਆਣਾ ਪੁਲਿਸ ਕਮਿਸ਼ਨਰ ਦੇ ਅੰਕੜਿਆਂ ਅਨੁਸਾਰ, ਪਿਛਲੇ 10 ਮਹੀਨਿਆਂ ਵਿਚ ਜਿਲ੍ਹੇ 'ਚ ਕਥਿਤ ਤੌਰ 'ਤੇ ਨਸ਼ੀਲੇ ਪਦਾਰਥ ਤਸਕਰੀ ਕਰਨ ਵਾਲੇ ਦਿੱਲੀ ਵਿਚ ਰਹਿਣ ਵਾਲੇ ਜ਼ਿਆਦਾਤਰ 10 ਲੋਕ ਅਫ਼ਰੀਕਨ ਮੁਲਕਾਂ ਤੋਂ ਆਏ ਸਨ। ਹਾਲਾਂਕਿ ਦੋਸ਼ੀ ਡਰੱਗਜ਼ ਲਾਰਡਰ ਨਹੀਂ ਸਨ, ਪਰ ਉਹ ਨਸ਼ੇ ਦੀ ਹਰ ਖੇਪ ਨੂੰ ਸਪਲਾਈ ਕਰਨ ਲਈ 2 ਲੱਖ ਤੋਂ 3 ਲੱਖ ਰੁਪਏ 'ਚ ਕੰਮ ਕਰ ਰਹੇ ਸਨ। ਹਾਲ ਹੀ 'ਚ 25 ਜਨਵਰੀ ਨੂੰ ਖੰਨਾ ਪੁਲਿਸ ਨੇ ਦੋਰਾਹਾ ਨਹਿਰ 'ਤੇ ਇਕ ਚੈੱਕ ਪੋਸਟ' ਦੌਰਾਨ 1 ਕਿਲੋਗ੍ਰਾਮ ਹੈਰੋਇਨ ਸਮੇਤ ਨਾਈਜੀਰੀਆ ਦੀ ਇਕ 23 ਸਾਲ ਦੀ ਲੜਕੀ ਨੂੰ ਗ੍ਰਿਫਤਾਰ ਕੀਤਾ ਸੀ।
ਉਹ ਲੀਓ ਪਾਲਮ ਮਹਾਵੀਰ ਇੰਨਕਲੇਵ ਨਵੀਂ ਦਿੱਲੀ ਦੀ ਰਹਿਣ ਵਾਲੀ ਸੀ ਤੇ ਲੁਧਿਆਣੇ ਵਿਚ ਨਸ਼ਾ ਸਪਲਾਈ ਕਰਨ ਲਈ ਆਈ ਸੀ।
ਲੁਧਿਆਣਾ ਰੇਂਜ ਦੇ ਡਿਪਟੀ ਇੰਸਪੈਕਟਰ ਜਨਰਲ ਆਫ ਪੁਲਿਸ (ਡੀ.ਆਈ.ਜੀ) ਗੁਰਸ਼ਰਨ ਸਿੰਘ ਨੇ ਕਿਹਾ ਕਿ ਅਫਰੀਕੀ ਮੁਲਕਾਂ ਦੇ ਲੋਕ ਪੰਜਾਬ 'ਚ ਨਸ਼ਾ ਸਪਲਾਈ ਕਰਨ ਲਈ ਆ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅਸੀਂ ਉਨ੍ਹਾਂ ਮਾਸਟਰਮਾਈਂਡ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਜੋ ਉਨ੍ਹਾਂ ਨੂੰ ਕੋਰੀਅਰ ਵਜੋਂ ਵਰਤਦੇ ਹਨ।
ਲੁਧਿਆਣਾ ਦੀ ਦਿਹਾਤੀ ਪੁਲਿਸ ਨੇ ਜਾਂਚ 'ਚ ਇਕ ਅਜਿਹੇ ਮੁਲਜ਼ਮ 'ਤੇ ਸਵਾਲ ਖੜ੍ਹਾ ਕੀਤਾ ਹੈ ਜਿਸ ਦੇ ਸਿਰ ਪੰਜਾਬ ਵਿਚ ਹੈਰੋਇਨ ਦੇ ਮਾਮਲਿਆਂ ਦੀ ਵਧ ਰਹੀ ਗਿਣਤੀ ਦਾ ਸਿਹਰਾ ਦਿੱਤਾ ਹੈ।ਲੀਓ ਦੀ ਗ੍ਰਿਫਤਾਰੀ ਤੋਂ ਦੋ ਦਿਨ ਪਹਿਲਾਂ, ਯੂਗਾਂਡਾ ਦੀ ਇੱਕ ਔਰਤ ਨੂੰ ਮੱਛੀਆਂ 'ਚ 1.5 ਕਿਲੋਗ੍ਰਾਮ ਹੈਰੋਇਨ ਸਮੇਤ ਫੜਿਆ ਸੀ। ਉਸ ਨੂੰ ਜਗਰਾਉਂ ਦੇ ਨਜ਼ਦੀਕ ਨਾਨਕਸਰ ਵਿਖੇ ਗ੍ਰਿਫਤਾਰ ਕੀਤਾ ਗਿਆ ਸੀ।
ਇਸ ਤੋਂ ਇਲਾਵਾ ਨਾਈਜੀਰੀਆ ਦੇ ਮਿਕੇਲ ਚੈਰੀਟੀਅਨ ਦੇ ਸਹਿ-ਮੁਲਜ਼ਮ ਨੂੰ ਤਿੰਨ ਦਿਨ ਬਾਅਦ ਦਿੱਲੀ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਵੱਲੋਂ ਦਿੱਤੇ ਗਏ ਇਨਪੁਟ 'ਤੇ ਪੁਲਿਸ ਨੇ ਦਾਖਾ ਵਿੱਚ ਉਨ੍ਹਾਂ ਦੇ ਕਿਰਾਏ ਦੀ ਰਿਹਾਇਸ਼ ਤੋਂ ਅੱਧਾ ਕਿਲੋ ਹੈਰੋਇਨ ਜ਼ਬਤ ਕੀਤੀ।
