ਪਿਛਲੇ ਕੁਝ ਸਮੇਂ ਤੋਂ ਬਾਲੀਵੁੱਡ ਵਿੱਚ ਕਈ ਹਸਤੀਆਂ ਉੱਤੇ ਬਾਇਓਪਿਕ ਦੇਖਣ ਨੂੰ ਮਿਲ ਰਹੀਆਂ ਹਨ। ਨਾਲ ਹੀ ਇਨ੍ਹਾਂ ਫਿਲਮਾਂ ਨੂੰ ਦਰਸ਼ਕਾਂ ਦੇ ਵਿੱਚ ਖੂਬ ਪਸੰਦ ਵੀ ਕੀਤਾ ਜਾਂਦਾ ਹੈ। ਹਾਲ ਹੀ ਵਿੱਚ ਮਸ਼ਹੂਰ ਸੁਰਗਵਾਸੀ ਫ਼ਿਲਮਕਾਰ ਰਾਜ ਕਪੂਰ ਦੀ ਜਿੰਦਗੀ ਉੱਤੇ ਫਿਲਮ ਬਣਾਏ ਜਾਣ ਨੂੰ ਲੈ ਕੇ ਖਬਰਾਂ ਆ ਰਹੀਆਂ ਹਨ।
ਪਰ ਇਸ ਉੱਤੇ ਦਿੱਗਜ ਐਕਟਰ ਰਿਸ਼ੀ ਕਪੂਰ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਦੇ ਪਿਤਾ ਰਾਜ ਕਪੂਰ ਉੱਤੇ ਬਾਇਓਪਿਕ ਬਣੀ ਤਾਂ ਪਰਿਵਾਰ ਇਹ ਨਿਸਚਿਤ ਕਰੇਗਾ ਕਿ ਉਸਨੂੰ ਸਨਸਨੀਖੇਜ ਬਣਾਏ ਬਿਨ੍ਹਾਂ ਸੱਚੇ ਅਰਥਾਂ ਵਿੱਚ ਬਿਆਨ ਕੀਤਾ ਜਾਵੇ। ਰਿਸ਼ੀ ਕਪੂਰ ਨੇ ਕਿਹਾ ਕਿ, “ਮੈਂ ਸਮਝ ਸਕਦਾ ਹਾਂ ਕਿ ਅੱਜ ਦੀ ਪੀੜ੍ਹੀ ਰਾਜ ਕਪੂਰ ਦੀ ਨਿੱਜੀ ਅਤੇ ਪੇਸ਼ੇਵਰ ਜਿੰਦਗੀ ਦੇ ਬਾਰੇ ਵਿੱਚ ਜਾਣਨ ਨੂੰ ਇੱਛਕ ਹੈ ਪਰ ਜੇਕਰ ਬਾਇਓਪਿਕ ਬਣੀ ਤਾਂ ਕਹਾਣੀ ਦੇ ਨਾਲ ਪੂਰੀ ਸਾਵਧਾਨੀ ਵਰਤੀ ਜਾਵੇਗੀ।
“ਰਿਸ਼ੀ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ, “ਅਸੀ ਅਜਿਹਾ ਕੁਝ ਨਹੀਂ ਕਰਨਾ ਚਾਹੁੰਦੇ, ਜਿਸਦੇ ਨਾਲ ਫਿਲਮ ਜਗਤ ਦੇ ਕਿਸੇ ਵੀ ਪਰਿਵਾਰ ਨੂੰ ਠੇਸ ਪਹੁੰਚੇ । “ ਉਨ੍ਹਾਂ ਨੇ ਕਿਹਾ, “ਕਈ ਰਿਸ਼ਤੇ ਸਨ ਜਿਨ੍ਹਾਂ ਦੀ ਮੈਂ ਆਪਣੀ ਕਿਤਾਬ ਵਿੱਚ ਚਰਚਾ ਕੀਤਾ ਸੀ। ਤੁਸੀ ਉਸ ਤੋਂ ਕਿਸੇ ਵੀ ਤਰ੍ਹਾਂ ਇਨਕਾਰ ਨਹੀਂ ਕਰ ਸਕਦੇ, ਤਾਂ ਫਿਰ ਅਜਿਹਾ ਕਰਨਾ ਹੀ ਕਿਉਂ।
ਮੈਂ ਨਹੀਂ ਕਿਸੇ ਦੀਆਂ ਭਾਵਨਾਵਾਂ ਨੂੰ ਸੱਟ ਪਹੁੰਚਾਉਣਾ ਚਾਹੁੰਦਾ ਅਤੇ ਨਾ ਕੋਈ ਝਗੜਾ ਖੜਾ ਕਰਨਾ ਚਾਹੁੰਦਾ ਹਾਂ। ਅਸੀ ਉਸਨੂੰ ਸਨਸਨੀਖੇਜ ਨਹੀਂ ਬਣਾਉਣਾ ਚਾਹੁੰਦੇ। ਅਸੀ ਚਾਹੁੰਦੇ ਹਾਂ ਕਿ ਲੋਕ ਉਨ੍ਹਾਂ ਦੀ ਬਾਇਓਪਿਕ ਦੇ ਜ਼ਰੀਏ ਅਸਲੀ ਰਾਜ ਕਪੂਰ ਨੂੰ ਜਾਨਣ । “
