ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾ ਬਰਾੜ ਦੇ ਬੇਟੇ ਮੌਂਟੀ ਨੇ ਸਾਥੀਆਂ ਸਮੇਤ ਆਪ 'ਚ ਕੀਤੀ ਸੀ ਸਮੂਲੀਅਤ ਗਿੱਦੜਬਾਹਾ ਵਿਧਾਨ ਸਭਾ ਹਲਕੇ ਤੋਂ ਆਮ ਆਦਮੀ ਪਾਰਟੀ ਦੇ ਆਗੂ ਸੰਤ ਸਿੰਘ ਬਰਾੜ ਦੇ ਬੇਟੇ ਮੌਂਟੀ ਬਰਾੜ ਅਤੇ ਨੂੰਹ ਤੇ ਸ਼ਰਾਬ ਦੇ ਠੇਕਿਆਂ ਵਿਚ ਧੋਖਾਧੜੀ ਸਬੰਧੀ ਮਾਮਲਾ ਦਰਜ਼ ਕੀਤਾ ਗਿਆ ਹੈ। ਮਾਮਲਾ 3 ਕਰੋੜ 26 ਲੱਖ ਰੁਪਏ ਦੀ ਠੱਗੀ ਦਾ ਹੈ।
ਇਸ ਮਾਮਲੇ 'ਚ ਗਿੱਦੜਬਾਹਾ ਦੇ ਦੋ ਕਾਰੋਬਾਰੀ ਵਿਅਕਤੀ ਜੀਤ ਕੁਮਾਰ ਅਤੇ ਹਾਕਮ ਸਿੰਘ ਨੇ ਦੱਸਿਆ ਕਿ ਸ਼ਰਾਬ ਦੇ ਠੇਕਿਆਂ ਦਾ ਕਾਰੋਬਾਰ ਕਰਦੇ ਮੌਂਟੀ ਬਰਾੜ ਅਤੇ ਉਸਦੀ ਪਤਨੀ ਜਸਕਿੰਦਰ ਕੌਰ ਨੇ ਸ਼ਰਾਬ ਦੇ ਠੇਕਿਆਂ ਦੇ ਕਾਰੋਬਾਰ ਵਿਚ ਹਿੱਸਾ ਪਵਾਉਣ ਲਈ ਉਹਨਾਂ ਤੋਂ 2015 ਅਤੇ 2016 ਵਿਚ ਵੱਖ-ਵੱਖ ਸਮੇਂ ਕਰੋੜਾਂ ਰੁਪਏ ਲਏ।
ਇਹਨਾਂ ਵਿਚੋਂ ਕੁਝ ਪੈਸੇ ਹੀ ਵਾਪਿਸ ਕੀਤੇ ਗਏ ਜਦਕਿ ਕਰੀਬ 3 ਕਰੋੜ 26 ਲੱਖ ਰੁਪਏ ਅਜੇ ਤੱਕ ਉਹਨਾਂ ਨੂੰ ਵਾਪਿਸ ਨਹੀਂ ਦਿੱਤੇ ਗਏ। ਤੇ ਓਹਨਾ ਵਲੋਂ ਦਿੱਤੇ ਚੈਕ ਬਾਊਂਸ ਹੋ ਚੁੱਕੇ ਹਨ। ਪੁਲਿਸ ਪੜਤਾਲ ਅਨੁਸਾਰ ਜੀਤ ਕੁਮਾਰ ਦੇ 1 ਕਰੋੜ 80 ਲੱਖ ਰੁਪਏ ਅਤੇ ਹਾਕਮ ਸਿੰਘ ਦੇ 1 ਕਰੋੜ 46 ਲੱਖ 86 ਹਜ਼ਾਰ ਰੁਪਏ ਮੌਂਟੀ ਬਰਾੜ ਅਤੇ ਉਸਦੀ ਪਤਨੀ ਜਸਕਿੰਦਰ ਕੌਰ ਵੱਲੋਂ ਵਾਪਿਸ ਨਹੀਂ ਕੀਤੇ ਗਏ।
ਜਿਸ ਤਹਿਤ ਧੋਖਾਧੜੀ ਦਾ ਮਾਮਲਾ ਦਰਜ਼ ਕੀਤਾ ਗਿਆ ਹੈ।ਹਾਕਮ ਸਿੰਘ ਨੇ ਕਿਹਾ ਕਿ ਠੇਕਿਆਂ ਵਿਚ ਪਰਚੀ ਪਾਉਣ ਦੇ ਨਾਮ ਤੇ ਓਹਨਾ ਤੋਂ ਵੱਖ-ਵੱਖ ਸਮੇਂ ਪੈਸੇ ਲਏ ਗਏ। ਕੁਝ ਹੀ ਪੈਸੇ ਵਾਪਿਸ ਕੀਤੇ ਗਏ, ਬਾਕੀ ਪੈਸੇ ਅਜੇ ਤੱਕ ਵਾਪਸ ਨਹੀਂ ਆਏ ਜਿਸ ਕਰਕੇ ਹਾਕਮ ਸਿੰਘ ਨੇ ਮੌਂਟੀ ਬਰਾੜ ਅਤੇ ਉਸਦੀ ਪਤਨੀ ਜਸਕਿੰਦਰ ਕੌਰ ਤੇ ਠੱਗੀ ਮਾਰਨ ਦੇ ਇਲਜ਼ਾਮ ਲਾਏ ਨੇ।
ਉੱਥੇ ਈ ਜਦੋ ਇਸ ਬਾਰੇ ਐਸ.ਐਚ.ਓ. ਨਰਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾ ਓਹਨਾ ਕਿ ਦੋਵਾਂ ਪੀੜਿਤਾਂ ਦੇ ਬਿਆਨਾਂ ਤੇ ਕਾਨੂੰਨੀ ਸਲਾਹ ਮਸ਼ਵਰੇ ਉਪਰੰਤ ਮੌਂਟੀ ਬਰਾੜ ਅਤੇ ਉਸਦੀ ਪਤਨੀ ਜਸਕਿੰਦਰ ਕੌਰ ਵਿਰੁੱੱਧ ਮੁਕਦਮਾ ਦਰਜ਼ ਕਰ ਲਿਆ ਗਿਆ। ਤੇ ਮਾਮਲੇ ਦੀ ਜਾਂਚ ਕਰਕੇ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
