ਡਾਕਟਰ ਗੁਲਾਟੀ ਦੇ ਨਾਲ ਹੋਏ ਝਗੜੇ ਤੋਂ ਬਾਅਦ ਅਕਸਰ ਵਿਵਾਦਾਂ ਵਿੱਚ ਬਣੇ ਰਹਿਣ ਵਾਲੇ ਕਪਿਲ ਸ਼ਰਮਾ ਦੇ ਫੈਂਸ ਲਈ ਖੁਸ਼ਖਬਰੀ ਹੈ। ਖਬਰਾਂ ਦੇ ਅਨੁਸਾਰ ਕਪਿਲ ਸ਼ਰਮਾ ਹੁਣ ਬਿਲਕੁੱਲ ਠੀਕ ਹਨ ਅਤੇ ਉਨ੍ਹਾਂ ਦਾ ਸ਼ੋਅ ਛੇਤੀ ਸ਼ੁਰੂ ਹੋਣ ਵਾਲਾ ਹੈ। ਕਪਿਲ ਨੇ ਪਿਛਲੇ ਦਿਨੀਂ ਆਪਣੀ ਸਿਹਤ ਠੀਕ ਨਾ ਹੋਣ ਦੇ ਕਾਰਨ ਸ਼ੋਅ ਨੂੰ ਹੋਲਡ ਤੇ ਰੱਖ ਬ੍ਰੇਕ ਲੈ ਲਿਆ ਸੀ।
ਕਪਿਲ ਸ਼ਰਮਾ ਫਿਲਹਾਲ ਬੈਂਗਲੁਰੂ ਵਿੱਚ ਆਪਣਾ ਆਯੂਰਵੈਦਿਕ ਇਲਾਜ ਕਰਵਾ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਹਾਲ ਉਹ ਫਿੱਟ ਹਨ। ਕਪਿਲ ਨੇ ਮੀਡੀਆ ਨਾਲ ਗੱਲ ਬਾਤ ਦੌਰਾਨ ਕਿਹਾ ਕਿ ” ਮੈਨੂੰ ਇੱਕ ਚੰਗੇ ਕਮਬੈਕ ਦੇ ਲਈ ਆਪਣੀ ਬਾਡੀ ਨੂੰ ਠੀਕ ਕਰਨਾ ਜਰੂਰੀ ਸੀ।
ਉਮੀਦ ਹੈ ਕਿ ਮੈਂ ਸਤੰਬਰ ਦੇ ਅੰਤ ਵਿੱਚ ਮੁੰਬਈ ਵਿੱਚ ਆ ਜਾਵਾਂਗਾ। ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਜੋ ਕੁੱਝ ਵੀ ਮੇਰੇ ਜਾਂ ਮੇਰੇ ਸ਼ੋਅ ਦੇ ਬਾਰੇ ਕਿਹਾ ਜਾ ਰਿਹਾ ਹੈ ਉਹ ਗਲਤ ਹੈ। ਮੈਂ ਪਿਛਲੇ ਦੱਸ ਸਾਲ ਤੋਂ ਬਿਨ੍ਹਾਂ ਬ੍ਰੇਕ ਲਏ ਕੰਮ ਕਰ ਰਿਹਾ ਸੀ ,ਮੈਨੂੰ ਐਨਕਜ਼ਾਈਟੀ. ਬਲੱਡ ਪ੍ਰੈਸ਼ਰ, ਅਨਬੈਲੇਂਸਡ ਡਾਈਟ, ਅਤੇ ਸ਼ੂਗਰ ਵਰਗੀਆਂ ਸਮੱਸਿਆਵਾਂ ਦੇ ਨਾਲ ਨਿਪਟਣ ਦੇ ਲਈ ਮੈਡੀਕਲ ਇਲਾਜ਼ ਦੀ ਜ਼ਰੂਰਤ ਸੀ।
ਦੱਸ ਦਈਏ ਕਿ ਕਪਿਲ ਸ਼ਰਮਾ ਦੇ ਕਈ ਸਾਥੀ ਉਨ੍ਹਾਂ ਨੂੰ ਛੱਡ ਹੋਰ ਸ਼ੋਅ ਵਿੱਚ ਚਲੇ ਗਏ ਹਨ। ਨਵਜੋਤ ਸਿੰਘ ਸਿੱਧੂ ਨੇ ਵੀ ਉਨ੍ਹਾਂ ਦਾ ਸ਼ੋਅ ਛੱਡ ਦਿੱਤਾ ਸੀ। ਸੁਨੀਲ ਗਰੋਵਰ ਅਤੇ ੳਪਾਸਨਾ ਸਿੰਘ ਨਾਲ ਕਈ ਕਲਾਕਾਰ ਵੀ ਸ਼ੋਅ ਛੱਡ ਕੇ ਚਲੇ ਗਏ।
ਇਸ ਸਭ ਦੇ ਵਿੱਚ ਕਪਿਲ ਸ਼ਰਮਾ ਦੇ ਸ਼ੋਅ ਬੰਦ ਹੋਣ ਤੋਂ ਬਾਅਦ ਫਿਰ ਵਾਪਸੀ ਦੀ ਘੱਟ ਉਮੀਦ ਜਤਾਈ ਜਾ ਰਹੀ ਸੀ ਪਰ ਹੁਣ ਦੱਸਿਆ ਜਾ ਰਿਹਾ ਹੈ ਕਿ ਇਹ ਸ਼ੋਅ ਅਕਤੂਬਰ ਵਿੱਚ ਆਪਣੇ ਨਵੇਂ ਅੰਦਾਜ਼ ਵਿੱਚ ਵਾਪਸੀ ਕਰੇਗਾ। ਕਈ ਕਲਾਕਾਰਾਂ ਨੇ ਕਪਿਲ ਦੇ ਸ਼ੋਅ ਤੋਂ ਫਿਰ ਜੁੜਨ ਲਈ ਕਿਹਾ ਹੈ। ਕਪਿਲ ਆਪਣੀ ਫਿਲਮ ਫਿਰੰਗੀ ਦੀ ਸ਼ੂਟਿੰਗ ਪੂਰੀ ਕਰ ਚੁੱਕੀ ਹੈ ਅਤੇ ਹੁਣ ਉਹ ਫਿਰ ਆਪਣੇ ਸ਼ੋਅ ਤੇ ਫੋੋਕਸ ਕਰਨ ਵਾਲੇ ਹਨ।
