ਪੁਲਿਸ 'ਚ ਹੋਣ ਵਾਲੀ ਸਿਪਾਹੀ ਅਤੇ ਥਾਣੇਦਾਰ ਦੀਆਂ ਭਰਤੀਆਂ ਲਈ ਬਹੁਤ ਜਲਦੀ ਪ੍ਰਸਤਾਵ ਉਤਰ ਪ੍ਰਦੇਸ਼ ਪੁਲਿਸ ਭਰਤੀ ਅਤੇ ਪ੍ਰੋਮੋਸ਼ਨ ਬੋਰਡ ਨੂੰ ਭੇਜਿਆ ਜਾਵੇਗਾ। ਸਿਪਾਹੀ ਲਈ ਲਗਭਗ 42 ਹਜ਼ਾਰ ਅਤੇ ਥਾਣੇਦਾਰ ਦੇ 5 ਹਜ਼ਾਰ ਅਹੁਦਿਆਂ ਲਈ ਪ੍ਰੀਕਿਰਿਆ ਜਲਦੀ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਡੀ.ਜੀ.ਪੀ ਸੁਲਖਾਨ ਸਿੰਘ ਨੇ ਦੱਸਿਆ ਕਿ ਸਿਖਲਾਈ ਸਮਰੱਥਾ ਦੇ ਹਿਸਾਬ ਨਾਲ ਲਗਭਗ 42 ਹਜ਼ਾਰ ਸਿਪਾਹੀਆਂ ਦੀ ਭਰਤੀ ਲਈ ਪ੍ਰਸਤਾਵ ਵੀ ਭੇਜਿਆ ਜਾ ਰਿਹਾ ਹੈ।
ਇਸ ਦੇ ਇਲਾਵਾ 5 ਹਜ਼ਾਰ ਥਾਣੇਦਾਰ ਦੇ ਅਹੁਦੇ 'ਤੇ ਵੀ ਭਰਤੀ ਕੀਤੀ ਜਾਵੇਗੀ। ਇਸ ਦਾ ਵੀ ਪ੍ਰਸਤਾਵ ਜਲਦੀ ਬੋਰਡ ਨੂੰ ਭੇਜਿਆ ਜਾਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ 2015 'ਚ ਸ਼ੁਰੂ ਕੀਤੀ ਗਈ 35 ਹਜ਼ਾਰ ਸਿਪਾਹੀਆਂ ਦੀ ਭਰਤੀ ਪ੍ਰੀਕਿਰਿਆ ਦਾ ਮਾਮਲਾ ਕੋਰਟ 'ਚ ਬਕਾਇਆ ਹੈ। ਅਗਲੇ 5 ਸਾਲ 'ਚ ਡੇਢ ਲੱਖ ਖਾਲੀ ਅਹੁਦਿਆਂ ਨੂੰ ਭਰਨ ਦਾ ਵਾਅਦਾ ਕੋਰਟ ਨਾਲ ਕੀਤਾ ਗਿਆ ਹੈ। ਉਸੀ ਕ੍ਰਮ 'ਚ ਇਹ ਭਰਤੀ ਪ੍ਰੀਕਿਰਿਆ ਸ਼ੁਰੂ ਕੀਤੀ ਜਾ ਰਹੀ ਹੈ।
ਡੀ.ਜੀ.ਪੀ ਨੇ ਦੱਸਿਆ ਕਿ ਪਹਿਲੇ ਭਰਤੀ ਬੋਰਡ ਨੂੰ ਭੇਜੇ ਗਏ ਪ੍ਰਸਤਾਵ 'ਚ ਸੋਧ ਕੀਤਾ ਗਿਆ ਹੈ। ਪਹਿਲੇ ਜਿਥੇ 7 ਹਜ਼ਾਰ ਪੀ.ਏ.ਸੀ ਅਤੇ ਲਗਭਗ 35 ਹਜ਼ਾਰ ਨਾਗਰਿਕ ਪੁਲਿਸ ਲਈ ਪ੍ਰਸਤਾਵ ਭੇਜਿਆ ਗਿਆ ਸੀ, ਉਸ ਨੂੰ ਹੁਣ ਸੋਧ ਕਰਕੇ ਲਗਭਗ 18 ਹਜ਼ਾਰ ਪੀ.ਏ.ਸੀ ਅਤੇ ਲਗਭਗ 24 ਹਜ਼ਾਰ ਨਾਗਰਿਕ ਪੁਲਿਸ ਦੇ ਅਹੁਦਿਆਂ ਲਈ ਪ੍ਰਸਤਾਵ ਭਰਤੀ ਬੋਰਡ ਨੂੰ ਭੇਜਿਆ ਜਾ ਰਿਹਾ ਹੈ।
ਉਨ੍ਹਾਂ ਨੇ ਦੱਸਿਆ ਕਿ ਪ੍ਰੋਮੋਸ਼ਨ ਦੀ ਸਮਰੱਥਾ ਨੂੰ ਦੇਖਦੇ ਹੋਏ ਇਹ ਸੰਖਿਆ ਤੈਅ ਕੀਤੀ ਗਈ ਹੈ। ਨਾਗਰਿਕ ਪੁਲਿਸ ਦੇ ਅਹੁਦੇ 'ਤੇ ਹੋਣ ਵਾਲੀ ਭਰਤੀ ਦੇ 24 ਹਜ਼ਾਰ ਦੇ ਕੁਲ ਅਹੁਦਿਆਂ 'ਚ 20 ਫੀਸਦੀ ਮਹਿਲਾਵਾਂ ਲਈ ਰਿਜ਼ਰਵਡ ਹੋਣਗੀਆਂ ਯਾਨੀ 4800 ਮਹਿਲਾ ਸਿਪਾਹੀ ਅਤੇ 19200 ਮਰਦ ਸਿਪਾਹੀ ਦੀ ਭਰਤੀ ਹੋਵੇਗੀ। ਡੀ.ਜੀ.ਪੀ ਨੇ ਦੱਸਿਆ ਕਿ ਸਾਧਨਾਂ ਦੀ ਕਮੀ ਕਾਰਨ ਸਿਪਾਹੀਆਂ ਨੂੰ ਦੋ ਹਿੱਸਿਆਂ 'ਚ ਵੰਡ ਕੇ ਸਿਖਲਾਈ ਦਿੱਤੀ ਜਾਵੇਗੀ।
ਭਰਤੀ ਬੋਰਡ ਦੇ ਚੇਅਰਮੈਨ ਜੀ.ਪੀ ਸ਼ਰਮਾ ਨੇ ਦੱਸਿਆ ਕਿ ਪੁਲਿਸ ਕੋਰਟ ਤੋਂ ਸਿੱਧੀ ਭਰਤੀ ਲਈ ਪ੍ਰਸਤਾਵ ਮਿਲਦੇ ਹੀ ਭਰਤੀ ਪ੍ਰੀਕਿਰਿਆ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਕੋਸ਼ਿਸ਼ ਰਹੇਗੀ ਕਿ ਵਧ ਤੋਂ ਵਧ ਇਕ ਹਫਤੇ 'ਚ ਰੀਲੀਜ਼ ਕੱਢ ਕੇ ਐਪਲੀਕੇਸ਼ਨ ਮੰਗੀ ਜਾਵੇ। ਉਨ੍ਹਾਂ ਨੇ ਦੱਸਿਆ ਕਿ ਮਹਿਲਾ ਅਤੇ ਮਰਦ ਲਈ ਵੱਖ-ਵੱਖ ਰੀਲੀਜ਼ ਜਾਰੀ ਕਰਕੇ ਐਪਲੀਕੇਸ਼ਨ ਮੰਗੀ ਜਾਵੇਗੀ।
