ਰਿਲਾਇੰਸ ਜੀਓ ਦੇ ਆ ਜਾਣ ਦੇ ਬਾਅਦ ਟੈਲੀਕਾਮ ਬਾਜ਼ਾਰ ਵਿੱਚ ਡਾਟਾ ਵਾਰ ਛਿੜ ਗਿਆ ਹੈ। ਏਅਰਟੇਲ, ਆਈਡਿਆ ਸਮੇਤ ਸਾਰੀ ਵੱਡੀ ਕੰਪਨੀਆਂ ਨਵੇਂ - ਨਵੇਂ ਆਫਰ ਪੇਸ਼ ਕੀਤੇ ਹਨ। ਰਿਲਾਇੰਸ ਜੀਓ ਅਤੇ ਹੋਰ ਕੰਪਨੀਆਂ ਨੂੰ ਟੱਕਰ ਦੇਣ ਲਈ ਵੋਡਾਫੋਨ ਨੇ ਵੱਡਾ ਦਾਅ ਖੇਡਿਆ ਹੈ। ਫੇਸਟਿਵ ਸੀਜਨ ਨੂੰ ਦੇਖਦੇ ਹੋਏ ਵੋਡਾਫੋਨ ਕੰਪਨੀ ਨੇ 399 ਰੁਪਏ ‘ਚ ਨਵਾਂ ਪਲੈਨ ਸ਼ੁਰੂ ਕੀਤਾ ਜਿਹੜਾ 6 ਮਹੀਨੇ ਚੱਲੇਗਾ।
ਇਸ ਪਲੈਨ ‘ਚ 90 ਜੀਬੀ ਡੇਟਾ ਤੇ ਅਨਲਿਮਟਿਡ ਕਾਲਿੰਗ ਦਿੱਤੀ ਜਾ ਰਹੀ ਹੈ। ਉੱਥੇ ਰਿਲਾਇੰਸ ਜੀਓ, ਏਅਰਟੈਲ, ਆਈਡੀਆ ਤੇ ਬੀਐਸਐਨਲ ਵੀ ਆਪਣੇ ਗਾਹਕਾਂ ਨੂੰ ਬੈਕ-ਟੂ-ਬੈਕ ਨਵੇਂ ਆਫਰ ਦੇ ਰਹੀਆਂ ਹਨ। ਅਜਿਹੇ ‘ਚ ਨਵਾਂ ਪਲੈਨ ਯੂਜ਼ਰ ਲਈ ਵੱਡਾ ਧਮਾਕਾ ਸਾਬਤ ਹੋ ਸਕਦਾ ਹੈ ਕਿਉਂਕਿ ਇਹ ਜ਼ਿਆਦਾ ਡੇਟਾ ਤੇ 180 ਦਿਨਾਂ ਦੀ ਵੈਲਿਡਿਟੀ ਦੇ ਨਾਲ ਹੈ।
ਜੇਕਰ ਰਿਲਾਇੰਸ ਜੀਓ ਦੇ 399 ਰੁਪਏ ਦੇ ਪਲੈਨ ਦੀ ਗੱਲ ਕਰੀਏ ਤਾਂ ਇਹ ਆਪਣੇ ਪ੍ਰਾਈਮ ਯੂਜ਼ਰ ਨੂੰ 399 ਰੁਪਏ ‘ਚ 84 ਜੀਬੀ ਡੇਟਾ ਤੇ ਅਨਲਿਮਟਿਡ ਕਾਲਿੰਗ ਦੇ ਰਿਹਾ ਹੈ। ਇਹ ਡੇਟਾ ਹਰ ਦਿਨ 1 ਜੀਬੀ ਦੇ ਤੌਰ ‘ਤੇ ਮਿਲੇਗਾ। ਖਾਸ ਗੱਲ ਇਹ ਹੈ ਕਿ ਜੀਓ ਨੇ ਆਪਣੇ ਦੀਵਾਲੀ ਧਨਾ-ਧਨ ਆਫਰ ‘ਚ 399 ਰੁਪਏ ਦਾ ਰੀਚਾਜਰਜ ‘ਤੇ 100 ਫੀਸਦੀ ਕੈਸ਼ਬੈਕ ਦੀ ਆਫਰ ਵੀ ਦਿੱਤੀ ਹੈ।
ਏਅਰਟੈਲ ਆਪਣੇ 399 ਰੁਪਏ ਦੇ ਪਲੈਨ ‘ਚ 4ਜੀ ਸਮਾਰਟਫੋਨ ਯੂਜ਼ਰ ਨੂੰ ਇੱਕ ਜੀਬੀ ਡੇਟਾ ਹਰ ਦਿਨ ਦੇਵੇਗਾ। ਇਹ ਪਲੈਨ 28 ਦਿਨ ਵੈਲਿਡ ਰਹੇਗਾ। ਖਾਸ ਗੱਲ ਇਹ ਹੈ ਕਿ ਵੋਡਾਫੋਨ ਦਾ ਇਹ ਨਵਾਂ ਪਲੈਨ ਜੀਓ ਤੇ ਏਅਰਟੈਲ ਤੋਂ ਜ਼ਿਆਦਾ ਆਪਣੇ ਗਾਹਕਾਂ ਨੂੰ ਦੇ ਰਿਹਾ ਹੈ। 399 ਰੁਪਏ ‘ਚ ਵੋਡਾਫੋਨ ਜੀਓ ਤੋਂ ਵੀ ਜ਼ਿਆਦਾ ਡਾਟਾ ਤੇ 6 ਮਹੀਨੇ ਦੀ ਵੈਲੀਡਿਟੀ ਵੀ ਦੇ ਰਿਹਾ ਹੈ।
