ਸੁਸ਼ਾਂਤ ਸਿੰਘ ਸੁਸਾਈਡ ਕੇਸ ਵਿਚ ਬਾਂਦਰਾ ਪੁਲਿਸ ਹਰ ਪਹਿਲੂ ਦੀ ਜਾਂਚ ਕਰ ਰਹੀ ਹੈ।
ਨਵੀਂ ਦਿੱਲੀ: ਸੁਸ਼ਾਂਤ ਸਿੰਘ ਸੁਸਾਈਡ ਕੇਸ ਵਿਚ ਬਾਂਦਰਾ ਪੁਲਿਸ ਹਰ ਪਹਿਲੂ ਦੀ ਜਾਂਚ ਕਰ ਰਹੀ ਹੈ। ਸੁਸ਼ਾਂਤ ਦੀ ਖੁਦਕੁਸ਼ੀ ਦਾ ਕਾਰਨ ਪਤਾ ਲਗਾਉਣ ਲਈ ਕਈ ਲੋਕਾਂ ਕੋਲੋਂ ਪੁੱਛਗਿੱਛ ਜਾਰੀ ਹੈ। ਹੁਣ ਬਾਂਦਰਾ ਪੁਲਿਸ ਨੇ ਇਸ ਮਾਮਲੇ ਵਿਚ ਫਿਲਮ ਡਾਇਰੈਕਟਰ ਸੰਜੇ ਲੀਲਾ ਭੰਸਾਲੀ ਨੂੰ ਸੰਮਨ ਭੇਜਿਆ ਹੈ। ਭੰਸਾਲੀ ਨੂੰ ਪੁਲਿਸ ਨੇ ਸੁਸ਼ਾਂਤ ਸਿੰਘ ਮਾਮਲੇ ਵਿਚ ਪੁੱਛਗਿੱਛ ਲਈ ਬੁਲਾਇਆ ਹੈ।
Sushant Singh Rajput
ਸੁਸ਼ਾਂਤ ਨੂੰ ਲੈ ਕੇ ਫਿਲਮ ਅਲੋਚਕ ਸੁਭਾਸ਼ ਕੇ ਝਾਅ ਨੇ ਖੁਲਾਸਾ ਕੀਤਾ ਸੀ ਕਿ ਅਦਾਕਾਰ ਨੂੰ ਸੰਜੇ ਲੀਲਾ ਭੰਸਾਲੀ ਨੇ ਅਪਣੀਆਂ ਤਿੰਨ ਫਿਲਮਾਂ ਲਈ ਅਪਰੋਚ ਕੀਤਾ , ਜਿਨ੍ਹਾਂ ਵਿਚ ਬਾਜੀਰਾਓ ਮਸਤਾਨੀ, ਗੋਲੀਓਂ ਕੀ ਰਾਸਲੀਲਾ ਅਤੇ ਪਦਮਾਵਤ ਸ਼ਾਮਲ ਸਨ। ਸੁਭਾਸ਼ ਝਾਅ ਨੇ ਦੱਸਿਆ ਕਿ ਜਦੋਂ ਸੁਸ਼ਾਂਤ ਸਿੰਘ ਫਿਲਮ ਪਾਨੀ ਦੀ ਤਿਆਰੀ ਕਰ ਰਹੇ ਸੀ ਅਤੇ ਉਹ ਨਹੀਂ ਬਣੀ ਤਾਂ ਉਹਨਾਂ ਨੂੰ ਬਾਜੀਰਾਓ ਮਸਤਾਨੀ ਆਫਰ ਕੀਤੀ ਗਈ ਸੀ।
Sanjay Leela Bhansali
ਉਹਨਾਂ ਦੱਸਿਆ ‘ਪਰ ਸੁਸ਼ਾਂਤ ਇਸ ਫਿਲਮ ਨੂੰ ਨਹੀਂ ਕਰ ਸਕੇ। ਫਿਰ ਸੰਜੇ ਲੀਲਾ ਭੰਸਾਲੀ ਨੇ ਉਹਨਾਂ ਨੂੰ ਗੋਲੀਓਂ ਦੀ ਰਾਸਲੀਲਾ ਰਾਮ ਲੀਲਾ ਅਤੇ ਬਾਅਦ ਵਿਚ ਪਦਮਾਵਤ ਵਿਚ ਵੀ ਰੋਲ ਆਫਰ ਕੀਤਾ ਸੀ। ਅੱਜ ਦੇ ਸਮੇਂ ਵਿਚ ਸੰਜੇ ਲੀਲਾ ਭੰਸਾਲੀ ਸਭ ਤੋਂ ਵੱਡੇ ਡਾਇਰੈਕਟਰ ਹਨ ਅਤੇ ਉਹਨਾਂ ਦੀਆਂ ਤਿੰਨ ਫਿਲਮਾਂ ਨੂੰ ਸੁਸ਼ਾਂਤ ਮਨਜ਼ੂਰ ਨਹੀਂ ਕਰ ਪਾਏ’।
Sushant Singh Rajput
ਸੰਜੇ ਲੀਲਾ ਭੰਸਾਲੀ ਤੋਂ ਇਲਾਵਾ ਜਰਨਲਿਸਟ ਵਿੱਕੀ ਲਲਵਾਨੀ, ਜੋ ਕਿ ਐਂਟਰਟੇਨਮੈਂਟ ਨਿਊਜ਼ ਪੋਰਟਲ ਦੇ ਐਡੀਟਰ ਹਨ, ਉਹਨਾਂ ਨੂੰ ਵੀ ਬਾਂਦਰਾ ਪੁਲਿਸ ਨੇ ਪੁੱਛਗਿੱਛ ਲਈ ਬੁਲਾਇਆ ਹੈ। ਉਹਨਾਂ ਕੋਲੋਂ ਵੀ ਇਸ ਮਾਮਲੇ ਵਿਚ ਪੁੱਛਗਿੱਛ ਕੀਤੀ ਜਾਵੇਗੀ।
