Advertisement
  ਮਨੋਰੰਜਨ   ਬਾਲੀਵੁੱਡ  04 Jun 2019  21 ਜੂਨ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੇਗੀ ਗੁਲਜ਼ਾਰ ਚਾਹਲ ਦੀ ਇਹ ਹਾਲੀਵੁੱਡ ਫ਼ਿਲਮ

21 ਜੂਨ ਨੂੰ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੇਗੀ ਗੁਲਜ਼ਾਰ ਚਾਹਲ ਦੀ ਇਹ ਹਾਲੀਵੁੱਡ ਫ਼ਿਲਮ

ਸਪੋਕਸਮੈਨ ਸਮਾਚਾਰ ਸੇਵਾ
Published Jun 4, 2019, 5:34 pm IST
Updated Jun 4, 2019, 5:58 pm IST
'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫ਼ਕੀਰ' ਭਾਰਤ, ਸੰਯੁਕਤ ਰਾਜ ਅਮਰੀਕਾ, ਯੂਕੇ, ਸਿੰਗਾਪੁਰ ਸਮੇਤ 163 ਦੇਸ਼ਾਂ ਵਿਚ 21 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। 
Gulzar Chahal
 Gulzar Chahal

ਫਿਲਮ ਨਿਰਮਾਤਾ ਕੰਪਨੀ ਐਮ ਕੈਪੀਟਲ ਵੈਂਚਰਜ਼ (M! Capital Ventures) ਵੱਲੋਂ ਬਣਾਈ ਗਈ ਫ਼ਿਲਮ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫ਼ਕੀਰ' (The Extraordinary Journey Of The Fakir) ਭਾਰਤ, ਸੰਯੁਕਤ ਰਾਜ ਅਮਰੀਕਾ, ਯੂਕੇ, ਸਿੰਗਾਪੁਰ ਸਮੇਤ 163 ਦੇਸ਼ਾਂ ਵਿਚ 21 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਐਮ ਕੈਪੀਟਲਜ਼ ਵੈਂਚਰ ਕੰਪਨੀ ਦੇ ਮਾਲਕ ਗੁਲਜ਼ਾਰ ਇੰਦਰ ਚਾਹਲ ਅਤੇ ਸੌਰਵ ਗੁਪਤਾ ਹਨ। ਇਸ ਫਿਲਮ ਨੂੰ ਕੈਨ ਸਕਾਟ ਵੱਲੋਂ ਨਿਰਦੇਸ਼ਿਤ ਕੀਤਾ ਗਿਆ ਹੈ।

Gulzar Inder Chahal, Ashwariya with her husband Dhanush and Ken ScottGulzar Inder Chahal, Ashwariya with her husband Dhanush and Ken Scott

ਇਸ ਫਿਲਮ ਦਾ ਬਜਟ 125 ਕਰੋੜ ਰਿਹਾ ਹੈ। ਇਸ ਫਿਲਮ ਦੀ ਸ਼ੂਟਿੰਗ 6 ਦੇਸ਼ਾਂ ਵਿਚ ਕੀਤੀ ਗਈ। ਇਸ ਦੇ ਨਾਲ ਹੀ ਇਸ ਫਿਲਮ ਵਿਚ ਦੁਨੀਆ ਦੇ 6 ਮਹਾਂਦੀਪਾਂ ਤੋਂ ਅਦਾਕਾਰਾਂ ਨੇ ਕੰਮ ਕੀਤਾ ਹੈ। ਇਸ ਫ਼ਿਲਮ ਵਿਚ ਤਮਿਲ ਅਦਾਕਾਰ ਧਨੁਸ਼ ਮੁੱਖ ਭੂਮਿਕਾ ਨਿਭਾਅ ਰਹੇ ਹਨ। ਕੈਨ ਸਕਾਟ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ ਇਹ ਫਿਲਮ ਫ੍ਰਾਂਸੀਸੀ-ਅੰਗ੍ਰੇਜ਼ੀ ਦੁਭਾਸ਼ੀ ਫਿਲਮ ਰੋਮੇਨ ਪਿਯੁਰਟੋਲਾਸ ਦੇ 2013 ਦੇ ਫ੍ਰਾਂਸੀਸੀ ਬੈਸਟਸੈਲਰ ਨਾਵਲ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਦ ਫਕੀਰ ਹੂ ਗਾਟ ਟਰੈਪਡ ਇੰਨ ਦ IKEA ਵਾਰਡੋਬ' 'ਤੇ ਅਧਾਰਿਤ ਹੈ।

The Extraordinary Journey Of The FakirThe Extraordinary Journey Of The Fakir

ਇਸ ਵਿਚ ਮੁੰਬਈ ਦੇ ਛੋਟੇ ਜਿਹੇ ਇਲਾਕੇ ਵਿਚ ਰਹਿ ਰਹੇ ਸਟ੍ਰੀਟ ਜਾਦੂਗਰ ਅਜਾਤਾਸ਼ਤ੍ਰੂ ਲਾਵੇਸ਼ ਪਟੇਲ (ਧਨੁਸ਼) ਦੀ ਜ਼ਿੰਦਗੀ ਨੂੰ ਦਰਸਾਇਆ ਗਿਆ ਹੈ। ਇਸ ਫਿਲਮ ਦੀ ਸਟਾਰ ਕਾਸਟ ਵਿਚ ਅਰਜੇਨਟੀਨੀਅਨ-ਫ੍ਰਾਂਸੀਸੀ ਅਦਾਕਾਰਾ ਬੇਰੇਨਿਸ ਬੇਜੋ, ਅਮਰੀਕੀ ਅਦਾਕਾਰ ਏਰਿਨ ਮੋਰਿਆਰਟੀ, ਸੌਮਾਲੀ-ਅਮਰੀਕੀ ਅਦਾਕਾਰਾਂ ਬਰਖਦ ਅਬਾਦੀ ਅਤੇ ਫਰਾਂਸ ਅਦਾਕਾਰ ਜੈਰਾਡ ਜੁਗਨੋਤ ਆਦਿ ਸ਼ਾਮਿਲ ਹਨ। 

Gulzar Inder Chahal, Ashwariya with her husband Dhanush and Ken ScottGulzar Inder Chahal, Saurabh Gupta, Dhanush and Ken Scott

'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫਕੀਰ' ਦਾ ਪਿਛਲੇ ਸਾਲ ਵਿਸ਼ਵ ਪਰੀਮੀਅਰ ਹੋਇਆ ਸੀ। ਇਸ ਨੂੰ ਨਾਰਵੇਜਿਅਨ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2018 ਅਤੇ ਬਾਰਸੀਲੋਨਾ ਦੇ ਸੰਤ-ਜੌਰਡੀ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2019 ਵਿਚ ਦਿਖਾਇਆ ਗਿਆ ਸੀ। ਇਸ ਫਿਲਮ ਦੇ ਕੋ-ਪ੍ਰੋਡਿਊਸਰ ਗੁਲਜ਼ਾਰ ਚਾਹਲ ਨੇ ਅਪਣੇ ਕੈਰੀਅਰ ਦੀ ਪਹਿਲੀ ਫਿਲਮ ਪ੍ਰਸਿੱਧ ਪੰਜਾਬੀ ਅਦਾਕਾਰ ਅਤੇ ਕਲਾਕਾਰ ਹਰਭਜਨ ਮਾਨ ਨਾਲ ਕੀਤੀ ਸੀ। ਪਟਿਆਲੇ ਤੋਂ ਹਾਲੀਵੁੱਡ ਤੱਕ ਦਾ ਸਫ਼ਰ ਤੈਅ ਕਰਨ ਵਾਲੇ ਉਹ ਪਹਿਲੇ ਹਨ।

The extraordinaryjourneyofthefakir cannes2018 cannesfilmfestivalThe extraordinary journey of th efakir 2018 cannes film festival

ਉਹਨਾਂ ਨੇ 2009 ਵਿਚ ‘ਜੱਗ ਜਿਉਂਦਿਆਂ ਦੇ ਮੇਲੇ’ ਨਾਂਅ ਦੀ ਫਿਲਮ ਵਿਚ ਰੂਪ ਨਾਂਅ ਦੇ ਵਿਅਕਤੀ ਦੀ ਭੂਮਿਕਾ ਨਿਭਾਈ ਸੀ। ਇਸ ਫਿਲਮ ਨੂੰ ਉਹਨਾਂ ਵੱਲੋਂ ਹੀ ਪ੍ਰੋਡਿਊਸ ਕੀਤਾ ਗਿਆ ਸੀ। ਸਾਲ 2009 ਵਿਚ ਹੀ ਉਹਨਾਂ ਨੇ ਫਿਰ ਤੋਂ ਹਰਭਜਨ ਮਾਨ ਅਤੇ ਨੀਰੂ ਬਾਜਵਾ ਨਾਲ ‘ਹੀਰ-ਰਾਂਝਾ’ ਫਿਲਮ ਵਿਚ ਬਤੌਰ ਅਦਾਕਾਰ ਕੰਮ ਕੀਤਾ। ਗੁਲਜ਼ਾਰ ਚਾਹਲ ਬਾਲੀਵੁੱਡ ਫ਼ਿਲਮ ‘ਆਈ ਐਮ ਸਿੰਘ’ ਵਿਚ ਵੀ ਅਹਿਮ ਭੂਮਿਕਾ ਨਿਭਾਅ ਚੁਕੇ ਹਨ।

Advertisement
Advertisement

 

Advertisement