ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਰਿਤਿਕ ਰੌਸ਼ਨ ਦੇ ਨਾਨਾ ਜੇ ਓਮ ਪ੍ਰਕਾਸ਼ ਦਾ 93 ਸਾਲ ਦੀ ਉਮਰ ਵਿਚ ਅੱਜ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ।
ਮੁੰਬਈ: ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਅਤੇ ਰਿਤਿਕ ਰੌਸ਼ਨ ਦੇ ਨਾਨਾ ਜੇ ਓਮ ਪ੍ਰਕਾਸ਼ ਦਾ 93 ਸਾਲ ਦੀ ਉਮਰ ਵਿਚ ਅੱਜ ਬੁੱਧਵਾਰ ਨੂੰ ਦੇਹਾਂਤ ਹੋ ਗਿਆ। ਜੇ ਓਮ ਪ੍ਰਕਾਸ਼ ਦੀ ਮੌਤ ਦੀ ਖ਼ਬਰ ਬਾਲੀਵੁੱਡ ਅਦਾਕਾਰ ਅਤੇ ਮਾਡਲ ਰਹਿ ਚੁੱਕੇ ਦੀਪਕ ਪਾਰਾਸ਼ਰ ਨੇ ਅਪਣੇ ਟਵੀਟ ਦੇ ਜ਼ਰੀਏ ਦਿੱਤੀ। ਉਹਨਾਂ ਨੇ ਜੇ ਓਮ ਪ੍ਰਕਾਸ਼ ਨਾਲ ਅਪਣੀ ਫੋਟੋ ਟਵੀਟ ਕਰਦੇ ਹੋਏ ਉਹਨਾਂ ਨੂੰ ਸ਼ਰਧਾਂਜਲੀ ਵੀ ਦਿੱਤੀ। ਫਿਲਮ ਨਿਰਮਾਤਾ ਜੇ ਓਮ ਪ੍ਰਕਾਸ਼ ਨੇ ਬਾਲੀਵੁੱਡ ਜਗਤ ਨੂੰ ਕਈ ਮਸ਼ਹੂਰ ਫਿਲਮਾਂ ਦਿੱਤੀਆਂ ਹਨ।
My dearest uncle “Mr J Om Prakash”passed away about an hour ago ? So saddened as he joins his friend, my Mamaji “Mr Mohan Kumar “in heaven ! Their contributions to Indian cinema is a gift they left behind for us ! Took this pic few months ago when went to see him ! Om Shanti ! pic.twitter.com/rRuODYcQ2Z
— Deepak Parashar (@dparasherdp) August 7, 2019
ਉਹਨਾਂ ਦੀਆਂ ਮਸ਼ਹੂਰ ਫਿਲਮਾਂ ਵਿਚ ‘ਭਗਵਾਨ ਦਾਦਾ’, ‘ਅਪਨਾਪਨ’, ‘ਆਪ ਕੀ ਕਸਮ’, ‘ਆਸ਼ਾ’, ‘ਆਸ-ਪਾਸ’, ‘ਆਪ ਕੇ ਸਾਥ’, ‘ਅਜੀਬ ਦਾਸਤਾਂ ਹੈ ਯੇ’, ‘ਅਗਨੀ ਔਰ ਆਦਮੀ’ ਅਤੇ ‘ਅਪਸਰਾ’ ਆਦਿ ਫਿਲਮਾਂ ਸ਼ਾਮਲ ਹਨ। ਦੱਸ ਦਈਏ ਕਿ ਬਾਲੀਵੁੱਡ ਅਦਾਕਾਰ ਰਿਤਿਕ ਰੌਸ਼ਨ ਵੀ ਅਪਣੇ ਨਾਨਾ ਦੇ ਕਾਫ਼ੀ ਕਰੀਬ ਸਨ। ਰਿਤਿਕ ਰੌਸ਼ਨ ਨੇ ਅਪਣੇ ਨਾਨਾ ਜੀ ਦੇ 92ਵੇਂ ਜਨਮ ਦਿਨ ਮੌਕੇ ਇਕ ਪਾਰਟੀ ਵੀ ਅਯੋਜਿਤ ਕੀਤੀ ਸੀ, ਜਿਸ ਦੀਆਂ ਫੋਟੋਆਂ ਉਹਨਾਂ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਸਨ।
As a young man he sold his wedding ring to buy books. Studied under street lamps. Self taught. Ignited by creativity he forayed into films. Aap ki kasam n22 more jubilee films brought him name n fame. But his greatest work was love. Here he is at 92. My greatest teacher. My Deda. pic.twitter.com/E1zpuVNDZj
— Hrithik Roshan (@iHrithik) January 24, 2018
ਰਿਤਿਕ ਰੌਸ਼ਨ ਨੇ ਫੋਟੋ ਸ਼ੇਅਰ ਕਰਦੇ ਹੋਏ ਦੱਸਿਆ ਸੀ ਕਿ ਉਹਨਾਂ ਦੇ ਨਾਨਾ ਜੀ ਅਜਿਹੇ ਵਿਅਕਤੀ ਹਨ, ਜਿਨ੍ਹਾਂ ਨੇ ਕਿਤਾਬਾਂ ਲਈ ਅਪਣੇ ਵਿਆਹ ਦੀ ਅੰਗੂਠੀ ਵੇਚ ਦਿੱਤੀ ਸੀ ਅਤੇ ਸਟ੍ਰੀਟ ਲੈਂਪ ਵਿਚ ਪੜ੍ਹਾਈ ਕੀਤੀ ਸੀ। ਇਸ ਤੋਂ ਇਲਾਵਾ ਇਕ ਇੰਟਰਵਿਊ ਵਿਚ ਵੀ ਰਿਤਿਕ ਰੌਸ਼ਨ ਨੇ ਕਿਹਾ ਸੀ ਕਿ ਉਹਨਾਂ ਦੇ ਨਾਨਾ ਹੀ ਉਹਨਾਂ ਦੇ ਸਭ ਤੋਂ ਵੱਡੇ ਗੁਰੂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
