ਬਾਕਸ ਆਫ਼ਿਸ 'ਤੇ ਰਜਨੀਕਾਂਤ ਨੇ ਇਕ ਦਿਨ ਪਹਿਲਾਂ ਹੀ ਅਪਣੀ ਫ਼ਿਲਮ ਕਾਲਾ ਨੂੰ ਰਿਲੀਜ਼ ਕਰ ਤਗੜੀ ਕਮਾਈ ਦਾ ਐਲਾਨ ਕਰ ਦਿਤਾ
ਮੁੰਬਈ, 8 ਜੂਨ : ਬਾਕਸ ਆਫ਼ਿਸ 'ਤੇ ਰਜਨੀਕਾਂਤ ਨੇ ਇਕ ਦਿਨ ਪਹਿਲਾਂ ਹੀ ਅਪਣੀ ਫ਼ਿਲਮ ਕਾਲਾ ਨੂੰ ਰਿਲੀਜ਼ ਕਰ ਤਗੜੀ ਕਮਾਈ ਦਾ ਐਲਾਨ ਕਰ ਦਿਤਾ | ਜਿਸਦੇ ਨਾਲ ਅੱਗੇ ਕਈ ਹਿੰਦੀ ਫਿਲਮਾਂ ਦੀ ਕਮਾਈ ਉੱਤੇ ਫ਼ਰਕ ਪੈਣ ਦੀ ਉਮੀਦ ਹੈ ਪਰ ਕਾਲਾ ਦੇ ਸਵਾਗਤ ਨਾਲ ਰਾਜ਼ੀ, ਵੀਰੇ ਦੀ ਵੇਡਿੰਗ ਅਤੇ ਪਰਮਾਣੁ ਦ ਸਟੋਰੀ ਆਫ ਪੋਖਰਣ ਨੇ ਅਪਣੇ ਲਈ ਇਕ ਸੁਖਦ ਸਮਾਚਾਰ ਬਟੋਰ ਲਿਆ ਹੈ ।
kala
ਗੱਲ ਸੱਭ ਤੋਂ ਪਹਿਲਾਂ ਮੇਘਨਾ ਗੁਲਜ਼ਾਰ ਦੀ ਫਿਲਮ ਰਾਜ਼ੀ ਦੀ ਕਰਦੇ ਹਾਂ । ਰਾਜ਼ੀ ਦਾ ਚੌਥਾ ਹਫ਼ਤਾ ਪੂਰਾ ਹੋ ਗਿਆ ਹੈ । ਵੀਰਵਾਰ ‘ਕਾਲਾ ਡੇ’ ਦੇ ਦਿਨ ਇਸ ਫਿਲਮ ਨੂੰ 45 ਲੱਖ ਰੁਪਏ ਦਾ ਕੁਲੈਕਸ਼ਨ ਮਿਲਿਆ । ਆਲਿਆ ਭੱਟ ਵਿੱਕੀ ਕੌਸ਼ਲ ਸਟਾਰਰ ਰਾਜ਼ੀ ਇਕ ਅਜਿਹੀ ਭਾਰਤੀ ਕੁੜੀ ਦੀ ਕਹਾਣੀ ਹੈ ਜੋ ਪਾਕਿਸਤਾਨੀ ਫੌਜ ਦੇ ਅਧਿਕਾਰੀ ਨਾਲ ਵਿਆਹ ਕਰਦੀ ਹੈ ਫਿਰ ਪਾਕਿਸਤਾਨ ਦੀ ਗੁਪਤ ਸੂਚਨਾ ਭਾਰਤੀ ਅਧਿਕਾਰੀਆਂ ਨੂੰ ਪਹੁੰਚਾਉਂਦੀ ਹੈ। ਫਿਲਮ ਨੇ ਹੁਣ ਤਕ 117 ਕਰੋੜ 79 ਲੱਖ ਰੁਪਏ ਕਮਾਏ ਹਨ ।
raazi
ਸੁਸ਼ਾਂਕ ਖੇਤਾਨ ਦੇ ਨਿਰਦੇਸ਼ਨ ਵਿੱਚ ਬਣੀ ਵੀਰੇ ਦੀ ਵੇਡਿੰਗ ਜੋ ਕਿ ਇਸ ਸਾਲ ਦੀਆਂ ਫਿਲਮਾਂ ਵਿਚ ਸਭ ਤੋਂ ਜ਼ਿਆਦਾ ਓਪਨਿੰਗ ਲੈਣ ਵਾਲੀਆਂ ਫਿਲਮਾਂ ਵਿੱਚ ਪੰਜਵੇਂ ਨੰਬਰ ਉੱਤੇ ਹੈ ਨੇ ਅਪਣੇ ਪਹਿਲੇ ਹਫਤੇ ਵਿਚ 56 ਕਰੋੜ 96 ਲੱਖ ਰੁਪਏ ਦਾ ਕਲੇਕਸ਼ਨ ਕਰ ਲਿਆ ਹੈ । ਫਿਲਮ ਨੇ ਵੀਰਵਾਰ ਨੂੰ ਕਾਲਾ ਦੀ ਰਿਲੀਜ਼ ਦੇ ਬਾਵਜੂਦ 4 ਕਰੋੜ 6 ਲੱਖ ਰੁਪਏ ਦਾ ਕਲੇਕਸ਼ਨ ਕੀਤਾ । ਕਰੀਨਾ ਕਪੂਰ ਖਾਨ, ਸੋਨਮ ਕਪੂਰ ਆਹੂਜਾ, ਸਵਰਾ ਭਾਸਕਰ ਅਤੇ ਸ਼ਿਖਾ ਤਲਸਾਨਿਆ ਸਟਾਰਰ ਚਾਰ ਖੁੱਲੇ ਵਿਚਾਰਾਂ ਵਾਲੀਆਂ ਲੜਕੀਆਂ ਦੀ ਕਹਾਣੀ ਉੱਤੇ ਬਣੀ ਫਿਲਮ ਨੂੰ 10 ਕਰੋੜ 70 ਲੱਖ ਰੁਪਏ ਦੀ ਓਪਨਿੰਗ ਮਿਲੀ ਸੀ ।
veere di wedding
ਉੱਧਰ ਜਾਨ ਅਬ੍ਰਾਹਮ ਸਟਾਰਰ ਪਰਮਾਣੁ ਦ ਸਟੋਰੀ ਆਫ ਪੋਖਰਣ ਨੇ ਅਪਣੀ ਲਾਗਤ ਦੀ ਵਸੂਲੀ ਬੁੱਧਵਾਰ ਨੂੰ ਹੀ ਕਰ ਲਈ ਸੀ । ਇਸ ਫਿਲਮ ਨੇ ਦੂਜਾ ਹਫ਼ਤਾ ਪੂਰਾ ਕਰ ਲਿਆ ਹੈ । ਰਜਨੀਕਾਂਤ ਦੇ ਆਗਮਨ ਦੇ ਦਿਨ ਫਿਲਮ ਨੇ 1 ਕਰੋੜ 28 ਲੱਖ ਰੁਪਏ ਦਾ ਕਲੇਕਸ਼ਨ ਕੀਤਾ । ਫਿਲਮ ਦੀ ਕਮਾਈ ਹੁਣ ਤੱਕ 51 ਕਰੋੜ 83 ਲੱਖ ਰੁਪਏ ਹੋ ਚੁੱਕੀ ਹੈ । ਤਮਾਮ ਵਿਵਾਦ ਅਤੇ ਆਈਪੀਐਲ ਦੀ ਮਾਰ ਦੇ ਬਾਵਜੂਦ ਵੀ ਜਾਨ ਅਬ੍ਰਾਹਮ ਦੀ ਇਸ ਫਿਲਮ ਨੇ ਪਹਿਲੇ ਹਫਤੇ ਵਿਚ 35 ਕਰੋੜ 41 ਲੱਖ ਅਤੇ ਦੂਸਰੇ ਹਫਤੇ ਵਿਚ 16 ਕਰੋੜ 42 ਲੱਖ ਰੁਪਏ ਦਾ ਕਲੇਕਸ਼ਨ ਕੀਤਾ । ਇਹ ਭਾਰਤ ਦੇ ਦੂਸਰੇ ਪਰਮਾਣੁ ਪ੍ਰੀਖਿਆ ਦੀ ਕਹਾਣੀ ਹੈ, ਜਿਸਨੂੰ ਦੇਸ਼ਪ੍ਰੇਮੀ ਦਰਸ਼ਕਾਂ ਨੇ ਕਾਫ਼ੀ ਪਸੰਦ ਕੀਤਾ ।
parmanu
