ਫੋਰੈਂਸਿਕ ਟੀਮ ਨੇ ਅਭਿਨੇਤਰੀ ਦੇ ਕਮਰੇ ਵਿਚੋਂ ਨਮੂਨੇ ਇਕੱਠੇ ਕਰ ਲਏ ਹਨ।
ਨਵੀਂ ਦਿੱਲੀ: ਬਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਕੰਮ ਕਰ ਚੁੱਕੀ ਬੰਗਾਲੀ ਅਦਾਕਾਰਾ ਆਰੀਆ ਬੈਨਰਜੀ ਦੱਖਣੀ ਕੋਲਕਾਤਾ ਸਥਿਤ ਆਪਣੀ ਰਿਹਾਇਸ਼' ‘ਤੇ ਮ੍ਰਿਤਕ ਪਈ ਮਿਲੀ ਹੈ। ਆਰੀਆ ਬੈਨਰਜੀ ਨੇ ਫਿਲਮ 'ਦਿ ਡਰਟੀ ਪਿਕਚਰ ਵਿਚ ਵੀ ਕੰਮ ਕੀਤਾ ਸੀ । ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਇਕ ਇਮਾਰਤ ਦੀ ਤੀਜੀ ਮੰਜ਼ਿਲ ‘ਤੇ ਅਭਿਨੇਤਰੀ ਦੇ ਅਪਾਰਟਮੈਂਟ ਦਾ ਦਰਵਾਜ਼ਾ ਤੋੜਿਆ ਅਤੇ 33 ਸਾਲਾ ਆਰਿਆ ਬੈਨਰਜੀ ਦੀ ਲਾਸ਼ ਬੈੱਡਰੂਮ 'ਚ ਮਿਲੀ।
photoਮਰਹੂਮ ਸਿਤਾਰ ਪਲੇਅਰ ਨਿਖਿਲ ਬੰਦਯੋਪਾਧਿਆਏ ਦੀ ਬੇਟੀ ਆਰੀਆ ਬੈਨਰਜੀ ਨੇ 'ਐਲਐਸਡੀ: ਲਵ ਸੈਕਸ ਔਰ ਧੋਖਾ'(2010) ਸਮੇਤ ਕਈ ਫਿਲਮਾਂ 'ਚ ਕੰਮ ਕੀਤਾ ਸੀ। ਜਦੋਂ ਸਵੇਰੇ ਉਸ ਦੀ ਘਰੇਲੂ ਕੰਮ ਕਰਨ ਵਾਲੀ ਨੇ ਅਪਾਰਟਮੈਂਟ ਦੀ ਘੰਟੀ ਵੱਜਾਈ ਤਾਂ ਉਸ ਨੂੰ ਕੋਈ ਜਵਾਬ ਨਹੀਂ ਮਿਲਿਆ। ਉਸਨੇ ਇਸ ‘ਤੇ ਸ਼ੱਕ ਹੋਇਆ ਅਤੇ ਗੁਆਂਢੀਆਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਬਾਅਦ ਗੁਆਂਢੀਆਂ ਨੇ ਪੁਲਿਸ ਨੂੰ ਸੂਚਿਤ ਕੀਤਾ।
photoਘਰੇਲੂ ਕੰਮ ਵਾਲੀ ਨੇ ਕਿਹਾ ਕਿ ਆਰੀਆ ਬੈਨਰਜੀ ਇਕੱਲੇ ਰਹਿੰਦੇ ਸਨ ਅਤੇ ਕਿਸੇ ਨਾਲ ਜ਼ਿਆਦਾ ਗੱਲਬਾਤ ਨਹੀਂ ਕਰਦੇ ਸਨ। ਪੁਲਿਸ ਨੇ ਦੱਸਿਆ ਕਿ ਲਾਸ਼ ਨੂੰ ਪੋਸਟ ਮਾਰਟਮ ਲਈ ਭੇਜਿਆ ਗਿਆ ਹੈ ਅਤੇ ਫੋਰੈਂਸਿਕ ਟੀਮ ਨੇ ਅਭਿਨੇਤਰੀ ਦੇ ਕਮਰੇ ਵਿਚੋਂ ਨਮੂਨੇ ਇਕੱਠੇ ਕਰ ਲਏ ਹਨ।
