ਬਾਲੀਵੁੱਡ ਐਕਟਰ ਕਮਾਲ ਆਰ ਖਾਨ ਟਵਿਟਰ ‘ਤੇ ਆਈਪੀਐਲ ਤੋਂ ਲੈ ਕੇ ਰਾਜਨੀਤੀ ਤੱਕ, ਹਰ ਚੀਜ਼ ‘ਤੇ ਬੜੀ ਬੇਬਾਕੀ ਨਾਲ ਆਪਣੀ ਰਾਏ ਦੇ ਰਹੇ ਹਨ।
ਨਵੀਂ ਦਿੱਲੀ: ਲੋਕ ਸਭਾ ਚੋਣਾਂ ਦੌਰਾਨ ਵੱਖ-ਵੱਖ ਪਾਰਟੀਆਂ ਦੇ ਨੇਤਾ ਪ੍ਰਚਾਰ ਅਭਿਆਨ ਵਿਚ ਜੁਟੇ ਹੋਏ ਹਨ। ਸੋਸ਼ਲ ਮੀਡੀਆ ‘ਤੇ ਵੀ ਜੰਮ ਕੇ ਪ੍ਰਚਾਰ ਹੋ ਰਿਹਾ ਹੈ ਅਤੇ ਹਰ ਕੋਈ ਆਪਣੇ ਤਰੀਕੇ ਨਾਲ ਪ੍ਰਚਾਰ ਕਰ ਰਿਹਾ ਹੈ, ਪਰ ਬਾਲੀਵੁੱਡ ਐਕਟਰ ਕਮਾਲ ਆਰ ਖਾਨ ਟਵਿਟਰ ‘ਤੇ ਆਈਪੀਐਲ ਤੋਂ ਲੈ ਕੇ ਰਾਜਨੀਤੀ ਤੱਕ, ਹਰ ਚੀਜ਼ ‘ਤੇ ਬੜੀ ਬੇਬਾਕੀ ਨਾਲ ਆਪਣੀ ਰਾਏ ਦੇ ਰਹੇ ਹਨ।
Kamaal R Khan
ਕਮਾਲ ਖਾਨ ਸਮ੍ਰਿਤੀ ਇਰਾਨੀ ਤੋਂ ਲੈ ਕੇ ਪੀਐਮ ਨਰੇਂਦਰ ਮੋਦੀ ਨੂੰ ਆਪਣੇ ਟਵੀਟਸ ‘ਤੇ ਨਿਸ਼ਾਨਾ ਬਣਾ ਚੁੱਕੇ ਹਨ ਅਤੇ ਕਨ੍ਹੈਈਆ ਕੁਮਾਰ ਦੀ ਕਾਫੀ ਤਾਰਿਫ ਵੀ ਕਰ ਚੁੱਕੇ ਹਨ। ਕਮਾਲ ਆਰ ਖਾਨ ਨੇ ਹੁਣ ਟਵੀਟ ਕਰਕੇ ਕਿਹਾ ਹੈ ਕਿ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਨੂੰ ਦੇਸ਼ ਦਾ ਪ੍ਰਧਾਨ ਮੰਤਰੀ ਬਣਾ ਦੇਣਾ ਚਾਹੀਦਾ ਹੈ। ਇਸ ਤਰ੍ਹਾਂ ਕਮਾਲ ਆਰ ਖਾਨ ਨੇ ਨੇਤਾਵਾਂ ‘ਤੇ ਤੰਜ ਕੱਸਿਆ ਹੈ।
I think Mukesh Ambani should become PM of India without elections. Anyway he is running the country and he will run the country. So why do we need an agent between Ambani and us? Let him rule the country directly without brokerage.
— KRK (@kamaalrkhan) April 13, 2019
ਕਮਾਲ ਆਰ ਖਾਨ ਨੇ ਮੁਕੇਸ਼ ਅੰਬਾਨੀ ਨੂੰ ਲੈ ਕੇ ਟਵੀਟ ਕੀਤਾ ਹੈ ਕਿ ਚੋਣਾਂ ਤੋਂ ਬਿਨਾਂ ਹੀ ਮੁਕੇਸ਼ ਅੰਬਾਨੀ ਨੂੰ ਭਾਰਤ ਦਾ ਪ੍ਰਧਾਨ ਮੰਤਰੀ ਬਣਾ ਦੇਣਾ ਚਾਹੀਦਾ ਹੈ। ਉਹਨਾਂ ਕਿਹਾ ਆਖਿਰਕਾਰ ਦੇਸ਼ ਨੂੰ ਉਹੀ ਤਾਂ ਚਲਾ ਰਹੇ ਹਨ ਅਤੇ ਅੱਗੇ ਵੀ ਉਹੀ ਚਲਾਉਣਗੇ। ਉਹਨਾਂ ਕਿਹਾ ਕਿ ਅੰਬਾਨੀ ਅਤੇ ਸਾਡੇ ਵਿਚਕਾਰ ਕਿਸੇ ਵੀ ਕੜੀ ਕੀ ਜ਼ਰੂਰਤ ਹੈ? ਉਹਨਾਂ ਕਿਹਾ ਕਿ ਅੰਬਾਨੀ ਨੂੰ ਬਿਨਾਂ ਕਿਸੇ ਮਾਧਿਅਮ ਰਾਹੀਂ ਸਿੱਧੇ ਹੀ ਦੇਸ਼ ‘ਤੇ ਸ਼ਾਸਨ ਕਰਨ ਦੇਣਾ ਚਾਹੀਦਾ ਹੈ।
Lok Sabha Elections
ਦੱਸ ਦਈਏ ਕਿ ਕਮਾਲ ਆਰ ਖਾਨ ਬਿਗ ਬਾਸ ਦੇ ਜ਼ਰੀਏ ਸੁਰਖੀਆਂ ਵਿਚ ਆਏ ਸਨ ਅਤੇ ਆਪਣੇ ਰਵੱਈਏ ਦੇ ਕਾਰਨ ਉਹ ਚਰਚਾ ਵਿਚ ਰਹੇ ਸੀ। ਕਮਾਲ ਆਰ ਖਾਨ ‘ਦੇਸ਼ਧ੍ਰੋਹੀ’ ਨਾਮ ਤੋਂ ਫਿਲਮ ਬਣਾ ਚੁਕੇ ਹਨ ਅਤੇ ਇਸ ਫਿਲਮ ਵਿਚ ਉਹ ਲੀਡ ਰੋਲ ਵਿਚ ਸਨ।
