ਬਾਲੀਵੁੱਡ ਅਦਾਕਾਰ ਆਯੂਸ਼ਮਾਨ ਖੁਰਾਨਾ ਦੀ ਪ੍ਰਸਿੱਧੀ ਵਿਚ ਕਾਫੀ ਵਾਧਾ ਹੋ ਰਿਹਾ ਹੈ ਕਿਉਂਕਿ ਉਹਨਾਂ ਨੇ ਸਿਨੇਮਾ ਘਰਾਂ ਵਿਚ ਲਗਾਤਾਰ ਅੱਠ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ।
ਚੰਡੀਗੜ੍ਹ: ਹਾਲ ਹੀ ਦੇ ਕਈ ਸਾਲਾਂ ਦੌਰਾਨ ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਆਯੂਸ਼ਮਾਨ ਖੁਰਾਨਾ (Ayushmann Khurrana) ਦੀ ਪ੍ਰਸਿੱਧੀ ਵਿਚ ਕਾਫੀ ਵਾਧਾ ਹੋ ਰਿਹਾ ਹੈ ਕਿਉਂਕਿ ਉਹਨਾਂ ਨੇ ਸਿਨੇਮਾ ਘਰਾਂ ਵਿਚ ਲਗਾਤਾਰ ਅੱਠ ਸੁਪਰਹਿੱਟ ਫਿਲਮਾਂ (Superhit movies) ਦਿੱਤੀਆਂ ਹਨ। ਦੇਸ਼ ਵਿਚ ਉਹਨਾਂ ਦੀ ਵਧ ਰਹੀ ਭਰੋਸੇਯੋਗਤਾ ਕਾਰਨ ਉਹ ਦੇਸ਼ ਦੇ ਸਭ ਤੋਂ ਜ਼ਿਆਦਾ ਮੰਗ ਵਾਲੇ ਬ੍ਰਾਂਡ ਅੰਬੈਸਡਰਾਂ (Brand Ambassadors) ਵਿਚ ਸ਼ਾਮਲ ਹੋ ਗਏ ਹਨ। ਹੁਣ ਆਯੂਸ਼ਮਾਨ ਖੁਰਾਨਾ ਨੂੰ ਇਕ ਮੋਬਾਈਲ ਫੋਨ ਬ੍ਰਾਂਡ ਨੇ ਅਪਣਾ ਚਿਹਰਾ ਬਣਾਇਆ ਹੈ। ਜਿਵੇਂ ਅਸੀਂ ਜਾਣਦੇ ਹਾਂ ਕਿ ਮੋਬਾਈਲ ਫੋਨ ਅਤੇ ਬੈਂਕਿੰਗ ਦੋ ਅਜਿਹੇ ਖੇਤਰ ਹਨ, ਜਿੱਥੇ ਕਲਾਕਾਰ ਦੇ ਚਿਹਰੇ ਦੀ ਭਰੋਸੇਯੋਗਤਾ ਬਹੁਤ ਮਹੱਤਵ ਰੱਖਦੀ ਹੈ।
Ayushmann Khurrana
ਇਹ ਵੀ ਪੜ੍ਹੋ: ਗੁਰਦਾਸਪੁਰ ’ਚ ਭਾਰਤ-ਪਾਕਿਸਤਾਨ ਸਰਹੱਦ ’ਤੇ ਦਿਖਾਈ ਦਿੱਤਾ ਪਾਕਿ ਡਰੋਨ
ਹਾਲ ਹੀ ਵਿਚ ਮੋਬਾਈਲ ਫੋਨ ਬ੍ਰਾਂਡ ਨੇ ਰਾਬਰਟ ਡਾਊਨੀ ਜੂਨੀਅਰ (Robert Downey, Jr.) ਅਤੇ ਵਿਰਾਟ ਕੋਹਲੀ (Virat Kohli) ਵਰਗੇ ਸੁਪਰਸਟਾਰ ਨੂੰ ਸਾਈਨ ਕੀਤਾ ਹੈ। ਇਸ ਲਈ ਮੋਬਾਈਲ ਫੋਨ ਬ੍ਰਾਂਡ (Mobile phone brand) ਵੱਲੋਂ ਆਯੂਸ਼ਮਾਨ ਨੂੰ ਅਪਣਾ ਚਿਹਰਾ ਬਣਾਇਆ ਜਾਣਾ ਯਕੀਨੀ ਤੌਰ ’ਤੇ ਇਹ ਮਤਲਬ ਹੈ ਕਿ ਲੋਕਾਂ ਵਿਚ ਉਸ ਦੀ ਭਰੋਸੇਯੋਗਤਾ ਵਧ ਰਹੀ ਹੈ। ਆਯੂਸ਼ਮਾਨ ਕੋਲੋਂ ਇਹ ਪੁੱਛੇ ਜਾਣ ’ਤੇ ਕਿ ਅਜਿਹਾ ਕਿਹੜਾ ਗੁਣ ਹੈ, ਜਿਹੜਾ ਉਹਨਾਂ ਨੂੰ ਬ੍ਰਾਂਡ ਫ੍ਰੈਂਡਲੀ ਬਣਾਉਂਦਾ ਹੈ ਤਾਂ ਉਹਨਾਂ ਨੇ ਕਿਹਾ, ‘ਅੱਜ ਜੋ ਵੀ ਮੇਰੀ ਪਛਾਣ ਹੈ, ਉਹ ਖ਼ਾਸ ਤੌਰ ’ਤੇ ਸੋਸ਼ਲ ਮਨੋਰੰਜਕ ਵਜੋਂ ਮੇਰੀ ਸਫ਼ਲਤਾ ਕਾਰਨ ਹੈ, ਜਿਸ ਨੇ ਮੈਨੂੰ ਭਾਰਤ ਦੇ ਲੋਕਾਂ ਨਾਲ ਜੋੜਿਆ ਹੈ। ਮੇਰੀਆਂ ਫਿਲਮਾਂ ਨੇ ਲੋਕਾਂ ਨੂੰ ਦੱਸਿਆ ਹੈ ਕਿ ਮੈਂ ਕੌਣ ਹਾਂ, ਕਿਵੇਂ ਸੋਚਦਾ ਹਾਂ ਅਤੇ ਇਕ ਐਂਟਰਟੇਨਰ ਵਜੋਂ ਮੇਰਾ ਉਦੇਸ਼ ਕੀ ਹੈ’।
Virat Kohli-Ayushmann Khurrana-Robert Downey, Jr.
ਹੋਰ ਪੜ੍ਹੋ: ਅਧਿਐਨ ਦਾ ਦਾਅਵਾ: ਤੇਜ਼ੀ ਨਾਲ ਭਾਰ ਘਟਾਉਣ ਲਈ 16 ਘੰਟੇ ਭੁੱਖੇ ਰਹਿਣ ਦਾ ਤਰੀਕਾ ਅਸਰਦਾਰ ਨਹੀਂ
ਉਹਨਾਂ ਅੱਗੇ ਕਿਹਾ, ‘ਸੋਚ ਕੇ ਚੰਗਾ ਲੱਗਦਾ ਹੈ ਕਿ ਬ੍ਰਾਂਡ ਨੇ ਇਸ ਚੀਜ਼ ਨੂੰ ਨੋਟਿਸ ਕੀਤਾ ਹੈ ਅਤੇ ਉਹ ਅਸਲ ਲੋਕਾਂ ਦੀਆਂ ਅਸਲ ਕਹਾਣੀਆਂ ਪੇਸ਼ ਕਰਨ ਦੀ ਮੇਰੀ ਕੋਸ਼ਿਸ਼ ਦੇ ਵਿਚਾਰ ਨਾਲ ਜੁੜੇ ਹਨ। ਇਸ ਗੱਲ ਨੂੰ ਲੈ ਕੇ ਮੈਂ ਖੁਸ਼ੀ ਮਹਿਸੂਸ ਕਰ ਰਿਹਾ ਹਾਂ ਕਿ ਇਕ ਬਿਰਤਾਂਤ ਦੇ ਨਾਲ ਦਰਸ਼ਕਾਂ ਤੱਕ ਪਹੁੰਚਣ ਲਈ ਮੈਂ ਬ੍ਰਾਂਡ ਦੇ ਵਿਜ਼ਨ ਅਤੇ ਉਹਨਾਂ ਦੇ ਸਫਰ ਦਾ ਹਿੱਸਾ ਹਾਂ, ਜੋ ਮੇਰੇ ਸਿਨੇਮਾ ਵਿਚ ਵਿਚ ਗੂੰਜਦਾ ਹੈ।
ਮੈਂ ਸ਼ੁਕਰਗੁਜ਼ਾਰ ਹਾਂ ਕਿ ਮੇਰੀਆਂ ਫਿਲਮਾਂ ਨੇ ਬਾਕਸ ਆਫਿਸ (Box Office) 'ਤੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਅਤੇ ਉਹਨਾਂ ਨੂੰ ਲੋਕਾਂ ਵੱਲੋਂ ਪਿਆਰ ਅਤੇ ਪ੍ਰਸ਼ੰਸਾ ਮਿਲੀ ਹੈ’। ਆਯੂਸ਼ਮਾਨ ਕਹਿੰਦੇ ਹਨ ਕਿ ਇਹ ਉਹਨਾਂ ਦੀ ਖੁਸ਼ਕਿਸਮਤੀ ਹੈ ਕਿ ਉਹਨਾਂ ਨੂੰ ਸਹੀ ਫਿਲਮਾਂ ਮਿਲੀਆਂ ਜੋ ਬਹੁਤ ਹਿੱਟ ਰਹੀਆਂ। ਉਹਨਾਂ ਦਾ ਮੰਨਣਾ ਹੈ ਕਿ ਸਫਲਤਾ ਹਮੇਸ਼ਾਂ ਇਕੁਇਟੀ ਵਿਚ ਤਬਦੀਲ ਹੁੰਦੀ ਹੈ।
Ayushmann Khurrana
ਹੋਰ ਪੜ੍ਹੋ: 1000 ਬੱਸਾਂ ਦੀ ਖਰੀਦ ਵਿਚ ਘੁਟਾਲਾ! ਭਾਜਪਾ ਨੇ ਕੇਜਰੀਵਾਲ ਸਰਕਾਰ 'ਤੇ ਲਾਏ ਆਰੋਪ, ਜਾਣੋ ਪੂਰਾ ਮਾਮਲਾ
ਆਯੂਸ਼ਮਾਨ (Ayushmann Khurrana) ਕਹਿੰਦੇ ਹਨ, ‘ਮੈਂ ਹਮੇਸ਼ਾਂ ਇਸ ਸੋਚ ਵਿਚ ਯਕੀਨ ਕੀਤਾ ਹੈ ਕਿ ਮੈਂ ਨਹੀਂ ਬਲਕਿ ਮੇਰਾ ਕੰਮ ਬੋਲੇ। ਮੈਂ ਉਹਨਾਂ ਪ੍ਰਾਜੈਕਟਾਂ ਦੀ ਚੋਣ ਲਈ ਖੁਸ਼ਕਿਸਮਤ ਰਿਹਾ ਹਾਂ, ਜਿਨ੍ਹਾਂ ਨੇ ਭਾਰਤ ਵਿਚ ਸਿਨੇਮਾ ਕਿਸ ਤਰ੍ਹਾਂ ਵੱਖਰਾ, ਲੀਕ ਨੂੰ ਤੋੜਨ ਵਾਲਾ, ਗੱਲਬਾਤ ਨੂੰ ਸ਼ੁਰੂ ਕਰਨ ਵਾਲਾ ਐਂਟਰਟੇਨਰ ਹੋ ਸਕਦਾ ਹੈ, ਇਸ ਮਾਨਤਾ ਨੂੰ ਸਥਾਪਤ ਕਰਨ ਵਿਚ ਯੋਗਦਾਨ ਦਿੱਤਾ ਹੈ, ਜਿਨ੍ਹਾਂ ਕਹਾਣੀਆਂ ਨੂੰ ਬਿਆਨ ਕਰਨ ਲਈ ਰੂੜ੍ਹੀਵਾਦੀ ਨਿਯਮਾਂ ਦੀ ਪਾਲਣਾ ਕਰਨ ਦੀ ਕੋਈ ਜ਼ਰੂਰਤ ਨਹੀਂ ਹੈ”।
