ਜਾਤੀ ਵਿਵਸਥਾ ਨਾਲ ਜੁੜੀਆਂ ਘਟਨਾਵਾਂ ਨੂੰ ਦਰਸਾਉਂਦੀ ਹੈ ਆਰਟੀਕਲ 15
ਨਵੀਂ ਦਿੱਲੀ: ਆਯੁਸ਼ਮਾਨ ਖੁਰਾਨਾ ਦੀ ਆਉਣ ਵਾਲੀ ਫ਼ਿਲਮ ਆਰਟੀਕਲ 15 ’ਤੇ ਵਿਵਾਦ ਮਚਿਆ ਹੋਇਆ ਹੈ। ਜਾਤੀ ’ਤੇ ਆਧਾਰਿਤ ਇਸ ਫ਼ਿਲਮ ਦਾ ਕੁਝ ਬਰਾਹਮਣ ਸਮੂਹ ਵਿਰੋਧ ਕਰ ਰਿਹਾ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਫ਼ਿਲਮ ਦੇ ਜ਼ਰੀਏ ਬਰਾਹਮਣਾਂ ਵਿਰੁਧ ਗ਼ਲਤ ਗੱਲਾਂ ਫ਼ੈਲਾਈਆਂ ਜਾ ਰਹੀਆਂ ਹਨ। ਆਯੁਸ਼ਮਾਨ ਖੁਰਾਨਾ ਨੇ ਵਿਰੋਧ ਕਰਨ ਵਾਲੇ ਸਮੂਹਾਂ ਨੂੰ ਕਿਹਾ ਕਿ ਉਹ ਅਪਣਾ ਵਕਤ ਖ਼ਰਾਬ ਕਰ ਰਹੇ ਹਨ। ਉਹਨਾਂ ਨੂੰ ਸਹੀ ਗ਼ਲਤ ਲਈ ਫ਼ਿਲਮ ਦੇਖਣੀ ਚਾਹੀਦੀ ਹੈ।
ਫ਼ਿਲਮ ਨੂੰ ਸੈਂਸਰ ਬੋਰਡ ਮਨਜੂਰ ਕਰ ਚੁੱਕਿਆ ਹੈ। ਉਹ ਹਮੇਸ਼ਾ ਤੋਂ ਸਮਾਜਿਕ ਤੌਰ ’ਤੇ ਪ੍ਰੰਸਾਗਿਕ ਫ਼ਿਲਮਾਂ ਦਾ ਹਿੱਸਾ ਬਣਨਾ ਚਾਹੁੰਦੇ ਸਨ। ਅੰਧਾਧੁਨ ਅਤੇ ਬਧਾਈ ਹੋ ਵਰਗੀਆਂ ਫ਼ਿਲਮਾਂ ਹਿੱਟ ਹੋਣ ਤੋਂ ਬਾਅਦ ਉਹਨਾਂ ਵਿਚ ਆਰਟੀਕਲ 15 ਵਰਗੀਆਂ ਫ਼ਿਲਮਾਂ ਕਰਨ ਦਾ ਹੌਂਸਲਾ ਆਇਆ ਹੈ। ਜਾਤੀ ਵਿਵਸਥਾ ਤੇ ਟਿੱਪਣੀ ਕਰਦੇ ਹੋਏ ਆਯੁਸ਼ਮਾਨ ਖੁਰਾਨਾ ਨੇ ਕਿਹਾ ਕਿ ਇਕ ਵਿਅਕਤੀ ਦੇ ਤੌਰ ’ਤੇ ਜਾਤੀਵਾਦ ਭੇਦਭਾਵ ਨੇ ਉਸ ਨੂੰ ਹਮੇਸ਼ਾ ਆਪਣੇ ਵੱਲ ਖਿਚਿਆ ਹੈ।
ਪਿੰਡਾਂ ਵਿਚ ਅੱਜ ਵੀ ਭੇਦਭਾਵ ਕੀਤਾ ਜਾਂਦਾ ਹੈ। ਦੂਜੀਆਂ ਜਾਤੀਆਂ ਵਿਚ ਵਿਆਹ ਨੂੰ ਲੈ ਕੇ ਲੜਾਈ ਝਗੜੇ ਹੋ ਜਾਂਦੇ ਹਨ। ਫ਼ਿਲਮ ਵਿਚ ਜਿੰਨੀ ਹੋ ਸਕੇ ਉੰਨੀ ਹੀ ਸਚੱਈ ਵਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਖੁਰਾਨਾ ਨੇ ਇਸ ਫ਼ਿਲਮ ਵਿਚ ਇਕ ਪੁਲਿਸ ਵਾਲੇ ਦੀ ਭੂਮਿਕਾ ਨਿਭਾਈ ਹੈ ਜੋ ਕਿ ਇਕ ਔਰਤ ਦੇ ਬਲਾਤਕਾਰ ਤੇ ਹੱਤਿਆ ਦੀ ਜਾਂਚ ਕਰਦਾ ਹੈ। ਆਯੁਸ਼ਮਾਨ ਖੁਰਾਨਾ ਨੇ ਦਸਿਆ ਕਿ ਜਾਤੀ ਵਿਵਸਥਾ ’ਤੇ ਬਿਹਤਰ ਸਮਝ ਬਣਾਉਣ ਲਈ ਉਹਨਾਂ ਨੇ ਓਮਪ੍ਰਕਾਸ਼ ਵਾਲਮੀਕੀ ਦੀ ਕਿਤਾਬ ਪੜੀ।
ਆਯੁਸ਼ਮਾਨ ਨੇ ਅੱਗੇ ਦਸਿਆ ਕਿ ਇਸ ਤੋਂ ਇਲਾਵਾ ਦਿੱਲੀ ਅਤੇ ਯੂਪੀ ਵਿਚ ਕਈ ਸੀਨੀਅਰ ਪੁਲਿਸ ਅਫ਼ਸਰ ਨਾਲ ਮੁਲਾਕਾਤ ਕੀਤੀ। ਉਸ ਨੇ ਪੁਲਿਸ ਦੀ ਪ੍ਰਤੀਕਿਰਿਆ ਸਮਝਣ ਦੀ ਕੋਸ਼ਿਸ਼ ਕੀਤੀ ਫ਼ਿਲਮ ਵਿਚ ਆਯੁਸ਼ਮਾਨ ਖੁਰਾਨਾ ਤੋਂ ਇਲਾਵਾ ਸਯਾਨੀ ਗੁਪਤਾ, ਕੁਮੁਦ ਮਿਸ਼ਰਾ, ਮਨੋਜ ਪਹਵਾ ਅਤੇ ਮੁਹੰਮਦ ਜੀਸ਼ਾਨ ਅਯੂਬ ਨੇ ਕੰਮ ਕੀਤਾ ਹੈ।