ਪੰਜਾਬੀ ਫਿਲਮ ‘ਛੜਾ’ ਨਾਲ ਜੋ ਅੱਜ ਵੱਡੇ ਪੱਧਰ ‘ਤੇ ਰਿਲੀਜ਼ ਹੋਈ ਹੈ। ਦਿਲਜੀਤ ਦੌਸਾਂਝ...
ਚੰਡੀਗੜ੍ਹ: ਪੰਜਾਬੀ ਫਿਲਮ ‘ਛੜਾ’ ਨਾਲ ਜੋ ਅੱਜ ਵੱਡੇ ਪੱਧਰ ‘ਤੇ ਰਿਲੀਜ਼ ਹੋਈ ਹੈ। ਦਿਲਜੀਤ ਦੋਸਾਂਝ ਤੇ ਨੀਰੂ ਬਾਜਵਾ ਦੀ ਕਾਮਯਾਬ ਜੋੜੀ ਪੰਜਾਬ ਫ਼ਿਲਮ ਇੰਡਸਟਰੀ ਨੂੰ ਕਈ ਸੁਪਰਹਿੱਟ ਫ਼ਿਲਮਾਂ ਦੇ ਚੁੱਕੀ ਹੈ। ਨਿਰਦੇਸ਼ਕ ਜਗਦੀਪ ਸਿੰਘ ਸਿੱਧੂ ਨੇ ਪਿਛਲੇ ਸਾਲ ਬਲਾਕਬਸਟਰ ਫ਼ਿਲਮ ‘ਕਿਸਮਤ’ ਦਾ ਨਿਰਦੇਸ਼ਨ ਕਰ ਚੁੱਕਾ ਹਨ ਅਤੇ ਨਿੱਕਾ ਜ਼ੈਲਦਾਰ ਫਿਲਮ ਨੂੰ ਲਿਖ ਚੁੱਕੇ ਹਨ। ਨਿਰਮਾਤਾ ਅਤੁਲ ਭੱਲਾ ਅਤੇ ਅਮਿਤ ਭੱਲਾ ਨੇ ਪੰਜਾਬੀ ਸਿਨੇਮਾ ‘ਚ ਹੁਣ ਤੱਕ ਦੀ ਸਭ ਤੋਂ ਵੱਡੀ ਸੁਪਰਹਿੱਟ ਫ਼ਿਲਮ ਕੈਰੀ ਆਨ ਜੱਟਾ 2 ਦਿੱਤੀ ਹੈ।
ਬ੍ਰੈਟ ਫਿਲਮਜ ਦੇ ਨਿਰਮਾਤਾ ਅਨੁਰਾਗ ਸਿੰਘ ਨੇ ਹਾਲ ਹੀ ਵਿਚ ਹਿੰਦੀ ਫਿਲਮ ਕੇਸਰੀ ਦਾ ਨਿਰਦੇਸ਼ਨ ਕੀਤਾ ਹੈ ਅਤੇ ਨਿਰਮਾਤਾ ਅਮਨ ਗਿੱਲ ਨੇ ਉੜਤਾ ਪੰਜਾਬ ਦਾ ਨਿਰਮਾਣ ਕੀਤਾ। ਹੁਣ ਇਕ ਫਿਲਮ ਵਿਚ ਇਨ੍ਹਾਂ ਸਾਰੇ ਮਹਾਰਥੀਆਂ ਦਾ ਇਕੱਠੇ ਆਉਣਾ ਨਾ ਸਿਰਫ਼ ਫਿਲਮ ਨੂੰ ਲੈ ਕੇ ਉਤਸੁਕਤਾ ਵਧਾਉਂਦਾ ਹੈ ਸਗੋਂ ਫਿਲਮ ਸੁਪਰਹਿੱਟ ਹੋਣ ਦਾ ਦ੍ਰਿੜ੍ਹ ਵਿਸ਼ਵਾਸ ਪੈਦਾ ਕਰਦਾ ਹੈ। ਅੱਜ ਸਿਨੇਮਾ ਉਸ ਦਾ ਗਵਾਹ ਰਹੇਗਾ, ਜਿੱਥੇ ਭਾਰਤ ਸਮੇਤ ਵਿਦੇਸ਼ਾਂ ਵਿਚ ਵੀ ਛੜਾ ਫਿਲਮ ਸਭ ਤੋਂ ਵੱਡੀ ਰਿਲੀਜ਼ ਹੋ ਰਹੀ ਹੈ।
ਦਰਸ਼ਕਾਂ ਦੀ ਮੰਗ ‘ਤੇ ਫਿਲਮ ਦੀ ਅਡਵਾਂਸ ਬੁਕਿੰਗ ਠੀਕ ਰਿਲੀਜ਼ਿੰਗ ਤੋਂ ਇਕ ਹਫ਼ਤਾ ਪਹਿਲਾਂ ਐਤਵਾਰ ਨੂੰ ਖੋਲ੍ਹੀ ਗਈ, ਜੋ ਕਿਸੇ ਵੀ ਪੰਜਾਬ ਫਿਲਮ ਲਈ ਅਣਸੁਣੀ ਵਰਗੀ ਹੈ। ਇਸ ਫਿਲਮ ਦੇ ਟੇਲਰ ਤੇ ਗੀਤਾਂ ਨੂੰ 60 ਮਿਲੀਅਨ ਤੋਂ ਵੱਧ ਵਿਊਜ਼ ਅਤੇ 7.5 ਲੱਖ ਤੋਂ ਜ਼ਿਆਦਾ ਲਾਈਕਸ ਮਿਲ ਚੁੱਕੇ ਹਨ, ਜਿਸ ਨੂੰ ਦੇਖ ਦੇ ਲੱਗਦਾ ਹੈ ਕਿ ਅੱਜ ਛੜਾ ਸਿਨੇਮਾ ਲਈ ਦੁਨੀਆਂ ਭਰ ‘ਚ ਆਪਣਾ ਇਕ ਬੈਂਚਮਾਰਕ ਜ਼ਰੂਰ ਬਣਾਏਗੀ।