Shahrukh Khan meets Mamta Banerjee
ਸੋਸ਼ਲ ਮੀਡੀਆ ‘ਤੇ ਦੋਵਾਂ ਦੀ ਇਸ ਮੁਲਾਕਾਤ ਦੀਆਂ ਤਸਵੀਰਾਂ ਖੂਬ ਵਾਇਰਲ
ਮੁੰਬਈ- ਬਾਲੀਵੁੱਡ ਐਕਟਰ ਸ਼ਾਹਰੁਖ ਖ਼ਾਨ ਨੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਤੇ ਟੀਐਮਸੀ ਪ੍ਰਧਾਨ ਮਮਤਾ ਬੈਨਰਜੀ ਨਾਲ ਖਾਸ ਮੁਲਾਕਾਤ ਕੀਤੀ। ਇਹ ਮੁਲਾਕਾਤ ਕਿੰਗ ਖ਼ਾਨ ਦੀ ਸਿਆਸੀ ਪਾਰੀ ਦੀ ਸ਼ੁਰੂਆਤ ਲਈ ਨਹੀਂ ਸਗੋਂ ਆਈਪੀਐਲ ਮੈਚ ਕਰਕੇ ਸੀ।ਉਂਝ ਸ਼ਾਹਰੁਖ ਖ਼ਾਨ ਪੱਛਮੀ ਬੰਗਾਲ ਦੇ ਬ੍ਰੈਂਡ ਅੰਬੈਸਡਰ ਵੀ ਹਨ। ਇਸ ਕਰਕੇ ਉਹ ਮਮਤਾ ਨੂੰ ਮਿਲਣ ਸਪੈਸ਼ਲ ਕੋਲਕਾਤਾ ਗਏ। ਸੋਸ਼ਲ ਮੀਡੀਆ ‘ਤੇ ਦੋਵਾਂ ਦੀ ਇਸ ਮੁਲਾਕਾਤ ਦੀਆਂ ਤਸਵੀਰਾਂ ਖੂਬ ਵਾਇਰਲ ਹੋ ਰਹੀਆਂ ਹਨ।
ਪਿਛਲੇ ਸਾਲ ਇੰਟਰਨੈਸ਼ਨਲ ਕੋਲਕਾਤਾ ਫ਼ਿਲਮ 'ਫੈਸਟੀਵਲ' ਦੌਰਾਨ ਸ਼ਾਹਰੁਖ ਨੇ ਮਮਤਾ ਦੀ ਖੂਬ ਤਾਰੀਫ਼ ਕੀਤੀ ਸੀ। ਮੀਡੀਆ ਨਾਲ ਗੱਲ ਕਰਦੇ ਹੋਏ ਮਮਤਾ ਨੇ ਕਿਹਾ, “ਸ਼ਾਹਰੁਖ ਮੇਰੇ ਭਰਾ ਜਿਹਾ ਹੈ। ਇਸ ਸਾਲ ਆਈਪੀਐਲ ‘ਚ ਸਾਡੀ ਟੀਮ ਜਿੱਤੇਗੀ।” ਇਸ ਦਾ ਜਵਾਬ ਦਿੰਦੇ ਹੋਏ ਸ਼ਾਹਰੁਖ ਨੇ ਕਿਹਾ, “ਇੰਸ਼ਾਅੱਲ੍ਹਾ ਅਸੀਂ ਸਭ ਜਿੱਤਾਂਗੇ।”ਪਿਛਲੇ ਦਿਨੀਂ ਸ਼ਾਹਰੁਖ ‘ਜ਼ੀਰੋ’ ਫ਼ਿਲਮ ‘ਚ ਨਜ਼ਰ ਆਏ ਸੀ ਜਿਸ ਵਿਚ ਉਨ੍ਹਾਂ ਨੇ ਬਹੁਆ ਸਿੰਘ ਬੌਨੇ ਦਾ ਕਿਰਦਾਰ ਨਿਭਾਇਆ ਸੀ ਅਤੇ ਇਹ ਫ਼ਿਲਮ ਫਲੌਪ ਰਹੀ ਸੀ।
