ਦੱਸ ਦਈਏ ਕਿ ਮੁੰਬਈ ਉੱਤਰੀ ਲੋਕ ਸਭਾ ਨੂੰ ਭਾਜਪਾ ਦਾ ਗੜ੍ਹ ਮੰਨਿਆ ਜਾਂਦਾ ਹੈ।
ਨਵੀਂ ਦਿੱਲੀ: ਅਦਾਕਾਰਾ ਉਰਮਿਲਾ ਮਾਤੋਂਡਕਰ ਮੁੰਬਈ ਉੱਤਰੀ ਲੋਕ ਸਭਾ ਸੀਟ ਤੋਂ ਕਾਂਗਰਸ ਵੱਲੋਂ ਚੋਣਾਂ ਲੜ ਸਕਦੀ ਹੈ। ਰਾਜਨੀਤਿਕ ਗਲਿਆਰਿਆਂ ਵਿਚ ਉਸ ਦੀ ਉਮੀਦਵਾਰੀ ਦੀ ਚਰਚਾ ਜ਼ੋਰ ਸ਼ੋਰ ਨਾਲ ਹੋ ਰਹੀ ਹੈ। ਹਾਲਾਂਕਿ ਹੁਣ ਤਕ ਇਸ ਦੀ ਪੁਸ਼ਟੀ ਨਹੀਂ ਹੋ ਸਕੀ। ਕਾਂਗਰਸ ਦੀ ਰਾਜ ਇਕਾਈ ਅਤੇ ਉਰਮਿਲਾ ਮਾਤੋਂਡਕਰ ਦੇ ਪਰਿਵਾਰਿਕ ਮੈਂਬਰਾਂ ਨੇ ਇਸ ’ਤੇ ਕੋਈ ਟਿੱਪਣੀ ਨਹੀਂ ਕੀਤੀ ਪਰ ਰਾਜਨੀਤਿਕ ਸੂਤਰਾਂ ਦਾ ਕਹਿਣਾ ਹੈ ਕਿ ਉਸ ਦੇ ਨਾਮ ਨਾਲ ਪਾਰਟੀ ਨੂੰ ਕਾਫੀ ਉਤਸ਼ਾਹ ਮਿਲਿਆ।
Urmila Matondkar
ਜਲਦ ਹੀ ਇਸ ਬਾਰੇ ਆਖਰੀ ਫੈਸਲੇ ਦੀ ਘੋਸ਼ਣਾ ਕਰ ਦਿੱਤੀ ਜਾਵੇਗੀ। ਦੱਸ ਦਈਏ ਕਿ ਮੁੰਬਈ ਦੀਆਂ 6 ਲੋਕ ਸਭਾ ਸੀਟਾਂ ਲਈ ਚੌਥੇ ਚਰਣ ਵਿਚ 29 ਅਪ੍ਰੈਲ ਨੂੰ ਮਤਦਾਨ ਹੋਵੇਗਾ ਅਤੇ ਇਸ ਦਿਨ ਹੀ ਰਾਜ ਦੀਆਂ 17 ਕਈ ਹੋਰ ਸੀਟਾਂ ਲਈ ਵੀ ਵੋਟਾਂ ਪਾਈਆਂ ਜਾਣਗੀਆਂ। ਜੇਕਰ ਉਰਮਿਲਾ ਨੂੰ ਉਮੀਦਵਾਰ ਚੁਣਿਆ ਜਾਂਦਾ ਹੈ ਤਾਂ ਉਸ ਦਾ ਮੁਕਾਬਲਾ ਭਾਰਤੀ ਜਨਤਾ ਪਾਰਟੀ ਦੇ ਮੌਜੂਦਾ ਸਾਂਸਦ ਗੋਪਾਲ ਸ਼ੈਟੀ ਨਾਲ ਹੋਵੇਗਾ।
Urmila Matondkar
ਦੱਸ ਦਈਏ ਕਿ ਮੁੰਬਈ ਉੱਤਰੀ ਲੋਕ ਸਭਾ ਨੂੰ ਭਾਜਪਾ ਦਾ ਗੜ੍ਹ ਮੰਨਿਆ ਜਾਂਦਾ ਹੈ। ਹਾਲਾਂਕਿ ਬਾਲੀਵੁੱਡ ਅਦਾਕਾਰ ਗੋਵਿੰਦਾ ਨੇ ਸਾਲ 2004 ਵਿਚ ਸਾਬਕਾ ਪੈਟਰੋਲੀਅਮ ਮੰਤਰੀ ਰਾਮ ਨਾਇਕ ਨੂੰ ਇਸ ਸੀਟ ਤੋਂ ਹਰਾਇਆ ਸੀ। ਨਾਇਕ ਇਸ ਸਮੇਂ ਉਤਰ ਪ੍ਰਦੇਸ਼ ਦੇ ਰਾਜਪਾਲ ਹਨ। ਨਾਇਕ ਨੂੰ ਸਾਲ 2009 ਵਿਚ ਸੰਜੈ ਨਿਰੂਪਮ ਦੇ ਹੱਥੋਂ ਫਿਰ ਹਾਰ ਦਾ ਸਾਮ੍ਹਣਾ ਕਰਨਾ ਪਿਆ ਸੀ ਪਰ ਸਾਲ 2014 ਵਿਚ ਭਾਜਪਾ ਲਹਿਰ ਵਿਚ ਸ਼ੈਟੀ ਨੇ ਨਿਰੂਪਮ ਨੂੰ ਹਰਾਇਆ ਸੀ।
Urmila Matondkar
ਦੱਸਣਯੋਗ ਹੈ ਕਿ ਉਰਮਿਲਾ ਮਾਤੋਂਡਕਰ ਦਾ ਨਾਮ ਰਾਜਨੀਤੀ ਦੇ ਗਲਿਆਰੇ ਵਿਚ ਪਿਛਲੇ ਕੁਝ ਦਿਨਾਂ ਤੋਂ ਚਲ ਰਿਹਾ ਹੈ ਕਿਉਂਕਿ ਕਾਂਗਰਸ ਭਾਜਪਾ ਦੇ ਖਿਲਾਫ ਇਕ ਪ੍ਰਭਾਵੀ ਉਮੀਦਵਾਰ ਚਾਹੁੰਦੀ ਹੈ।
