ਕਿਹਾ - ਅਦਾਕਾਰਾ ਬਣਨ ਕਾਰਨ ਮੈਂ ਆਪਣੇ ਇਸਲਾਮ ਧਰਮ ਤੋਂ ਦੂਰ ਹੁੰਦੀ ਜਾ ਰਹੀ ਹਾਂ
ਨਵੀਂ ਦਿੱਲੀ : ਕੌਮੀ ਐਵਾਰਡ ਜੇਤੂ ਜ਼ਾਇਰਾ ਵਸੀਮ ਨੇ ਬਾਲੀਵੁਡ ਨੂੰ ਅਲਵਿਦਾ ਆਖ ਦਿੱਤਾ ਹੈ। 'ਦੰਗਲ' ਅਤੇ 'ਸੀਕ੍ਰੇਟ ਸੁਪਰਸਟਾਰ' ਜਿਹੀ ਬਾਲੀਵੁਡ ਫ਼ਿਲਮਾਂ ਨਾਲ ਪ੍ਰਸਿੱਧੀ ਹਾਸਲ ਕਰਨ ਵਾਲੀ ਇਸ ਅਦਾਕਾਰਾ ਨੇ ਫ਼ੇਸਬੁੱਕ 'ਤੇ ਇਕ ਪੋਸਟ ਪਾ ਕੇ ਇਹ ਐਲਾਨ ਕੀਤਾ। ਜ਼ਾਇਰਾ ਦਾ ਕਹਿਣਾ ਹੈ ਕਿ ਉਸ ਨੇ ਇਹ ਫ਼ੈਸਲਾ ਆਪਣੇ ਧਰਮ ਅਤੇ ਅੱਲਾਹ ਲਈ ਲਿਆ ਹੈ।
ਜ਼ਾਇਰਾ ਵਸੀਮ ਨੇ ਆਪਣੀ ਪੋਸਟ 'ਚ ਲਿਖਿਆ, "5 ਸਾਲ ਪਹਿਲਾਂ ਮੈਂ ਇਕ ਫ਼ੈਸਲਾ ਲਿਆ, ਜਿਸ ਨੇ ਮੇਰੀ ਜ਼ਿੰਦਗੀ ਨੂੰ ਹਮੇਸ਼ਾ ਲਈ ਬਦਲ ਦਿੱਤਾ। ਮੈਂ ਜਿਵੇਂ ਹੀ ਬਾਲੀਵੁਡ 'ਚ ਕਦਮ ਰੱਖਿਆ, ਮੇਰੇ ਲਈ ਮਸ਼ਹੂਰ ਹੋਣ ਦੇ ਕਈ ਰਸਤੇ ਖੁਲ੍ਹ ਗਏ। ਮੈਨੂੰ ਲੋਕਾਂ ਤੋਂ ਬਹੁਤ ਪਿਆਰ ਮਿਲਿਆ। ਕਈ ਵਾਰ ਮੈਨੂੰ ਨੌਜਵਾਨਾਂ ਦਾ ਰੋਲ ਮਾਡਲ ਵੀ ਮੰਨਿਆ ਗਿਆ। ਹਾਲਾਂਕਿ ਇਹ ਸੱਭ ਉਹ ਨਹੀਂ ਸੀ ਜਿਸ ਦੀ ਮੈਂ ਖਵਾਇਸ਼ ਕੀਤੀ ਸੀ।"
Zaira Wasim
ਜ਼ਾਇਰਾ ਵਸੀਮ ਨੇ ਲਿਖਿਆ, "ਅੱਜ ਬਾਲੀਵੁਡ 'ਚ ਮੇਰੇ 5 ਸਾਲ ਪੂਰੇ ਹੋ ਗਏ ਹਨ। ਮੈਂ ਇਹ ਦੱਸਣਾ ਚਾਹੁੰਦੀ ਹਾਂ ਕਿ ਮੈਂ ਆਪਣੀ ਇਸ ਪਛਾਣ ਅਤੇ ਜਿਹੜਾ ਕੰਮ ਮੈਂ ਕਰ ਰਹੀ ਹਾਂ ਉਸ ਤੋਂ ਖ਼ੁਸ਼ ਨਹੀਂ ਹਾਂ। ਲੰਮੇ ਸਮੇਂ ਤੋਂ ਮੈਨੂੰ ਲੱਗ ਰਿਹਾ ਸੀ ਕਿ ਮੈਂ ਕੋਈ ਦੂਜਾ ਮਨੁੱਖ ਬਣਨ ਦੀ ਜੱਦੋਜ਼ਹਿਦ 'ਚ ਲੱਗੀ ਹੋਈ ਹਾਂ। ਮੈਂ ਜਿਹੜੀ ਜ਼ਿੰਦਗੀ ਜੀਅ ਰਹੀ ਸੀ, ਉਸ ਲਈ ਮੈਂ ਨਹੀਂ ਬਣੀ ਹਾਂ।"
Zaira Wasim
ਜ਼ਾਇਰਾ ਨੇ ਲਿਖਿਆ, "ਫ਼ਿਲਮੀ ਦੁਨੀਆ ਨੇ ਮੈਨੂੰ ਬਹੁਤ ਪਿਆਰ, ਸਮਰਥਨ ਅਤੇ ਪ੍ਰਸਿੱਧੀ ਦਿੱਤੀ ਹੈ। ਪਰ ਇਸ ਨੇ ਮੈਨੂੰ ਅਗਿਆਨਤਾ ਦੇ ਰਸਤੇ 'ਤੇ ਲਿਜਾਣ ਦਾ ਵੀ ਕੰਮ ਕੀਤਾ, ਕਿਉਂਕਿ ਮੈਂ ਚੁਪਚਾਪ ਅਤੇ ਭੁਲੇਖੇ 'ਚ ਆਪਣੇ ਧਰਮ ਤੋਂ ਭਟਕ ਗਈ। ਮੇਰੇ ਧਰਮ ਦੇ ਨਾਲ ਮੇਰਾ ਰਿਸ਼ਤਾ ਖ਼ਤਰੇ 'ਚ ਪੈ ਗਿਆ ਸੀ। ਮੇਰੀ ਜ਼ਿੰਗਦੀ ਤੋਂ ਬਰਕਤ ਪੂਰੀ ਤਰ੍ਹਾਂ ਖ਼ਤਮ ਹੋ ਗਈ। ਮੈਂ ਲਗਾਤਾਰ ਆਪਣੀ ਆਤਮਾ ਤੋਂ ਲੜਦੀ ਰਹੀ।"
Zaira Wasim
ਇਸ ਮੌਕੇ ਵੱਖ-ਵੱਖ ਪ੍ਰਸਿੱਧ ਸ਼ਖ਼ਸੀਅਤਾਂ ਨੇ ਟਵੀਟ ਕਰ ਕੇ ਆਪਣੇ ਵਿਚਾਰ ਪ੍ਰਗਟਾਏ :-
Who are any of us to question @ZairaWasimmm’s choices? It’s her life to do with as she pleases. All I will do is wish her well & hope that what ever she does makes her happy.
— Omar Abdullah (@OmarAbdullah) 30 June 2019
Oh My Goosebumps! Bollywood’s talented actress Zaria Wasim now wants to quit acting because she thinks her acting career almost destroyed her faith in Allah. What a moronic decision! So many talents in Muslim community are forced to go under the darkness of the burqa.
— taslima nasreen (@taslimanasreen) 30 June 2019
