ਚੰਡੀਗੜ੍ਹ: ਮਸ਼ਹੂਰ ਪੰਜਾਬੀ ਕਲਾਕਾਰ ਗੁਰਦਾਸ ਮਾਨ ਦੇ ਪੁੱਤਰ ਗੁਰਇਕ ਮਾਨ ਅਤੇ ਸਾਬਕਾ ਮਿਸ ਇੰਡੀਆ ਅਤੇ ਅਦਾਕਾਰਾ ਸਿਮਰਨ ਕੌਰ ਮੁੰਡੀ ਦਾ 31 ਜਨਵਰੀ ਨੂੰ ਵਿਆਹ ਹੋਇਆ ਸੀ। ਹਾਲੇ ਵਿਆਹ ਨੂੰ ਇਕ ਹਫਤਾ ਵੀ ਨਹੀਂ ਹੋਇਆ ਕਿ ਸਿਮਰਨ ਕੌਰ ਮੁੰਡੀ ਨੇ ਅਪਣੇ ਪਤੀ ਗੁਰਇਕ ਮਾਨ ਨੂੰ ਆਉਂਦਿਆਂ ਹੀ ਘਰ ਦੇ ਕੰਮਾਂ ਵਿਚ ਲਗਾ ਦਿੱਤਾ ਹੈ।
Photo
ਸਿਮਰਨ ਕੌਰ ਮੁੰਡੀ ਨੇ ਅਪਣੇ ਇੰਟਾਗ੍ਰਾਮ ਅਕਾਊਂਟ ਤੋਂ ਇਕ ਫੋਟੋ ਸ਼ੇਅਰ ਕੀਤੀ ਹੈ। ਇਸ ਵਿਚ ਗਰੁਇਕ ਮਾਨ ਝਾੜੂ ਲਗਾਉਂਦੇ ਹੋਏ ਦਿਖਈ ਦੇ ਰਹੇ ਹਨ।ਦਰਅਸਲ ਸਿਮਰਨ ਨੇ ਮਜ਼ਾਕ ਵਿਚ ਇਹ ਫੋਟੋ ਸ਼ੇਅਰ ਕੀਤੀ ਹੈ। ਉਹਨਾਂ ਨੇ ਗੁਰਇਕ ਮਾਨ ਦੀ ਫੋਟੋ ਦੇ ਕੈਪਸ਼ਨ ਵਿਚ ਲਿਖਿਆ, ‘ਹੈਪੀਲੀ ਮੈਰਿਡ’। ਇਸ ਫੋਟੋ ਵਿਚ ਸਿਮਰਨ ਵੀ ਕੁਝ ਬਣਾਉਂਦੀ ਹੋਈ ਦਿਖ ਰਹੀ ਹੈ।
ਦੋਵਾਂ ਦੀ ਇਸ ਫੋਟੋ ਨੂੰ ਫੈਨਜ਼ ਵੱਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਕਈ ਲੋਕਾਂ ਨੇ ਇਸ ਫੋਟੋ ‘ਤੇ ਕੁਮੈਂਟ ਕਰਕੇ ਉਹਨਾਂ ਨੂੰ ਵਧਾਈਆਂ ਦਿੱਤੀਆਂ ਦੱਸ ਦਈਏ ਕਿ ਦੋਵਾਂ ਦੇ ਵਿਆਹ ਦੀ ਖ਼ਬਰ ਇਹਨਾਂ ਦੇ ਚਾਹੁਣ ਵਾਲਿਆਂ ਲ਼ਈ ਸਰਪ੍ਰਾਈਜ਼ ਸੀ। ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋਈਆਂ।
Photo
ਪਟਿਆਲਾ ਦੇ ਮਾਲ ਰੋਡ ਸਥਿਤ ਗੁਰਦੁਆਰਾ ਸ੍ਰੀ ਸਿੰਘ ਸਭਾ ਵਿਖੇ ਗੁਰਇਕ ਮਾਨ ਅਤੇ ਸਿਮਰਨ ਕੌਰ ਦੇ ਅਨੰਦ ਕਾਰਜ ਹੋਏ। ਇਸ ਤੋਂ ਬਾਅਦ ਹੋਟਲ ਨੀਮਰਾਣਾ ਵਿਚ ਲਗਪਗ 600 ਮਹਿਮਾਨਾਂ ਲਈ ਕੋਲੋਨੀਅਲ ਲੰਚ ਦਾ ਪ੍ਰਬੰਧ ਕੀਤਾ ਗਿਆ। ਗੁਰਦਾਸ ਮਾਨ ਦੇ ਪੁੱਤਰ ਦੇ ਵਿਆਹ ਵਿਚ ਪੰਜਾਬੀ ਫਿਲਮ ਇੰਡਸਟਰੀ ਦੇ ਕਈ ਨਾਮਵਾਰ ਗਾਇਕ ਅਤੇ ਅਦਾਕਾਰ ਖਿੱਚ ਦਾ ਕੇਂਦਰ ਬਣੇ।
Photo
ਬੱਬੂ ਮਾਨ, ਬਾਦਸ਼ਾਹ, ਜੈਜੀ ਬੀ ਹੋਰ ਵੀ ਕਈ ਵੱਡੇ-ਵੱਡੇ ਗਾਇਕਾਂ ਨੇ ਸ਼ਿਰਕਤ ਕੀਤੀ। ਵਿਆਹ ਤੋਂ ਦੋ ਦਿਨ ਬਾਅਦ ਗੁਰਦਾਸ ਮਾਨ ਦੇ ਪੁੱਤਰ ਤੇ ਨੂੰਹ ਨੇ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਮੱਥਾ ਵੀ ਟੇਕਿਆ।
