ਦਲੇਰ ਮਹਿੰਦੀ ਵੱਲੋਂ ਕਿਸਾਨਾਂ ਨੂੰ ਬਿਲ ਦਾ ਵਿਰੋਧ ਨਾ ਕਰਨ ਅਤੇ ਅਫ਼ਵਾਹਾਂ ਦਾ ਸ਼ਿਕਾਰ ਨਾ ਹੋਣ ਦੀ ਅਪੀਲ
ਨਵੀਂ ਦਿੱਲੀ: ਕਲਾਕਾਰ ਦਲੇਰ ਮਹਿੰਦੀ ਨੇ ਮੋਦੀ ਸਰਕਾਰ ਵੱਲੋਂ ਲਿਆਂਦੇ ਕਿਸਾਨ ਬਿਲਾਂ ਦਾ ਸਮਰਥਨ ਕੀਤਾ ਹੈ ਅਤੇ ਇਸ ਦੇ ਲਈ ਉਹਨਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਾਰੀਫ਼ ਵੀ ਕੀਤੀ। ਵੀਡੀਓ ਸਾਂਝੀ ਕਰਦਿਆਂ ਉਹਨਾਂ ਕਿਹਾ ਕਿ ‘ਅੱਜ ਬਹੁਤ ਵੱਡਾ ਦਿਨ ਹੈ, ਕਿਸਾਨ ਭਰਾਵਾਂ ਲਈ....ਸਾਡੇ ਸਾਰਿਆਂ ਲਈ... ਮੈਂ ਅਜਿਹਾ ਇਸ ਲਈ ਕਹਿ ਰਿਹਾ ਹਾਂ ਕਿਉਂਕਿ ਮੈਂ ਵੀ ਇਕ ਕਿਸਾਨ ਹਾਂ।‘
Daler Mehndi
ਦਲੇਰ ਮਹਿੰਦੀ ਨੇ ਟਵਿਟਰ ‘ਤੇ ਇਕ ਵੀਡੀਓ ਸਾਂਝੀ ਕੀਤੀ, ਜਿਸ ਵਿਚ ਉਹ ਇਕ ਹੱਥ ਵਿਚ ਸਰੌਂ ਅਤੇ ਦੂਜੇ ਹੱਥ ਵਿਚ ਕਣਕ ਲੈ ਕੇ ਕਹਿ ਰਹੇ ਹਨ ਕਿ ਇਹ ਫਸਲ ਉਹਨਾਂ ਨੇ ਅਪਣੇ ਖੇਤਾਂ ਵਿਚ ਉਗਾਈ ਹੈ ਅਤੇ ਉਹ ਵੀਹ ਸਾਲਾਂ ਤੋਂ ਅਜਿਹਾ ਕਰਦੇ ਆ ਰਹੇ ਹਨ। ਉਹਨਾਂ ਕਿਹਾ ਇਸ ਵਾਰ ਉਹਨਾਂ ਨੇ ਅਪਣੇ ਖੇਤ ਵਿਚ ਟਮਾਟਰ, ਗਾਜਰ, ਮੂਲੀ ਅਤੇ ਸ਼ਕਰਕੰਦ ਵੀ ਉਗਾਇਆ ਹੈ।
Daler Mehndi
ਦਲੇਰ ਮਹਿੰਦੀ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਬਿਲ ਦਾ ਵਿਰੋਧ ਨਾ ਕਰਨ ਅਤੇ ਕਿਸੇ ਵੀ ਤਰ੍ਹਾਂ ਦੀ ਅਫ਼ਵਾਹ ਦਾ ਸ਼ਿਕਾਰ ਨਾ ਹੋਣ। ਉਹਨਾਂ ਨੇ ਵੀਡੀਓ ਵਿਚ ਕਿਹਾ ਕਿ ਹੁਣ ਕੋਈ ਵੀ ਵਿਚੋਲਾ ਕਿਸਾਨਾਂ ਨੂੰ ਪਰੇਸ਼ਾਨ ਨਹੀਂ ਕਰੇਗਾ ਅਤੇ ਤੁਹਾਨੂੰ ਪਹਿਲਾਂ ਨਾਲੋਂ ਜ਼ਿਆਦਾ ਫਾਇਦਾ ਹੋਵੇਗਾ। ਉਹਨਾਂ ਨੇ ਪੀਐਮ ਮੋਦੀ ਨੂੰ ਦੇਸੀ ਬੀਜ ਵੀ ਉਪਲਬਧ ਕਰਵਾਉਣ ਦੀ ਗੁਜ਼ਾਰਿਸ਼ ਕੀਤੀ ਤਾਂ ਜੋ ਆਰਗੈਨਿਕ ਫਸਲਾਂ ਦੀ ਪੈਦਾਵਾਰ ਹੋ ਸਕੇ।
Narendra Modi
ਉਹਨਾਂ ਨੇ ਟਵੀਟ ਵਿਚ ਲਿਖਿਆ, ‘ਸਾਲਾਂ ਤੋਂ ਗੁਲਾਮੀ ਦੀਆਂ ਜੰਜੀਰਾਂ ਵਿਚ ਬੰਦ ਕਿਸਾਨਾਂ ਨੂੰ ਨਰਿੰਦਰ ਮੋਦੀ ਜੀ ਨੇ ਖੁਸ਼ਹਾਲ ਬਣਾਉਣ ਦਾ ਕੰਮ ਕੀਤਾ ਹੈ ਤਾਂ ਵਿਰੋਧੀ ਧਿਰਾਂ ਵਿਚ ਹਾਹਾਕਾਰ ਮਚ ਗਈ ਹੈ। ਸਾਨੂੰ ਸਾਰੇ ਕਿਸਾਨਾਂ ਨੂੰ ਵਧਾਈ’।
वर्षा से ग़ुलामी ज़ंजीरों में बंद किसानों को जब @narendramodi जी ने खुशहाल बनाने का काम किया है तो विपक्षी दलों में हाहाकार मच गया है . हम सब किसान भाइयों को बधाई @AmitShah @BJP4India @naveenjindalbjp @ANI pic.twitter.com/um8kqu8E1p
— Daler Mehndi (@dalermehndi) September 19, 2020
ਦਲੇਰ ਮਹਿੰਦੀ ਤੋਂ ਇਲਾਵਾ ਉਹਨਾਂ ਦੇ ਭਰਾ ਅਤੇ ਸਿੰਗਰ ਮੀਕਾ ਸਿੰਘ ਨੇ ਵੀ ਟਵੀਟ ਕਰਕੇ ਖੇਤੀਬਾੜੀ ਬਿਲਾਂ ਦਾ ਸਮਰਥਨ ਕੀਤਾ ਹੈ। ਮੀਕਾ ਸਿੰਘ ਨੇ ਟਵੀਟ ਵਿਚ ਲਿਖਿਆ, ‘ਸਾਡੇ ਮਾਣਯੋਗ ਪ੍ਰਧਾਨ ਮੰਤਰੀ ਜੀ ਹਮੇਸ਼ਾਂ ਤੋਂ ਕਿਸਾਨਾਂ ਦੇ ਹਿਤ ਵਿਚ ਫੈਸਲਾ ਲੈਂਦੇ ਆਏ ਹਨ, ਪਹਿਲਾਂ ਵੀ ਕੋਰੋਨਾ ਕਾਲ ਵਿਚ ਮੋਦੀ ਸਰਕਾਰ ਨੇ ਹੀ ਕਿਸਾਨ ਭਰਾਵਾਂ ਦੇ ਖਾਤੇ ਵਿਚ ਰਾਸ਼ੀ ਭੇਜੀ ਸੀ ਅਤੇ ਅੱਜ ਇਸ ਨਵੇਂ ਬਿਲ ਨਾਲ ਕਿਸਾਨਾਂ ਦਾ ਜੀਵਨ ਹੋਰ ਸਰਲ ਹੋਵੇਗਾ’।
हमारे मानन्नि @PMOIndia ज़ी हमेशा से किसानों के हित में फ़ैसले लेती आयी है, पहले भी कोरोना काल में मोदी सरकार ने ही किसान भाइयों के खातों में धनराशि भेजी थी और आज इस नए बिल से किसानों का जीवन और सरल होगा, इसके कुछ प्रमुख बिंदुओं को आप पढ़िए और विपक्ष के द्वारा फैलाए भ्रम से बचे????
— King Mika Singh (@MikaSingh) September 19, 2020
ਦੱਸ ਦਈਏ ਕਿ ਖੇਤੀਬਾੜੀ ਸਬੰਧੀ ਦੋ ਬਿਲ ਅੱਜ ਰਾਜ ਸਭਾ ਵਿਚ ਪੇਸ਼ ਕੀਤੇ ਗਏ।
