ਸਾਹਨੇਵਾਲ ਦੇ ਪਿੰਡ ਧਰੋੜ ‘ਚ ਬਰਥ-ਡੇਅ ਪਾਰਟੀ ਦੌਰਾਨ ਹਵਾਈ ਫ਼ਾਇਰ ਕਰਨ ਦੇ ਮਾਮਲੇ...
ਲੁਧਿਆਣਾ: ਸਾਹਨੇਵਾਲ ਦੇ ਪਿੰਡ ਧਰੋੜ ‘ਚ ਬਰਥ-ਡੇਅ ਪਾਰਟੀ ਦੌਰਾਨ ਹਵਾਈ ਫ਼ਾਇਰ ਕਰਨ ਦੇ ਮਾਮਲੇ ਵਿਚ ਪੰਜਾਬ ਗਾਇਕ ਐਲੀ ਮਾਂਗਟ ਨੇ ਮੰਗਲਵਾਰ ਨੂੰ ਏਐਸਪੀ ਦੇ ਸਾਹਮਣੇ ਆਪਣੇ ਬਿਆਨ ਦਰਜ ਕਰਵਾਏ। ਐਲੀ ਮਾਂਗਟ ਨੇ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋਈ ਬਰਥ-ਡੇਅ ਪਾਰਟੀ ਵਿਚ ਫਾਇਰਿੰਗ ਦੀ ਵੀਡੀਓ ਨੂੰ ਸ਼ੂਟਿੰਗ ਦੀ ਵੀਡੀਓ ਦੱਸਿਆ। ਉਸਦਾ ਦੋਸ਼ ਹੈ ਕਿ ਕਿਸੇ ਸ਼ਰਾਰਤੀ ਅਨਸਰ ਨੇ ਉਨ੍ਹਾਂ ਦਾ ਨਾਮ ਖ਼ਰਾਬ ਕਰਨ ਦੇ ਲਈ ਇਹ ਸਭ ਕੀਤਾ ਹੈ।
Elly Mangat
ਜ਼ਿਕਰਯੋਗ ਹੈ ਕਿ ਐਲੀ ਮਾਂਗਟ ਉਤੇ ਦੋਸਤ ਦੀ ਬਰਥ-ਡੇਅ ਪਾਰਟੀ ਵਿਚ ਉਸਦੇ ਪਿਤਾ ਦੀ 12 ਬੋਰ ਦੀ ਬੰਦੂਕ ਨਾਲ ਹਵਾਈ ਫਾਇਰਿੰਗ ਕਰਨ ਦਾ ਦੋਸ਼ ਹੈ। ਇਸੇ ਮਾਮਲੇ ਵਿਚ ਹੀ ਸ਼ਾਮਲ ਤਫ਼ਤੀਸ਼ ਹੋਣ ਦੇ ਲਈ ਗਾਇਕ ਐਲੀਮਾਂਗਟ ਇੱਥੇ ਪਹੁੰਚੇ ਸੀ। ਬਰਥ-ਡੇਅ ਪਾਰਟੀ ਵਿਚ ਐਲੀ ਨੇ ਅਪਣੇ ਦੋਸਤ ਦੀ ਬੰਦੂਕ ਨਾਲ ਹਵਾਈ ਫ਼ਾਇਰ ਕੀਤੇ ਸੀ। ਮਾਮਲਾ ਸਾਹਮਣੇ ਉਦੋਂ ਆਇਆ ਜਦੋਂ ਕਿਸੇ ਨੇ ਉਸਦੀ ਵੀਡੀਓ ਬਣਾ ਸੋਸ਼ਲ ਮੀਡੀਆ ਉਤੇ ਵਾਇਰਲ ਕਰ ਦਿੱਤੀ।
Elly Mangat
ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਕਾਰਵਾਈ ਦੇ ਡਰ ਨਾਲ ਐਲੀ ਦੇ ਦੋਸਤ ਭੁਪਿੰਦਰ ਸਿੰਘ ਦੇ ਪਿਤਾ ਗੁਰਬੰਤ ਸਿੰਘ ਘਟਨਾ ਵਿਚ ਇਸਤੇਮਾਲ ਬੰਦੂਕ ਤੇ ਕਾਰਤੂਸ ਨਹਿਰ ਵਿਚ ਸੁੱਟਣ ਦੇ ਲਈ ਨਿਕਲਿਆ। ਇਸ ਦੌਰਾਨ ਥਾਣਾ ਸਾਹਨੇਵਾਲ ਦੀ ਪੁਲਿਸ ਨੇ ਰਸਤੇ ਵਿਚ ਹੀ ਉਸਨੂੰ ਫੜ੍ਹ ਲਿਆ। ਉਸਦੇ ਕਬਜੇ ਤੋਂ ਉਕਤ ਬੰਦੂਕ ਤੇ 9 ਜਿੰਦਾ ਕਾਰਤੂਸ ਬਰਾਮਦ ਕੀਤੇ ਗਏ ਸੀ। ਇਸ ਮਾਮਲੇ ਵਿਚ ਥਾਣਾ ਸਾਹਨੇਵਾਲ ਨੇ ਐਲੀ, ਉਸਦੇ ਦੋਸਤ ਤੇ ਦੋਸਤ ਦੇ ਪਿਤਾ ਉਤੇ ਮਾਮਲੇ ਦਰਜ ਕੀਤਾ ਸੀ।
